بالفيديو| رانيا يوسف: "بكره نمبر وان".. وهناك "شللية" في الفن

حلت الفنانة رانيا يوسف، ضيفة على برنامج "عرب وود"، المذاع على قناة روتانا، الذي أدلت فيه بالعديد من التصريحات المتعلقة بالوسط الفني وصراعاته.
وقالت "يوسف" إن هناك بالفعل "شللية" في الفن، ولكنها ترى أن "شلتها" مختلفة "شلتي بناتي وبيتي وشغلي بس، وماعنديش شلة في الوسط بالعكس كل الناس صحابي".
وعن مسألة "نمبر وان" في الأعمال الفنية قالت "مش بحب قصة نمبر وان، اللي بيفرق معايا إن العمل ناجح، وممكن نبقى 4 أو 5 أعمال ناجحة كلها نمبر ون جوه رمضان أو براه".
وكشفت "يوسف" أنها تعتبر نفسها من نجوم الصف الأول "لكني مش باخد أجر الصف الأول، وما ينفعش أقلل أجري أكتر من كده، ومش بحب أطلع طلعات كبيرة قوي زي اللي الناس بتسمع عنها، عشان بخاف منها، واللي خوفت منه حصل وده اللي بوظ الصناعة".
وأوضحت رانيا أنها غير مختلفة شخصيا مع الفنانة غادة عبدالرازق، لكنها مختلفة معها على مستوى العمل "ماكنتش متخاصمة مع غادة عشان اتصالح معاها، اختلفنا في الشغل بس، لكن إنسانيا هي طيبة جدا وست ب100 راجل، وكنا مع بعض في رحلة المغرب، إنما في شغل صعب، في ناس لما بتشتغل مع بعض أو بتناسب بعض بتخسر بعض، وأنا مش عايزة أخسر غادة".
وعن دعمها لابنتها بعد ظهورها معها في فيلم "أسوار عالية" كشفت يوسف أن والد ابنتها "نانسي" المنتج الشهير محمد مختار لا يدعمها "ما بيتهيأليش إن أبو بنتي ممكن يدعمها في أي حاجة خالص، يارب يعرف يدعمها".