كلام مسئول

محمد صلاح: يا مساء الخيرعندنا في مصر 4 مصادر رئيسية للدخل القومي السياحة والتحويلات الخارجية وموارد المصريين في الخارج وقناة السويس يعني السياحة هي تاني اكبر مصدر للدخل القومي الفلوس والعملة الصعبة وكان ممكن السياحة تكون المصدر الاول وتيجي عوامل تانية كتير لان المفروض عندنا في مصر عوامل جذب سياحي هايلة متنوعة كلنا عارفينها ربيع طول السنة وحلاوة شمسنا وخفة ضلنا والحاجات دي ومية وخضرة ووجه حسن بحر ورملة واثار من كل العصور والاديان بص لاي حتة في مصر تعرف ان التاريخ مر عليها ومكانش مرور الكرام كان مرور المعايشة والتدوين والتسجيل على الورق وعلى الحجر فوق الارض وتحتها المصريين خلوا كل حاجة في حياتهم اثار اتقنوا شغل الحجر فكسبوا عن حق لقب البنائين الاوائل لما بنوا المعبد لما بنوا المقبرة والكنيسة والمسجد بنوا تحف معمارية عشان يستخدموها وتعيش لاخر الزمن انفتحنا على المنتجعات والشواطئ فن الغطس الاوبرا والفنن التشكيلي وصناعة السينما وهوليود الشرق بس ياترى عرفنا نبيع الكلام دا انجلترا بتعلن عن نفسها وبتقول زوروا بلد شكسبير محدش بيقول في مصر زوروا بلد ام كلثوم نجيب الريحاني بلد سيد درويش كل دا مخلناش في قايمة 10 دول للدخل من السياحة مفيش مدينة عندنا في قائمة اكتر 15 مدينة بيروح لها السياح احنا خارج الاحصائيات دي كلها ليه وعندنا كل العناصر السياحية دي ..عن السياحة في مصر هيكون لينا كلام مسئول
فاصل
محمد صلاح: عملنا ترويج سياحي لمصر سمعنا كلام في الراديو حملة مصر خير لينا كلنا بتاعة سواقين التاكسي بس دا كفاية هو دا اللي هيحفز السايح انه لو ييجي مرة ييجي بعد كده اكتر من مرة فيه كمان تراجع في الارقام يمكن الازمة العالمية اثرت علينا شوية لكن السياحة في مصر مش قصة ازمة وتعدي وزير السياحة الييد زهير جرانة هيكون لينا معاه كلام مسئول ومن كلام السيد زهير جرانة وزير السياحة الازمة المالية العالمية وانفلونزا الخنازير والطاعون هي الاسباب الرئيسية وراء تراجع السياحة المصرية عربيا وعالميا وانخفاضها في لاعام 2009 بشكل كبير وعام 2010 هو الاصعب على النمو السياحي "لدينا خطة الى الوصول بعدد السائحين الى 14 مليون سنويا بحلول عام 2011 ولذلك تقوم الدولة بضخ استثمارات ضخمة للنهوض والارتقاء بالبنية الاساسية " "انا لا انحاز الى احد فانا وزير امثل قطاع السياحة وكل العاملين فيه على نفس الدرجة من الاهمية بالنسبة لي بداية من البواب اللي بيشتغل الى رئيس مجلس ادارة أي شركة كلهم سواسية "
"مصر من اعظم الدول سياحيا على مستوى الدولة ولكن توجد بعض السلبيات الفردية التي تسئ الى السياحة والتي نتعامل عها سواء كانت المعاكسات او سائقين التاكسي او البضاعة المضروبة"اكيد كل دا بيسئ الى السياحة وايه تاني بيسئ الى السياحة ويعطل التنمية فيها غياب الثقافة السياحية اكسب واجري ادبح الفرخة اللي بتبيض دهب سلوكيات بعض العاملين في السياحة وحواليها مدن ومحافظات ومسئولين مش فاهمين في الشغلانة المرور اللي معطل لنا كل حاجة ولا مستوى النضافة السيد الوزير زهير جرانة هيكون لينا معاه النهارده كلام مسئول
فاصل
محمد صلاح: برحب بوزير السياحة السيد زهير جرانة منورنا سيادة الوزير..سيادة الوزير السنة اللي فاتت حققت السياحة 10 مليار دولار وبالتالي تعتر الدخل التاني في الدخل القومي انت شايف ان الرقم دا بالنسبة لنا كويس بالمقارنة بالاستثمارات اللي بتصرف على السياحة بالمقارنة بالمزايا السياحية اللي المفروض مصر تتمتع بيها؟
زهير جرانة –وزير السياحة: اولا هي عملية نسبية يعني نمسك في اخر 5 او 6 سنين النمو اللي حصل في الصناعة احنا كان بيخش لنا تقريبا 6 مليون السنة اللي فاتت 2009 دخل لنا 12 مليون
محمد صلاح: 12 مليار؟
زهير جرانة:لا احنا بنتكلم عن اعداد سائحين السنة اللي فاتت مع الازمنة المالية دخلنا 12.5 مليون الايرادات اللي هي تهم دخل لنا 10 مليون العملية النسبية دي بترجع للبنية الاساسية اللي تم تطويرها في ال3 او ال4 سنوات تطوير مواني وطرق وسكة حديد والمناطق الحدودية بقى يخش منها جزء كبير من اليسياحة والمشاريع اللي تم استثمارها في اخر 5 سنين احنا عندنا عدد الاوض اللي موجودة في مصر 215 الف اوضة الي عندنا تحت الانشاء فوق ال199 الف حوالي 200 الف انما احنا لما نيجي نمسك التاريخ من 25 سنة كان عندنا 18 الف اوضة في مصر على مستوى الجمهورية فانت كنت محتاج بنية اسايسية تحتية اللي تقدر تبني عليها وبنية اساسية فوقية اللي تقدر تبني عليها وتتمثل في فنتادق اللي انا عاوز اقوله ان عدد الغرف او السائحين دلوقت انا اقدر اقول انه بدرجة جيد انما لسه ما وصلناش الى جيد جدا وامتيارز الا لما نقدر ل25 مليون
محمد صلاح:امال دولة زي تركيا حققت ازاي امتياز ومحافظة عليه حققت السنة اللي فاتت 27 مليون ؟
زهير جرانة:هما ابتدوا يعملوا خطة طموحة جدا من زمان هما كانوا مليون سائح واحنا مليون سائح بس احنا كان عندنا اولويات
محمد صلاح:الكلام دا استوعبه لوالاولويات تتعلق بالخدمات التعليم الصحة ولكن السياحة بتجيب عائد على طول
زهير جرانة:انا بتنيت على حاجات كتيرة وزراء سابقين عملوها لكن لوانا دخلت مربع ال10 كبار زي تركيا واسبانيا وشايف ان احنا هنحقق ارقام في السنوات القادمة
محمد صلاح: الدخل دا بيتحسب ازاي 10 مليار الى خزينة الدولة هل دا بيشمل الدخل من الفنادق ولا مناطق السياحية ؟
زهير جرانة: احنا بنحسب اولا الايرادات من صناعة السياحة احنا مع البنك المركزي وعنده دخول واضحة جدا دخول العاملين في الخارج الصادرات قناة السويس ، السياحة بنيجي نحسب متوسط انفاق السايح عملناها 125 وبعدين 55 دولار في اليوم وبعدين 165 وبعدين شغالين دلوقت على 85 دولار متوسط انفاق السائح فانت بتاخد عدد السياح وعدد الليالي السياحية وبتصضربه في 85 دولار
محمد صلاح:احنا ترتيبنا كام في دول العالم؟
زهير جرانة:21
محمد صلاح:مؤهلاتنا السياحية شايف انها تتناسب مع الترتيب دا؟
زهير جرانة: خالص لان الامكانيات اللي موجودة في مصر لكن هل انت السياحة دي توجه في الدولة انك انت تهتم بيها ودا مش في مصر بس دا في كل بلاد العالم
محمد صلاح :لا مش كله يعني الغردقة عندها ثقافة سياحية ؟
زهير جرانة: اللي انت بتقوله هو مهم جدا انا جزء من المنظومة والمنظومة هيحصل لها خلل لو انا ما اتعاملتش مع هذا الكلام وبعدين من المهم جدا ان دا سلوك فردي يعني مش ظاهرة عامة
محمد صلاح: اصل دا يبقى سلوك فردي لو 3 او 4 في المطار و5 او 6 في التاكسي و7 او 8 في القطار دا يبقى سلوك فردي انما ضايق سياح كتير ؟
زهير جرانة: انسبها لتعداد السكان القاهرة بيتحرك فيها 22 مليون واحد لما تعملي الف ولا الفين ولا 10 الاف تبقى العملية صعبة
محمد صلاح:امتى نعمل طفرة كبيرة ؟
زهير جرانة: احنا كنا 25 ثم 24، ثم 21 ثم 19 السنة دي ان شاء الله المهم نحقق 30 مليون سايح لان طبعا زي ما البلاد التانية بتتقدم الدنيا حركة السياحة في العالم بتزيد فبالتالي احنا متوقعين ان احنا خلال 4 او 5 سنوات نوصل ل20 مليون ابقى من اكبر 14 او15 دولة ممكن بعديها لو انا كملت بمعدل النمو دا بس لازم اكون واقف على ارض صلبة لان العملية فيها مخاطرة ان انا ادخل هذا الكم وانا مش مؤهل فاحنا دلوقت احنا بنزيد قبل الازمة المالية كنا ماشيين بمعدلات نمو من 15 الى 18% عاوز ارجع تاني لهذه المعدلات بعد ان الازمة دي تقل شوية وامشي بالمعدلات دي واوصل لل25 وال30
محمد صلاح: قد ايه الازمانت دي تاثر من الزمة المالية العالمية الى ازمة اليورو اليومين دول وازمة اليونان بتاثر ازاي على السياحة؟
زهير جرانة:أي حاجة بتاثر على السياحة .. مشكلة في المنطقة حروب في المنطقة تاثير حكاية مشكلة بتاعة اليورو والدولار عملية عاملة لنا مشكلة كبيرة جدا لان انت الخدمة اللي انت كنت بتصدرها بقت غالية فبالتالي المنافسين اللي حواليك بيستفيدوا من هذا الكلام لو انت معندكش خطة سريعة وواضحة ازاي اتعامل مع المشاكل اللي موجودة ممكن اخسر السوق
محمد صلاح: دا على مستوى السوق طيب على مستوى الدخل دايما بتحصل شكاوى من العاملين او القريبين من مجال السياحة الوزارة بتتعامل ازاي مع المؤسسات السياحية ايه اللي بتتعرض لضرر في الازمات اللي زي كده؟
زهير جرانة:يعني هقولك المفروض الواحد يتعامل ازاي في ظروف انا مقدرش اخد قطاع السياحة مستقل واسيب قطاع الزراعة والقطاعات الخدمية والصناعية الاخرى والمصانع فيه مصانع بتقفل لما انت حصل انخفاض على منتجات الاستهلاكية زي مصانع الغزل والنسيج الناس بطلت تصدر هيعمل ايه ايه المطلوب منه ان احنا بنحاول نوصل لترضية لجميع الاطراف انما عشان اقولك حقيقة الامر اللي حصل فيه حاجة اسمها عمالة دايمة وفيه عمالة مؤقتة العمالة المؤقتة بتبقى ناس بتعينها بعقود مؤقتة عشان بيبقى عندها شغل زيادة ، لما الشغل بيقل بنستغنى عن المؤقتة انما اللي بيستغنى عن العمالة الدايمة بيبقى قصير النظر النهارده انت عندك نقص في العمالة المدربة مش ممكن تخسر واحد هو كان بيشغل قريتك وانت تسيبه يمشي النهارده لما احنا حصرنا الانخفاض في حركة السياحة لقينا 2% ودي مش العملية ودي فترة مؤقتة جدا انت لما تيجي تحسب الاشهر كانوا 8 اشهر
محمد صلاح:يعني عادة الازمات بتبقى مؤقتة .
زهير جرانة:احنا للاسف كان لبنا نصيب من احداث بتؤثر على حركة السياحة في مصر جت حصلت الازمة العالم كله اتخض فابتدينا نتعامل وحطينا خطة واشتغلنا عليها والمعدلات رجعت ، معدلات النمو في حركة السياحة العالمية 7% احنا كنا ماشيين 25% لكن الحكومة بتعمل مجهود مع القطاع الخاص كله يعني هي منظومة متكاملة في الاخر واوعى تفتكر ان الحكومة هتنجز لوحديها ولا القطاع الخاص هينجز لوحده
محمد صلاح:السياحة العربية بالنسبة للاجانب قد ايه؟
زهير جرانة: 18%
محمد صلاح:شايفهم مؤثرين اكتر قد ايه بيحصل فيها ازمات يعني هل الازمات لما بتحصل على مستوى العالم بتحصل....؟
زهير جرانة:زي أي حاجة في الدنيا الازمة المالية نالت من دول الخليج ومن الدول الرئيسية المصدرة للسياح لينا قللوا من حركة السفر بتاعتهم وابتدوا يفضلوا يقعدوا في بيوتهم قللوا مدد الاجازات قللوا عدد الاجازات كل الكلام دا بيؤثر اللي انا عاوز اشرحه عشان ناس كتير بتقولي انا اعلى نسبة حركة سياحة عربية موجودة على مستوى العالم بتيجي مصر ناس كتير جدا بتقول شوف لبنان ، لبنان بلد جميلة جدا شعبها اجمل انما في الاخر بتستوعب قد ايه اجمالي دخل عدد السياح في لبنان مليون و822 الف احنا في الشهر مليون وممكن يوصل مليون ونص فنسبتها ليه قليلة ال18% السياحة الاوربية وحجم اوربا وحجم تعداد سكان اوربا وعدد دول العالم اكبركتير من تعداد سكان ودول العربية
محمد صلاح:حتى القدرة المالية برضه اختلفت.
زهير جرانة:لا مالهاش دعوة دي ثقافة بلد وثقافة ان انا مسافر عن طريق رحلات منتظمة بسافران انا عندي توقيتات معروفة انا لوسالتك انت هتسافر امتى اجازة هتقولي معرفش
محمد صلاح:سيادة الوزير دايما بنسمع في الازمات والمفروض ان دا مسالة مستمرة حكاية فتح اسواق جديدة اشرح لنا حكاية الاسواق الجديدة مش المفروض ان مصر موجودة على الخريطة السياحية في العالم كله طول السنة ازاي بيتم فتح الاسواق الجديدة وازاي بيتم اكتشافها؟
زهير جرانة:بلاد العلم والبلاد المصدرة للسياح كل دلول العالم بتشتغل عليها طبعا فيه معايير بنشتغل عليها لان احنا بنروح نشوف بلاد النمو الاقتصادي فيها جامد جدا بالتالي لازم تركز عليها اولا يبقى عندك خطوط منتظمة تبتدي تثقف العمالة المصرية على كيفية التعامل مع الناس دي واكلهم وطباعهم احنا متواجدين في جميع الاسواق الرئيسية المصدرة للسياح على مستوى العالم .. الصين والهند اكبر نمو اقتصادي موجود في العالم بيقولوا سنة 2020 هيخرج منهم 150 مليون سايح ليهم اولويات وهي فرنسا واوربا واسيا لما تيجي تبص على السوق الهندي او السوق الصيني هتلاقي انك ماشي على معدلات نمو كبيرة جدا عندك امريكا الجنتوبية فيها نمو اقتصادي كبير جدا طب ليه ما بتزيدش بنتزيد بس انت فاهم من 10 الاف الى 20 الف دا 100 % انما انت معندكش قدرة على الطيران للمناطق دي تخدمك كل الكلام دا ببيجي من منظومة متكاملة ، روسيا من 10 سنين كان بيجيلنا منها 100 الف تالنهارده بقت 2 مليون
محمد صلاح:سيادة الوزيرمرتبط بمساتلة الترويج برضه الحملات الاعلانية بنشوف اعلانات بتيجي في التليفزيون على فترات بتركزعلى ممثلين مشهورين لكن ليه ما اعتمدناش على الرموز بلد ام كلثوم بلد سيد درويش بلد نجيب محفوظ ولا السياحة الثقافية دي ما بتروجش؟
زهير جرانة:انت النهارده لما نيجي نعمل حملة ما بتتعملش كده من غير اس فيه اسس بنشتغل عليها بيتعمل دراسات السوق وعدد السوق وبيفكروا في ايه كل الكلام دا وعلى الاساس دا بننزل الحملات بتاعتنا الحملة مثلا اللي بننزلها في الاسواق العربية مختلفة تماما عن الاسواق الاوربية دول ليهم عاداتهم وليهم تقاليدهم وفي كل سوق بيبقى فيه الية مختلفة وبنضطر ان احنا نطور ، النهارده لما انت بتيجي تتكلم عن السياحة الثقافية معندكش نفس النمو اللي فيها التنوع السياحي المختلف زي البحر والغطس فانت بتسوق طبقا لاحتياجات السوق انما المفروض انك انت يبقى عندك المرونة انك انت تتعامل مع اليات السوق لو اتغيرت ودا اللي بيحصل عندنا
محمد صلاح:طب على مستوى الدخل لاحظنا انه كان فيه حملة استهدفت سواقين التاكسي انت شايف ان سواقين التاكسي مؤثرين في القصة كده؟
زهير جرانة:أي حد مؤثر انا بس عايز اقول على حاجة مهمة جدا الصناعة دي نجاحها هو نجاح مجتمع انما اوعى تفتكر ان نجاح فرد في القطاع الخاص لو المنظومة اكتملت الكل بينجح الغرض من الحملة دي اني اظهر الجانب السلبي انا راجل احب اتعامل مع الحاجة من جدورها انما مش هحسس لى المشكلة وحصل هجوم جامد جدا علينا في هذا الموضوع نجاحي اللي انا حسيته من الهجوم اللي جه عليا ليه لان الناس اتاثرت باللي عملته
محمد صلاح:انتقدوا ايه؟
زهير جرانة:ان احنا مش كده احنا بنتعامل مع المشكلة انت سبت اصل المشكلة ما ينفعش يعني تخيل واحد عنده مرض خبيث اقولهع شفت انت لازم ما تدخنش سجاير وتاكل اكل صحي والراجل بيودع فبالعكس احنا الرسالة كانت واضحة جدا ولما اتعاملنا مع السواقين واو الجمالين ..ايه المشكلة انه يبقى عندي تاكسي بنديرته شغالة ايه المشكلة ان انا يقولي انت هتركب ب50 جنيه وهتنزل ب200 على الاقل ابقى عارف ممكن اركب وما انزلش واروح بالجمل لكن ما ينفعش يبقى فيه سيبان ما ينفعش اخش محل يبقى مفيهوش تسعيرة او تبقى البضاعة جاية مضروبة من أي دولة تانية واقولك اصل دا اصلي الحاجات دي بتسئ للبلد والشعب
محمد صلاح: خليك معانا لسه الكلام مخلصش
فاصل
محمد صلاح: هاجم وزير السياحة سلوك المواطنين اللي بيؤثرعلى السياحة فيه ناس بتعيش من ورا الصناعة دي عندنا ناس في خان الخليلي بيقولوا ايه؟
فاصل
مواطن1: السياحة نايمة واخدين على كده من زمان وقت ما تكون السياحة متلخبطة السياحة بتهبط والسياحة بقالها اكتر من سنتين هبطانة المحلات كترت ومفيش زباين كتير
مواطن2: ابتدت تتحرك شوية يعني ابتدينا الحمد لله عن الاول
مواطن3: ان شاء الله نتمنى خير انما حاليا فيه ركود في السياحة للاسف
مواطن4: فيه ركود في العالم كله مش في مصر بس
مواطن5: يعني هي دلوقت كويسة لكن مش زي الاول، الاول كان فيه زباين كتير الزباين بتشتري كان فيه الازمة العالمية طبعا مؤثرة على السياحة دلوقت الزباين ما معهاش فلوس كتير عشان تشتي ممكن يعجبهم حاجات كتير بس مش قادرين يشتروا عشان ما معهمش فلوس
مواطن6: زي ما انت شايف كده هس هس وربنا ما بينساش حد
فاصل
محمد صلاح:تعليق غريب ان السايح ييجي وما معهوش فلوس ممكن الازمة دي تاثر على مؤسسات وحككومات بس على اصحاب المحلات ممكن السايح ينزل وما معهوش فلوس يصرف
زهير جرانة: ممكن ..كان حد بيحكي لي على سايح من كام يوم راح يشتري جلابية فدفع في الجلابية 350 جنيه واحد تاني نفس الجنسية اشتراها ب80 جنيه من نفس المحل الحاجات دي فعلا هي الحاجات يعني زي أي حاجة في الدنيا
محمد صلاح:اللي هو اخطف واجري؟
زهير جرانة:انا النهارده مهم جدا هو انا يهمني ان انا اخد السايح دا مادام جالي مش اكسبه عشان يجيلي تاني وتالت وعاشر ويبلغ غيره ان مصر لان فيه ناس بتتعامل بطريقة تانية انت عرفت اللي حصل المطعم اللي هو راح ياكل فيه الراجل اللي بيشتغل في المطعم دا خد الراجل وراح بيه المحل
محمد صلاح: عشان عنده ثقافة سياحية
زهير جرانة:بالظبط انما مش في يوم وليلة لو انت دا واحد من مجتمع لو هو تعامل معانا بطريقة لصالح مصر في الاول وفي الاخر الكل هيكسب الناس اللي بتشتكي من ان محلاتها ما بتبيعش كويس ما تشوف برضه السبب انت بتقول اصل الزبون ماجاش الزبون ما معهوش انت ليه بتروح بلاد تخش محل حتى لو معاكش بتصرف اللي في جيبك عشان عارف انك بتاخد الحاجة بسعرها واحنا بنواصل الرسالة دي بطريقة مهذبة وسليمة وعلمية وبنقول للناس ياجماعة تعالوا نشتغل مع بعض
محمد صلاح:قلت لي ان اللي موجود عندنا حوالي 215 الف غرفة وان فيه تقريبا 200 الف تحت الانشاء احنا عندنا عمالة مدربة تستوعب الاعداد دي كلها؟
زهير جرانة: لا
محمد صلاح: هتعمل ايه؟
زهير جرانة:الموضوع دا تدريب الكوادر البشرية دا العنصر الاساسي اللي الوزارة عندنا بتشتغل عليه انما طبعا اللي احنا بنعمله مش كفاية انما احنا بنعمل جهاز هيبقى مسئول بالكامل عن تاهيل وتدريب
محمد صلاح:عاجبك مستوى العمالة بشكل عام في الفنادق والمطاعم الكبيرة؟
زهير جرانة: احنا عندنا جيد ولكن فيه ناس جيد جدا وامتياز مهمجدا في أي صناعة يبقى عندك مصداقية ما اقولش ان انا ببيع لك القمر واول لك ان انا هوصل لاول سحابة احنا عندنا كمية تفتيش على الفنادق ماهو احنا مقلناش ان احنا وصلنا لمرحلة 100% احنا ماشيين بنظام وخطة سليمة ومدروسة جدا وبنطبق فيها احنا النهارده بنعيد تقييم جميع الفنادق في جمهورية مصر العربية بنحط ما يسمى بمعايير دولية الناس دي هتشتغل لو انت النهارده اتعاملت على هذا الاساس اهلا وسهلا لو ما اتعاملتش بديلك فرصة بقولك خلال 3 اشهر لو ما ظبطتش نفسك هنزلك نجمة ايا كان انما احنا بنشتغل في صناعة نمت وكبرت بسرعة كبيرة جدا
محمد صلاح:البنية الاساسية اخبارها ايه بالنسبة لل200 الف غرفة اللي موجودة ؟
زهير جرانة:تلت عدد الغرف اللي هتتبني في خلال ال3 او ال4 سنين جاي في الساحل الشمالي
محمد صلاح:هو فيه سياحة في الساحل الشمالي احنا بنصيف ونروح فيه حد غيرنا بيروح؟
زهير جرانة:فيه حركة سياحة بقت مطلوبة وكبيرة جدا وبتنمو
محمد صلاح:عدد الفنادق قليل جدا وعدد المنتجعات الناس تصيف وتروح
زهير جرانة: انا بتكلم عن عدد غرف فندقية مش فيلا ولا شقة ولا شاليه ..النهارده بقى ليه وضع الساحل الشمالي عليه طلب سياحي كبير جدا 7 اشهر .. كان اكبر مشكلة في الساحل الشمالي ولو هندي الحق اللي هو فعلا فضل ورا الساحل الشمالي وينميه هما اتنين الوزير احمد المغربي واستاذ حامد الشيلاتي راح اداله ارض وقاله ابني الراجل بنى فندق اتملا بنى تاني اتملا بنى تالت اتملا خلاص
محمد صلاح:لكن الساحل اتامم بالمنتجعات والقرى السياحية بتستخدم 4 او 5 شهور وخلاص؟
زهير جرانة: الساحل الشمالي كبير جدا
محمد صلاح: يعني انت متوقع ان الساحل الشمالي يمثل طفرة كبيرة في السنين اللي جاية؟
زهير جرانة:ممكن يوصل لنفس الكثافة زي الغردقة ما اتنتساش ان فيه طاقة استيعابية بسبب المطارات والبنية الفوقية زي الفنادق في الغردقة وشرم الشيخ او جنوب سينا ..محافظة البحرالاحمر لسه فيه نمو جامد جدا
محمد صلاح: سياحة الوزيرالسياحة بتشتغل بالكم لا بالكيف يعني من الافضل ان احنا نجيب سايح غني معاه فلوس كتير ولا يبقى الكثافة اكبر بس مامعهوش فلوس كتير ويصرفوا نفس المبلغ
زهير جرانة:النظرية دي مهمة جدا والنظرية دي عملنا دراسات ودي من اهم مخرجات الدراسة دي ان هو قالك انت عاوز كم ولا كيف الاتنين مهمين ما تنساش انت لو رجعت للبرنامج الانتخابي هو كان الغرض ان احنا نزيد 6 مليون الهدف الرئيس كان انك بتخلق مليون و200 الف فرصة عمل ، الهدف الرئيس خلق فرص عمل لو انا النهارده ابتديت اركز على الكيف اه هيبقى نفس الزبون اللي مثلا بيخدموه 2 او 3 هيخدموه 5 و6 على اساس ان هو بيدفع اكتر ، انت عندك مشكلة كبيرة ان تعداد السكان بيزيد سنويا في مصر انت خلال 18 سنة دلوقت انت النهارده عاوز تخلق 650 الف فرصة عمل في السنة خلال 18 سنة طبقا للتعداد السكاني الاخير بتاع 2009 احنا محتاجين نوفر مليون و600 الف فرصة عمل .. منين..؟ وبعدين انت النهارده هذه الصناعة انت اللي لازم تعمله انك ترفع خدماتك وترفع اسعارك بس دا كله بيجي بتدريب وتاهيل وتعليم والمنظومة لازم تكتمل من التعليم من الصحة من الطرق من خدمات في الفنادق ، البيع ، سواقين التاكسي، دا لما يجتمع انا اقدر النهارده ابيع بسعر اعلى ولكن فيه نقطة مهمة جدا انك انت وانت بتخلق هذا الكم من حركة السياحة انك تحافظ على بيئتك البيئة العامة زي الشعب المرجانية تقلل من التلوث اللي موجود تحافظ على بيئتك ما تطفش السمك حاجات كتيرة جدا كل الكلام دا واحنا بندرسه كلها معادلات معقدة انما هي نظرية لازم احافظ على الاتنين
محمد صلاح: الامين العام للمجلس الاعلى للاثارليه كلام بيقول انه السياحة عدو الاثار ويطالب بالاهتمام بالكيف مش بالكم؟
زهير جرانة: كلامه مظبوط مليون %
محمد صلاح:انت لسه بتقولي نخلق فرص عمل
زهير جرانة:نظريا الكلام حلو بس هو وجهة نظره ولازم الناس ماتاخدوش بحساسية الراجل بيقول انا عايز احافظ على الاثار مع النمو في حركة السياحة اللي بيحصل ان الاثار ممكن تدمر فبالتالي هو عاوز الزبون اللي هو فعلا عاوز يشوف الحكاية دي ويدفعه تمنها انما اللي هو جاي عشان يقول انا اتصورت جنب الهر لا هو مش عاوز دا هو عاوز اللي قدر المنتج دا والحاجات التاريخية اللي موجودة دي وجهة نظره انما في نفس الوقت احنا بنقول طب ما نفتح مناطق اثرية وندفع فيها الناس لما انا اروح أي منطقة عشان لما ادفع عاوز احس بخدمة .. عشامن كده بقول عاوزة اجي اغلي لازم الزبون ما يقدرش يفتح بقه
محمد صلاح: عندنا تقرير من جماعة سياح سجلنا معاهم نشوفهم*
فاصل
سائح1: انطباعي عن مصر انها بلد رائعة وشعبها شعب ودود انا هنا في رحلة عمل وكانت فرصة جميلة لزيارتها نحن من المانيا وجئنا من اجل اقامة مشروعات هنا لاننا نعتقد ان الشباب المصري ذكي ومحب للعمل وهي فرصة للتواصل بين البلدين
سائح2: انها زيارتي الاولى وهي زيارة عمل وتركت انطباعات ايجابية نحن نستمتع بالشعب الودود والمرحب للغاية
سائح3: المصريون ودودون انا قادم من اميريكا وامضي فيها وقت رائع الاهرامات وابو الهول مذهلان تعلمنا كيف اخترع المصريون القدماء من اختراع الورق والعلاج مصر بها اشياء جميلة
سائح4: الشعب المصري ودود ولكن توجد مشكلة الازدحام بشكل كبير لا يوجد مساحة كافية للتحرك
فاصل
محمد صلاح:ايه رايك في اللام دا؟
زهير جرانة: مصر مفيش زيها ولا شعبها ولا اكرامهم ولا ضحكتهم ولا خفة دمهم فالناس دي بره محدش بيسال في حد هنا الكل عاوز يخدم طبعا الناس بتيجي بتنبهر بمصر مش حاجة جديدة
محمد صلاح:عاملة لكم مشكلة الزحمة؟
زهير جرانة:أي حاجة في الدنيا خارجة عن الاطر المتعارف عليها في العالم بتاثر لو عايزة اروح متحف عاوز اروح في 3 ساعات بياثر من وقتي اللي ممكن اقعد فيه جوه المتحف والناس ما بيفهموش ازاي احنا بعدي بين العربيات
محمد صلاح:امتى ترجع مقولة اللي بيشرب من مية النيل لازم يرجع لها تاني ولا الكلام عن التلوث والجراكن بياثر برضه ؟
زهير جرانة: أي حاجة الاعلام لما بيتناولها الاعلام الخارجي بياخدها وبيكبرها المقولة دي موجودة وهتفضل موجودة انما لازم نقول ان احنا لما احنا بنسئ لمواردنا وحاجتنا بيضرنا وفيه ناس بتقول انتوا بتعملوا كده لبه في بلدكم ..اه فيه ناس بتخالف ولازم يبقى فيه قوانين بتنظم الكلام دا واجراءات قانونية ممكن تتاخد وجزاءات انا لما بيبقى عندي مشكلة لازم اتعامل معاها انما ماقولش والله دا انا قطعت رقبته وانا هوريله وانا انا ....
محمد صلاح: مش معقول تبقى معايا في البرنامج وما اسالكش السؤال التقليدي دلوقت انت عندك كام فندق وكام ارض وكام مشروع سياحي بتديره يعني ؟
زهير جرانة: انا بدير وزارة ما بديرش
محمد صلاح: كام اللي تملكه؟
زهير جرانة:كنت بملك
محمد صلاح: راحوا فين؟
زهير جرانة: موجودين الحمد لله
محمد صلاح:ربنا يزيد ويبارك ..ازاي حد يقتنع ان رجل اعمال بيملك اصول بشكل او باخر يستغنى عنهم ويروح يشتغل في وظيفة تنفيذية مرموقة طبعا يعني وبعدين يرجع تاني للمكان دا اشرحها لنا ؟
زهير جرانة: لا حكاية يرجع للمكان دي ..انا دخلت في وبعد كده شرفت ان انا بقيت وزير سياحة في 2005 من ساعة ما انا رحت اشتغلت معاون وزير ما بقتش ادير اعمالي ما استقلتش من مجالس الادارات انما ما بقيتش بعمل في هذه الشركات شغل يومي لما عينت وزير بحكم القانون بتستقيل من كل مجالس الادارات وكل المراكز اللي انت ممكن تكون بتراسها او بتزاولها من ساعتها.. في 2006 بعت جميع متلكاتي كله دا من حقي قانونا وشرعا ومن حقي ان انا احتفظ بيهم انما الناس دايما تقولك انت ازاي طيب هتحاسب اخوك ولا هتحاسب عملك ماهو لو كل وزيير بيمتلك وجه اشتغل في منصب سياسي ومنصب حكومي وبقى عنده مسئولية الناس دي لازم تكمل ، انت بقى ليك وضع لازم الكل يحترمه ولازم الكل يخاف منه اكنر يعني لواحنا مع بعض حاجة واحنا في شركة وانا بعيد مسئول عنك اكيد انك انت هتبقى وانا بحاسبك هبقى بحاسبك10 مرات اقوى من ان انا بعامل الغريب لانك انت ممكن تضرني الغريب دا ما يعرفنيش هي دي ببساطة فانا بعت حاجتي ومن حقي ان انا ارجع اشتريها بعد كده اشك ان انا بعد هذا المنصب ان انا اقدرارجع اشتغل في أي حاجة خاصة بمجالي
محمد صلاح: بتلاقي معاناة من وزارات اخرى او مؤسسات اخرى مؤثرة على السياحة ؟
زهير جرانة: مفيش حاجة ما بتأثرش عليا انا بالعكس مرتبط جدا بكل الناس وعشان كده انا بقول انا قطاع مسرب انا ببني على اللي غيري بيعمله فبالتالي لوانا علاقتي مش كويسة جدا مع مختلف الجهات هيبقى عندي مشكلة كبيرة
محمد صلاح: مفيش حاجة ياجماعة ما بتاثرش على السياحة نبتدي بنفسينا ونسيب بقى الوزارة والحكومة تبقى تتصرف وقال وزيرالسياحة السيد زهير جرانة كلامه النهارده كان كلام جميل كلام معقول اكيد كان كلام مسئول خلص الكلام سلام نلتقي في الحلقة المقبلة