«السيسى»: «مانبقاش رجالة لو سمحنا لحد يمد إيديه على أراضى الدولة.. واللى بياخدها مغتصب وحرامى»

تصدر ملف استرداد أراضى الدولة تعليقات الرئيس عبدالفتاح السيسى خلال زيارته دمياط أمس، وقال الرئيس بحسم: «آخر الشهر ده هقعد مع المحافظين وقادة الجيش و20 شاب من كل محافظة، علشان نشوف استرداد أراضى الدولة، وفيه ناس كانت واضعة إيديها على أراضى بتقول هتاخد حقها منى أنا، وفيه ناس فاكرة أنها فوق القانون، وأنا بقول لها مفيش حد فوق القانون».
الرئيس يفتتح 16 مشروعاً من دمياط.. ويوجه بالقضاء على فيروس سى خلال عام.. ويقسم بالله: «مش هسيب حد ياخد حاجة إلا بالقانون»
أضاف الرئيس خلال افتتاحه مشروعات تنموية للقوات المسلحة ووزارتى الصحة والإسكان أمس: «دى أرض المصريين ولا حتى متر أرض حد ياخده، ومنبقاش رجالة وعندنا مروءة لما نسمح أن حد يمد إيديه على أرض بلاده ونسيبها له».
وتابع: «اللى بياخد الأرض دى مغتصب ولص وحرامى، أياً كان هو مين، وقسماً بالله مش هسيب حد ياخد حاجة، واللى عايز يتحدانى يتحدى حق من حقوق ربنا فى الأرض، لأن ليس لدىّ مصلحة».
وافتتح الرئيس 16 مشروعاً بتكلفة 4.9 مليار جنيه، منها 6 مشروعات للقوات المسلحة، و7 لوزارة الصحة و3 مشروعات لوزارة الإسكان فى عدة محافظات، وأكد ضرورة العمل على استكمال كل المشروعات المتوقفة على مدار السنوات العشر الماضية، وقال: «عايزين على آخر السنة دى فى شهر 12 نكون انتهينا من المشروعات المتأخرة والمتوقفة»، وطالب الرئيس وزارتى النقل والإسكان والقوات المسلحة بتنفيذ نقطة خدمة تتضمن وجود سيارات إسعاف ونقطة وقود وشرطة كل 25 كيلو، مضيفاً: «كل الطرق لازم يكون فيها محطات الخدمة التى طالبت بها، ومش هنفتتح طرق تانية إلا إذا كان كله مستكمل».
ووجه الرئيس، بإنشاء لجنة من الرقابة الإدارية ووزارة الصحة وكليات الطب للاطمئنان على معالجة النفايات الصحية، و«التأكد أن الأمور شغالة تمام»، كما وجه بتمويل البنك المركزى مشروعات مدينة الأثاث بدمياط بقروض بفائدة 5%.
وسأل «السيسى» وزير الصحة: متى لا يكون فى مصر أى مريض بفيروس سى؟ فقال «عماد الدين»، إنه سبق أن سأله هذا السؤال ولم يكن وقتها يستطيع الإجابة لكن الآن يستطيع أن يقول إنه خلال عامين بحد أقصى، فقال له «السيسى»: «خليها سنة ومعاك القوات المسلحة». فرد الوزير: «ربنا يقدّرنى»، وقال لعماد الدين: «أى حاجة عايزها قول لى وأنا أعملها لك»، كما طالب «السيسى» بالجدية فى التعامل مع معهد تدريب الأطباء، موجهاً كلامه لوزير الصحة: «عايزين الشهادة دى تطلع بخلع الضرس».
وافتتح الرئيس 9 مستشفيات عبر الفيديو كونفرانس، هى أسوان العام بأسوان وشلاتين والقصير بالبحر الأحمر ومستشفى المصح البحرى ببورسعيد، المتخصص فى النساء والولادة، والعزازى للصحة النفسية بالشرقية، والفيوم للتأمين الصحى بالفيوم، وطوارئ كفر سعد بدمياط، ومعهد القلب القومى بالجيزة، والمعهد القومى لتدريب الأطباء بالعباسية، كما دشن بدء عمل 300 سيارة إسعاف جديدة.
ووجه الرئيس الدكتور مصطفى مدبولى، وزير الإسكان، لتلبية طلبات أى مواطن يحتاج إلى وحدة سكنية، للقضاء على المناطق العشوائية، مضيفاً: «لو فيه مواطن شغال فى قطاع خاص وعايز يشترى شقة كاش بالإسكان الاجتماعى نوفرها، إنشالله يكونوا 5 ملايين شقة هاعمل لهم ال 5 ملايين شقة».