تحدي التقاليد

باحبه أوي، أعرفه من 10 سنين، اتخطبت لابن عمه ومش اتفقنا وخطوبتنا اتفسخت، بس أنا مرتبطة بعيلته جدا بغض النظر عن فسخ الخطوبة، عمري ما حبيت حد بالطريقة دي، دلوقتي بنقرب من بعض أكتر من الأول، بنتكلم كتير في أي حاجة وفي كل حاجة؛ بس أنا مش قادرة أستحمل إني ما أقولهوش إني بحبه بجد عمري ما حبيت حد كده؛ بس هو معجب بيّ، أنا حاسة بكده؛ بس مش بيقول لي حاجة، بيتعامل معايا باهتمام زيادة بس مش بيتكلم، أنا حاسه إن علاقتي بابن عمه هي اللي مانعاه يتكلم؛ بس ابن عمه دلوقتي اتجوز خلاص وعاش حياته أعمل إيه؟ أقول له إني بحبه ولا أصبر لما هو اللي يتكلم؟ مش مستحملة يوم يبعد عني، ومش باوافق على أي عريس علشانه، مش قادرة أتخيل نفسي مع حد غيره أعمل إيه؟ (م)