السيسي ل"المصريين": "هسألكم قدام ربنا زي ما بتحاسبوني"

قال الرئيس عبدالفتاح السيسي، إنه على استعداد كامل أن يتحدث يوميا على الشاشة مع المواطنين، "مستعد أطلع كل يوم اتكلم معاكوا بس إنتوا هتزهقوا مني، وأنا معنديش ملكة الإعلاميين ولكن بتكلم معاكوا كمواطن مصري وإنسان منكم، أنتوا أمنتوني عليها والله هقف أنا وإنتوا قدام ربنا وهسألكم زي مابتسألوني وهحسابكم زي مابتحسابوني، أنا خايف عليكم والله".
وتابع السيسي، خلال كلمته في الندوة التثقيفية بمناسبة "يوم الشهيد": "عدد مظاهرات في مصر كانت 200 أسبوع، مصانع إيه اللي هتتحرك وتجارة إيه اللي هتمشي، وسياحة إيه اللي هتمشي، هو الاحتياطي للبنك المركزي راح كله 38 مليار خلصوا في سنة ونص وفي دول جنبنا دلوقتي الناس بتهدر في بلادها، لأنه كله ليه تمن، والشعب اللي هيدفع التمن، والاستقرار استثمار، وولادنا اللي راحوا عملوا كدا ليه، أقول للست اللي بتدور على دم ابنها وجوزها، وهتعيش بقيت عمرها يعلم بيها ربنا، أقولها عاوزين نأكل، هما راحوا علشان مصر، يبقى نخلي بالنا منها ومنضيعهاش".
ويشهد عبد الفتاح السيسي، رئيس الجمهورية، اليوم، ندوة تثقيفية، والتي تتزامن مع احتفال مصر والقوات المسلحة ب"يوم الشهيد".