لميس الحديدي: "لو هنتحرك والدولار ب 12 جنيه غير لما نتحرك والدولار ب 18 جنيه"

علقت الإعلامية لميس الحديدي، على تأخر وبطء قرارات الإصلاح الاقتصادي، وارتفاع سعر الدولار، قائلة: "إحنا اتأخرنا في اتخاذ قرارات الإصلاح، وفقدنا الطاقة الشعبية التي تدعم التحرك الإصلاحي، نتيجة الخوف"، مضيفة "إحنا مش عايزين نخاف ونقلق، عايزين تحرك سريع وجاد ومدروس".
وأوضحت الحديدي، خلال برنامجها "هنا العاصمة"، على شاشة "سي بي سي"، لما الدولار يصل إلى 18 جنيه ويعدي والمصانع تقف والبلد في حالة شلل تام، والدنيا كلها بتتفرج علينا، فنحن بذلك نفقد مصداقيتنا كل ساعة، وهذا الإصلاح يفقد أهميته وهندفع الثمن أغلى، متابعة "لو كنت هتتحرك والدولار ب 12 جنيه غير لما نتحرك والدولار ب 18 جنيه في فرق كبير".
واستطردت لميس "صانع القرار ربنا يكون في عونه، لو حسبنا الفرص الضائعة من التأخير في حياتنا هنلاقيها كتير أوي، الإصلاح مهم وضروري إحنا محتاجين جرأة ودراسة وعلم".