د‏.‏ أحمد نظيف في حوار للإعلامي عبداللطيف المناوي‏:‏

قال الدكتور أحمد نظيف رئيس مجلس الوزراء‏:‏ إن حادث الإسكندرية لم يكن نتيجة فتنة‏,‏ وإنما استهدف الفتنة‏,‏ مطالبا الشعب المصري بأن يتخذ مواقفه بناء علي هذا الأساس‏
وأشار نظيف في حوار أجراه معه الإعلامي عبداللطيف المناوي في برنامج وجهة نظر للتليفزيون المصري أمس إلي أن المواطنة هي فكرة وثقافة مجتمع‏,‏ مؤكدا أنه لا يوجد قانون يستطيع بمفرده إقامة فكرة المواطنة في دولة‏.‏
وشدد رئيس الحكومة علي أنه إذا كان هناك ما يقلق بشأن حادث الإسكندرية‏,‏ فهو مقلق للمصريين قبل أي حد‏,‏ وأن مصر قادرة تماما علي حماية مواطنيها‏,‏ مشيرا إلي أن الرئيس كان واضحا تماما حين قال‏:‏ إننا لا نقبل التدخل في شئوننا في أي مجال‏.‏
وحول مستقبل التنمية في مصر قال نظيف‏:‏ إن الحكومة تحملت المسئولية بالكامل لتنفيذ برنامج الرئيس بمنتهي الدقة‏,‏ كاشفا عن أن ما تحقق من برنامج الرئيس اليوم يتجاوز المطلوب في ست سنوات‏.‏
وأوضح أن مصر لم تعد تعتمد علي مصدر واحد من مصادر الاقتصاد‏,‏ مشيرا إلي التوسعات التي حدثت في الأعوام الأخيرة‏,‏ حيث تم تركيب‏960‏ ألف عداد كهرباء هذا العام‏,‏ في حين شهدت البلاد أكثر من نصف مليون زيجة جديدة‏.‏ وقدم الدكتور أحمد نظيف رئيس مجلس الوزراء رؤية الحكومة لما تم تحقيقه وما ينتظر البلاد من تحديات في حواره الذي أجراه معه الإعلامي عبداللطيف المناوي‏,‏ وفيما يلي نص الحوار‏:‏
الرئيس حسني مبارك وجه مجموعة من التكليفات الي الحكومة للقيام بها‏.‏هذه التكليفات وضعت في الاساس مجموعة من المحاور الرئيسية حول المشكلات الخاصة بتشجيع الاستثمار‏,‏ والعدالة الاجتماعية‏,‏ والمشاركة المجتمعية‏.‏هذه التكليفات تمت ترجمتها الي محاور‏.‏ العمل التي وضعتها الحكومة وحملها د‏.‏ احمد نظيف امام المؤتمر الاخير للحزب الوطني وتحدث فيه عن بيان الحكومة‏.‏اليوم أتي الي هنا مقر مجلس الوزراء لكي احمل هذه التكليفات وتلك الالتزامات التي التزمت بها الحكومة ونضعها امام المسئول الاول عن هذه الالتزامات والتكليفات في مصر د‏.‏ احمد نظيف رئيس مجلس الوزراء‏.‏
‏-‏ اهلا بك استاذ عبد اللطيف
‏-‏ اسمح لي أبدأ معك في البداية بالموضوع الاكثر حضورا هذه الأيام وهو ماحدث بالاسكندرية ذلك الحادث المؤلم تلك الجريمة المؤلمة‏.‏ تحدثنا كثيرا بل ان الماده الاولي في الدستور تنص علي ان المواطنة هي اساس الدولة السؤال هنا لماذا لم تتم ترجمة هذا المفهوم حتي الان بشكل اسس وقواعد للتعامل في المجتمع‏.‏الحادث كان مؤسف وآلمنا جمعيا لكن في النهاية هناك عبر كثيرا جدا نستطيع ان نأخذها من هذا الحادث اهمها زي ما انا قولت قبل كده ان ده حادث ارهابي ويدل علي ان مصر مستهدفه وان الوحدة الوطنية في مصر مستهدفة ولذلك اهم شيء نقدر نعمله في هذا اننا نفهم هذا انا قولت ان الحادث ليس نتيجة فتنة ولكنه يستهدف الفتنة وبالتالي مهم جدا اننا كمصريين كل المصريين نفهم هذا ونصحاله كويس ونتعامل معه علي هذا الاساس لانه جانب رئيسي في هذا الحادث ده موضوع وموضوع بيؤكد فكرة المواطنة لكن عايز اقول إن مفيش ارتباط مباشر بين الحادث وبين ما تم لترسيخ فكرة المواطنة‏.‏
فكرة المواطنة فكرة وثقافة مجتمع ثقافة المجتمع يجب ان تبني هذه الفكرة مفيش قانون لوحده يقدر يعمل المواطنة كلنا بنحب مصر وده بان تماما في تداعيات الحادث‏.‏
انا الحقيقة تفاجآت داخل هذا رد فعل المجتمع المسلمين قبل الاقباط لهذا الحادث اما نشوف مسلمين مستعدين يعملوا نفسهم دروع بشرية لحماية كنائس مصر هي دي مصر هي دي المواطنة‏.‏
مفيش قانون يقدر يعمل ده لوحده لكن في النهاية علينا اننا ناخذ من هذه الحادثة فرصة لننطلق بهذه المواطنة ونترجمها من الدستور الي ما نراه لننظم في تشريعاتنا كلها وده بيحدث الان عشان نرسخ فكرة المواطنة عدم تمييز ليس فقط علي اساس الدين او علي اساس الجنس لا يجب ان يكون هناك تمييز في مصر هي دي حضارة مصر وده اللي لازم يمشي في مصر‏.‏
‏-‏ مفهوم المواطنة اكيد بيرتبط بمفهوم عدم التمييز ان يكون وطنيا لكل المواطنين بلا تمييز وهذا الحادث يستهدف الفتنة ولم يخلقها حالة من حالات الاحتقان التي كانت موجودة ويجة عدم ترجمة مفهوم المواطنة الي شكل قوانين‏.‏
‏-‏ ذكرت حضرتك ان حالة الاحتقان التي كانت موجودةه نتيجة عدم ترجمتها الي قوانين‏,‏ ذكرت حضرتك ان هذا سوف يترجمة سؤالي ماهي خطتكم في التعامل مع هذاالموضوع وماهي اهم المشروعات المطروحة هذا التمييز يمكن ان يكون هناك مفهوم لقانون التمييز في مصر ؟
‏-‏ مفيش شك انه ممكن جدا ان يكون هذا بل بالعكس وانا في تصوري ان هناك مظاهر في الشارع المصري تدل علي نوع من التطرف ولكن ده بيبقي قله عادة والحادث اثبت انه قلة في المجتمع‏.‏
اثبت ان الغالبية العظمي اللي عادة بتكون الغالبية الصامتة اتكلمت ولما اتكلمت هي في الجوانب دي بتطلع المتطرفين من كل ناحية وبتوقعهم ولكن في النهاية ممكن يخرج في الكادر كله‏.‏
وده اللي احنا عايزين نعمله وده اللي يجب ان يحدث ولازم نعمله واحنا بنراجع قوانين واحنا فعلا شكلنا في مجلس الوزراء مجموعة عمل عشان تنظر في القوانين المختلفه لكي نتأكد ان هناك تفعيلا للمواطنة بالشكل اللي نراه‏.‏
و يرتبط ده علي فكرة بمحاور المواطنة بيطور المفاهيم داخل المجتمع عامة‏,‏ ثقافة العمل‏,‏ ثقافة تحسن مستوي المعيشة للناس‏,‏ العدالة الاجتماعية والاحساس بالعدالة تؤثر عليها تاثيرا مباشرا وكل مانقدر نرسخ مفاهيم العدالة لذلك نحن لسنا بعيدين‏.‏
‏-‏ كل مانقوم بتنفيذه في الحكومة وفي براجنا وتكليفات السيد الرئيس كلها تؤدي الي ترسيخ فكرة المواطنة الجزء الاخير الخاص بالمشاركة المجتمعية امتي الواحد يحس بالمواطنة‏.‏
‏-‏ لما يحس انه يمتلك الوطن كما ان الوطن يمتلكه‏.‏
الملكية المشتركة المتساوية وفقا للمواطن كمواطن دون تمييز فالذي تعنيه اللا مركزية ليس فقط ان القرار يبقي في يد محافظ ليس في يد وزير هي تعني ان المجتمع كله بيساهم لما اتكلم عن التعليم داخل محافظة معينة بتكلم ان هناك مجالس اباء مجالس امناء مجالس من المجتمع بيساهم بتراقب بتنفذ احيانا بتشارك ماديا بفكر مع الدولة ككل هذه هي المشاركة الحقيقية
‏-‏ وهنا جايز اشير يعني بتناول في الحوار بعد قليل فكرة مفهوم ان الحكومة لم تعد ملتزمه بمحاور عمل ولكن الزمت نفسها برسالة حتي نغلق الملف الخاص بموضوع الاسكندرية وماحدث فيها‏.‏
‏-‏ هناك العديد من الجهات الاوروبية والامريكية والغربيه وجهت انتقادات لمصر في التعامل مع الاقباط أو طالبت الدولة بمجموعة من المطالب في التعامل مع الاقباط‏.‏
السؤال الاول كيف تنظر انت الي تلك الملاحظات ؟
و كيف تري انت رد الفعل الذي ينبغي ان يكون في هذا الاطار ؟
بنوجه الرسالة وبنقول اذا كان هناك ما يقلق في هذا الحادث فهو يقلقنا اولا قبل ان يقلق أي احد كمصريين ومصر قادرة تماما علي حماية جميع مواطنيها وان مصر قادرة علي ان تحمي اقلياتها واغلبيتها بنفس القدر ومحدش يقدر يفهم العقلية المصرية زي المصرين ومصر كلها مصريين اقباطا ومسلمين ويرفضون أي تدخل خارجي في هذا المجال فاذا كانت تلك الملاحظات جايه من قلق علي مصر فبنقولهم ميقلقوش علي مصر مصر بخير وقادرة تماما علي تجاوز أي أزمة في الماضي او لا قدر الله في المستقبل‏.‏
‏-‏ أي حدود للقلق وحدود التدخل من وجهة نظرك ؟
‏-‏ لا يعني مفيش مانع ان اصدقاءنا يبدوا اسفهم ونتقبل نصائحهم ويجب ان وقبله جميعا في المجتمع نحن مجتمع مفتوح وقادر علي ان يتلقي مثل هذة النصائح من الاخرين ولكن يجب ان ونتوقف عند هذاالحد‏.‏
‏-‏ اكثر من ده يبقي درونا في التدخل اقوله تعمل ده بالطريقة دي او بالعكس محدش يعرف بلدي زي ما انا اعرفها وزي ما أي مواطن يعرفها بالتالي احنا اللي في ايدينا كل هذا‏.‏
‏-‏ واعتقد ان الرئيس كان واضحا تماما لا نقبل أي تدخل اجنبي في شئوننا اقتصاديه اجتماعية في أي مجال لاننا قادرون تماما ان نضع لانفسنا برنامجا وبنطور نفسنا وعندنا من الجهات الرقابيه والمؤسسات داخل الدولة من يستطيع هذا سواء داخل الحكومة او المجتمع المدني ملتزمة في هذه المرحله
‏-‏ اذن قبل ان نخرج من ضمن التزامات الحكومة بعد هذا الحادث ان نتعامل مع مفهوم المواطنة ونترجمه بشكل قانوني وتعديلات بشكل مشاريع وقوانين جديدة والا يكون ذلك الحادث كغيره من الحوادث وتكون ثورة الانتباه لها ينتهي بعد الحادث‏.‏
‏-‏ هذا هو التزام الحكومة تجاه هذه المسألة اعتقد اننا يجب ان نستغل هذه الروح الجميلة اللي شفناها في المجتمع المصري لكي نطور مفهوم المواطنة في المرحله القادمه‏.‏
‏-‏ انا هنا جاي ممثلا للناس احمل تساؤلات حول التكليفات حول التزامات حول مايحدث وما سوف يحدث ولكن قبل ذلك دعني افرق بين امرين هناك برنامج السيد الرئيس الانتخابي الذي وضعه منذ اكثر من‏5‏ سنوات بقليل وباقي علي هذا البرنامج اقل من عام وهناك برنامج الحزب الذي تحملة الحكومة الان للخمس سنوات القادمة قبل ان نفرق بين برنامج الحكومة اين نحن من برنامج السيد الرئيس والالتزامات التي التزم بها ببرنامجه الانتخابي والفترة المتبقية هل هي كافية لتحقيق هذا البرنامج ام لا اتفضل ؟
‏-‏ انا عايز اقول في البداية عشان ذكرت برنامج الحزب وبرنامج السيد الرئيس في النهاية مفيش تعارض بمعني اننا بدأنا بتكليف من الرئيس عام‏2005‏ ببرنامج تنموي واضح المعالم سمي بالبرنامج الانتخابي لرئيس الجمهورية اللي الشعب انتخبه علي اساسه واللي تعهد به الرئيس بوعود محددة للشعب وارقام محدده وده عمره ماحصل كون النهارده دخلنا انتخابات برلمانية وكان لازم يبقي عندنا برنامج يجتاز مرحلة لانه سينتهي السنه اللي جاية يستمر‏5‏ سنوات طبيعي جدا ان البرنامج اللي وضعه الحزب بالاشترك الكامل مع الحكومة تكون كل برامجنا تتم بالتعاون بين الحزب والحكومة
‏-‏ واضح جدا ان هنا في تعاون سنري في البرنامج الجديد فلا يوجد لانه اثيرت تساؤلات احنا فين من البرنامج‏.‏
‏-‏ انا بقول بوضوح ان هذه الحكومة تحملت المسئولية بالكامل لتنفيذ البرنامج بمنتهي الدقة‏.‏
‏-‏ نستطيع ان نجزم انه بعد عدت‏5‏ سنوات من البرنامج وباقي سنة واحدة اننا علي الطريق السليم ومؤشراتها تؤكد ان كل مكون في البرنامج تم العمل فيه هل انجزناه بالكامل
‏-‏ بنقول ان بعض مكونات البرنامج تعدينا النهارده اللي كان مطلوب في‏6‏ سنوات امثلة كثيرة في مجال الصناعة برنامج المصانع وعرفنا المصنع الكبير أي مصنع تم الاستهلاك ب‏15‏ مليون جنيه او توسع واجنا كل اللي كنا عايزينه‏1000‏ مصنع واحنا وصلنا الي‏1300‏ مصنع ولسه قدامنا سنة في السياحة كان الهدف نصل الي‏14‏ مليون سائح وصلنا الي‏15‏ مليون سائح قبل سنة من انتهاء البرنامج‏.‏ وده بيشجعنا ان في البرنامج الجديد للحزب في ال‏5‏ سنوات القادمة نصل الي‏20‏ مليون سائح‏.‏
‏-‏ لازم اقول ايضا ان هناك مجالات اخري وصلنا فيها الي‏70‏ او‏80%‏ فاضل سنة هنوصل فيها الي‏100%‏ اتمني ان نصل الي‏100%‏ في كل المجالات ولكن في تصوري اننا بمعدل امتياز الامتياز في الجامعة من‏85%‏ وان شاء الله سنحقق ما كلفنا به الرئيس وبنطمن الناس وزي ما بقول احنا مش بنقول كلاما مرسلا بنقول كلاما بالارقام بيطلع في تقرير سنوي وان شاء الله بنهاية الفترة الانتخابية‏.‏
‏-‏ الامتياز‏85%‏ ده صحيح ولكن امتياز بمرتبة الشرف الاولي‏100%‏ السؤال هنا هل تعتقد اننا سنصل الي اكثر من امتياز في تنفيذ برنامج السيد الرئيس هل هناك مناطق التي لن تتمكن الحكومة من تنفيذها واذا كان هذا فأي مناطق ولماذا ؟
‏-‏ اعتقد اننا سنصل ان شاء الله فوق الامتياز بكثير في كل المناطق اقدر قولك معندناش حاجة متعثرة اقدر اقولك ان اهم عنصر كان عنصر توفير فرص العمل لان فلسفة الحزب الوطني سميناها فكر جديد في هذا الوقت كانا محتاجين نعمل نمو اقتصادي عالي علشان يؤدي الي فرص عمل للناس دي النقطة اللي دايما بتسأل عليها بيتكلموا في النمو‏47.10%‏ قبل الأزمة اعلي حاجة وصلنا لها طب الناس محستش انا بقول اكثر حاجة بتحسس الناس هي فرص العمل لان حضرتك تخيل اسرة فقيرة محدودة الدخل وميقدرش صاحب الاسرة انه يشتغل اكثر حاجة تفرق معاه انه يلاقي شغل بعد ما كان دخله صفرا فجأة يبقي عنده دخل إذن مش مسألة اني ارفع مرتب حد‏.‏
‏-‏ وده حققت الحكومه فيه نسبة اوضح‏.‏
‏-‏ اللي اقدر اكدهولك النهارده تخطينا‏4‏ ملايين فرصة عمل من‏4.5‏ مليون مستهلك لذلك لو حسبناها نسبة وتناسب لمدة‏6‏ سنوات سنجد اننا هنعدي‏4.5‏ مليون‏.‏
‏-‏ والكلام ده بنقوله ازاي هو انت بتعد كل واحد بيشتغل ؟
‏-‏ ملفات التأمينات الاجتماعية أي واحد بيشتغل جديد بيفتح ملفا جديدا لاول مرة في التأمينات اذن الارقام دي مرتبطة بفلوس بتدفع وبالتالي الارقام دي ارقام مدققه وحقيقية وهي دي اكبر دليل علي النمو الاقتصادي اللي اتكلمنا عليه واللي العالم كله بيسعد به ده نمو حقيقي‏.‏
‏-‏ وده حقق بالفعل فرص عمل للناس وفتح‏4‏ ملايين أسرة جديدة بدخل بيت جديد احنا النهارده في المرتبات حسينا بتحسن كبير في القطاع الخاص قبل الحكومة خللي بالك احنا عملنا كل ده مع الاياف تقريبا للتعيين بالكامل في الحكومة علي عكس ما كان يحدث في الماضي ان الحكومة كانت هي المشغل الرئيسي للناس احنا خطونا خطوة جريئة جدا لان الحكومة اصبحت متخمه مفيهاش وظائف جديدة يدوب اللي بيخرجوا معاش بندخل بدالهم احلال يعني او احتياج شديد‏.‏
‏-‏ عشان ميحصلش عجز للحكومة يعني لازم تدخل جديد علي قد اللي بيطلع معاش ماحنا ثبتنا حجم العاملين في الحكومة تحت‏6‏ ملايين بعد ما كان بيزيد سنويا مش بس بيخرجوا معاش بيزيد فوقهم‏150‏ الفا سنويا‏.‏
‏-‏ في بداية التسعينيات كنا‏3‏ ملايين النهارده الرقم كام ؟
‏-6‏ ملايين
‏-‏ النهارده‏5.8‏
‏-‏ طبعا علي حسب بتحسب من النهارده يبقي‏3‏ ملايين
‏-‏ في عندنا مليون مدرس
‏-‏ في جهاز الشرطة
‏-‏ في اجهزة الناس برة لتحسبها موظفين حكومة لكننا نحسب كل من هو بيحصل علي راتب من ميزانية الدولة ودول بيطلعوا نحو‏6‏ ملايين
‏-‏ اذن يمكن القول بان الفترة المتبقية في برنامج الرئيس ان هناك إمكان لتحقيق المتبقي منها وده التزام اخر في التزامات الحكومة ده التزام قائم
‏-‏ يمكن في موضوع المباني نصف مليون وحدة سكنية خلصنا‏350‏ الفا الباقي تحت الانشاء هل كل ده هيخلص‏.‏
‏-‏ عشان كده بقول لحضرتك هل كل ده هيخلص ؟
‏-‏ ممكن حاجة تمتد شوية
‏-‏ في المدارس برضة بنقترب من الهدف محتاجين زقة أخيرة عشان نقدر نحقق الهدف بالكامل بالنسبة لعدد المدارس المطلوبه‏3000‏ مدرسه
‏-‏ تكليفات السيد الرئيس اولها فكرة الوصول الي نسبة نمو تصل الي‏8%‏ علي مدار الخمس سنوات المقبله السؤال هو هل تعتقد ان المجتمع المصري الاقتصاد المصري مكونات الاقتصاد المصري قليلة بالفعل للوصول الي تلك النسبة ومتي في ظل أي ظروف ؟
‏-‏ هي قادرة وقابلة بشروط ليه بشروط لان مفيش حاجة بتتم من فراغ احنا قدامنا تحديات احنا الحمد لله اثبتنا اننا بلد قادرة تماما لديها قوه داخلية كامنة غير عادية اذا اطلقناها ثبتت لما طلعنا‏47‏ من عشرة نسبة نمو اعترف بها العالم لما حصلت في الأزمة المالية والناس واجهت علي المستوي العالمي شفنا اقتصاديات كبيرا جدا شفنا مشكلات كتير شفنا اقتصاد بينكمش مش بينمو احنا اقتصادنا فضل ينمو نحو‏4%‏ اثناء الأزمة مش بس كده العالم كله كان بيسرح موظفين اعداد بالآلاف بل بالملايين في بعض الدول احنا كنا لسه بنعيش ونخلق فرص عمل العالم كله كان بيخفض مرتبات الناس اللي بيشتغلوا فيها وشفنا مظاهرات في دول اوروبية احنا رفعنا المرتبات في اثناء الأزمة وده بيقول ايه عندنا اقتصاد الخامة موجودة القابلية موجودة ليه لاسباب كثيرة‏.‏
‏-‏ عفوا قبل ان ندخل في وجود الخامة عشان الجزء الخاص بالأزمة الاقتصاديه العالميه لاني محتاج احسم القضية السؤال هو قدرة مصر علي تجاوز الأزمة العالمية كان مرتبطا بالقدرات الذاتية لتخطي هذه المسالة ؟
‏-‏ أو كان مرتبطا كما يقول البعض بان مصر لم تكن جزءا اصيلا في الاقتصاد العالمي وبالتالي لم تتأثر تأثرا حقيقيا به ؟
‏-‏ انا ارد عليه كويس قوي اقولك ان اقتصادنا مرتبط بالاقتصاد العالمي السياحة بتييجي من جو مصر من الخارج قناة السويس لما ينزل الايراد الربع بتاع القناه لنحو‏4%‏ في عز الزمه مش ده ارتباط بالاقتصاد العالمي لما صادراتنا الي بتمثل جزءا مهما من النمو تتأثر مش ده ارتباط لما تحويلات المصريين في الخارج تتأثر مش ده ارتباط مصر ترتبط بما يحدث في العالم النهارده مش امبارح‏.‏
‏-‏ ده اقتصاد عالمي زي مابيقولوا الفكر بتاع القرية العالمية بتشوف العالم كله عبارة عن قرية القرية بتشوف بعض زمان مفيش مجال ان نتكلم عن اقتصاد مقفول علي نفسه دي مش حقيقه الحقيقة هي ازاي تجاوزنا الأزمة حاجتين مهمين اننا في‏2004‏ بدأنا بالفعل خطوات اصلاحيه في منتهي الأهمية اهمها اصلاح القطاع المصرفي فبالتالي البنوك بتاعتنا دخلت الأزمة وهي معندهاش أي مخاطر علي عكس بنوك كثيره وقعت بعضها
‏-‏ علي اعتبار ان الأزمة انطلقت من البنوك اساسا لو مكناش عملنا الاصلاح المصرفي بتاع‏2004‏ كنا واجهنا مشكلات حقيقية فده جزء قامت به الحكومة الجزء الثاني كان المنحني بتاعنا طالع ممكن جدا وانت كده تنزل لما تحدث الأزمة ويكون المنحني بتاعنا طالع وده جزء مهم كان عندنا اصلاحات اقتصاديه اصلحنا نظام الضرائب التامينات الاجتماعية الجمارك جذب الاستثمارات السوق المصرية المحلية كانت بدأت تنتعش بص حضرتك في استهلاك مواد البناء المواد الغذائية كل حاجة كانت طالعة ده هو اللي شالنا في الأزمة وال‏4%‏ نموا كانت كلها تقريبا جايه من جوه احنا ننمو من غير ما ناخد استثمارات من الخارج في حدود‏4‏ أو‏5%‏ ده التحدي بقي‏.‏
‏-‏ لما نيجي نتكلم عن‏8%‏ هنتكلم عنها‏-‏ انت عندك قدرة علي النمو الداخلي مش فقط الاعتماد علي الخارج في مسألة النمو من الاستهلاك الداخلي نفسه وده كان واضحا تماما شوف اللي حصل في العقارات في السيارات في كل المنتجات الصناعية شوف حصل ايه في الصناعات المصريه في مجملها احنا بنصدر اجهزة منزلية للخارج أجهزة تكييف بنصدر منتجات صناعية كتير للخارج الزراعة في مصر إنتاجنا الزراعي زاد رغم كل ما يحدث من كلام عن المياه والأرض انتاجنا زاد مش في الكمية بس وكمان في القيمه وبالتالي كل ده بيساهم في الاقتصاد المصري‏.‏
‏-‏ اذن فحضرتك تعتقد ان هذه المكونات توصل مصر لنسبة نمو‏8%‏ ؟
‏-‏ فكرة القدرات المصرية الخاصة‏.‏
‏-‏ دي حاجة الحاجة التانية تنوع الاقتصاد لأن عندنا اقتصادا متنوعا لا نعتمد علي حاجة واحدة تنضرب نقع زي ما بيحصل في السياحه لا قدر الله لما بيحصل حادث في السياحه أو حاجة زي دي شوفنا قبل كده السياحة حصلها ايه لكن الي جانب السياحه النهارده قاطرة تنمية مهمة مش بس عشان بتساهم في نسبة النمو بدرجة كبيرة لكن لأنها توجد فرص عمل وبتشجع قطاعات تانيه مثل صناعة الموبيليا والاغذيه وحاجات تانيه كتير‏.‏
‏-‏ ده نوع النوع التاني بيعتمد علي الصناعة الصناعات التقليديه تنمو في مصر النهارده‏7‏ أو‏8%‏ كانت نزلت شويه وطلعت تاني بنعرفها في فاتروة الكهرباء بتاعة الصناعة لان كل شهر بيجيلي وزير الكهرباء كل جهة اشتغلت اد ايه يعني لازم نعتمد علي تقارير مش اعتماد علي الناس كتير كل واحد بيقول حاجة اصدقه ازاي اني اشوف الدليل في الواقع يعني لما اشوف فاتورة الكهرباء الاستهلاك المنزلي في الكهرباء زاد‏10%‏ والسكان بتزيد نحو‏20%‏ اذن الاستهلاك بيزيد لكل شخص معناه أن حد مكنش عنده ثلاجة بقي عنده أو تليفزيون أو غسالة بيوت جديدة سكنت أنا كنت بسأل وزير الكهرباء عن عدد البيوت اللي دخلت عدادات لأول مرة السنة اللي فاتت نحو‏960‏ الف تقريبا مننساش أن أحنا عندنا في مصر عدد الأسر الجديدة اللي تكونت فوق النص مليون يعني الزيجات الجديدة فتحدي كبير موجود يجب ان تلهث وراه طوال الوقت‏-‏ نرجع لموضوع التنمية الاقتصاديه التنوع الاقتصادي موجود الي جانب الزراعة عندي قناة السويس تحويلات مصريين الاقتصاد بتاعنا لايعتمد علي رجل واحدة‏.‏
‏-‏ زاد علينا النهارده اقتصاد المعرفة احنا النهاردة من البلدان المصدره لتكنولوجيا المعلومات والاتصلات وبأرقام كبيرة تعدت السنة الماضية المليار دولار تخيل بنصدر بمليار دولار وجهد ناس فالتنوع ده اللي خلا مصر اصبحت مصنفة من الدول القادرة والقابلة للنمو السريع هناك‏4‏ دول هما‏:‏ البرازيل وروسيا والهند والصين لما بيتقال أول حرف من أزمة بيلفت نظر المستثمرين والبنوك وجهات الاقراض الدولية ده يدي معني مهم اننا محتاجين تمويل يعني التحدي الرئيسي موجود لما نتكلم عنه طلعوا مجموعة تانية في‏6‏ دول هي اندونيسيا وتركيا وفيتنام ومصر وجنوب افريقيا ده معناه ان مصر دخلت ناديا جديدا ناديا من الدول النامية القادرة علي النمو السريع الكلام ده بيتقال في العالم مش عندنا بره‏.‏
‏-‏ يعني التحدي‏8%‏ موجود لما نتكلم عنه هو اننا نجد الفلوس اللي نمول بيها الاستثمارات دي عشان ننمو هذا النمو لكن معندناش نقص في المشروعات في الفكر ولا الجهد لكن عندنا نقص في التمويل لأن مدخراتنا غير كافية وحدها إلي ان تصل الي‏8%.‏
‏-‏ هدخل في الجزء الخاص بالاستثمار
‏-‏ عايز اسال استثماراتنا نحن كمصريين قادرة علي ان ترتفع بنا اد ايه ؟
‏-‏ والاستثمارات الاجنبية المطلوبة قد ايه ؟
‏-‏ وايه هي خطتكم في الفترة المقبلة لتشجيع الاستثمارات علي الجانبين ؟
‏-‏ احنا مدخراتنا كمصريين جيده لكن مازالت عندنا مدخرات موجودة في البنوك بشكل كبير فالقطاع المصرفي في مصر يحتاج الي ان يستثمر هذه الفلوس استثمارات حقيقيه داخل البلد ميبقاش الهدف استخدامها كسند حكومي أو غيرها مبتنعكس انعكاس مباشرا‏.‏
‏-‏ ليست هذه النقطة متطورة في ادارة المسألة البنكية المصرفية‏.‏
‏-‏ لا طبعا لان بيني وبينك لو ان البنك اسهل في تسليف الحكومة في شكل سندات عن أني ادخل مشروعا أو اسلف مشروعا واخد مخاطر‏.‏
‏-‏ لكن لازم نشجع بنوكنا في هذا الاتجاه
‏-‏ والاهم من كده ايضا التنوع ان ينزل لمستوي المشروعات الصغيرة والمتوسطة اللي هي العامود الفقري للتنمية الشركات الكبيرة ممتازة وبتشغل الناس لكن الحقيقة ان‏80%‏ من فرص العمل بتيجي من الشركات الصغيرة والمتوسطة‏.‏
‏-‏ ده اقتصاد الناس
‏-‏ بالضبط فده اللي لازم البنوك تمشي فيه فالحمد لله احنا النهارده بنشوف ظواهر في المراحل الثانية من اصلاح القطاع المصرفي كنت اتفقت مع السيد محافظ البنك المركزي اننا نركز علي النقطه دي كنا قبل كده بنركز علي القروض غير المنظمة الكلام ده خلاص خرج من قاموسنا‏.‏
‏-‏ النهارده بنتكلم عن الاقراض البنوك بتقرض ولا لا ؟
‏-‏ مهي البنوك دي مدخرات المصريين كلهم لو انا اديتها للحكومة الحكومة بتقرض عشان تسد العجز اللي عندها لكن مفيش منعكس مباشر علي الاستثمار أو علي المشروعات وعلي فرص العمل
‏-‏ ماهو مدي التجاوب مع السيد محافظ البنك المركزي‏.‏
‏-‏ لا تجاوب ممتاز ولكن احنا في اول الطريق احنا بنقعد مع بعض في بداية كل شهر عشان نراجع الارقام والارقام بتتحسن والاقراض من البنوك للقطاع الخاص بيتحسن‏.‏
‏-‏ بس لسه ماوصلناش فيه لاملنا
‏-‏ امتي وهيتم ترجمة ده بشكل حقيقي علي الارض ؟
‏-‏ وامتي ممكن الناس تحس ان فيه تحول في القطاع المصرفي مع المشروعات الصغيرة والمتوسطة
‏-‏ انا بتصور ان كل سنة هناك تحسن النهارده احنا في المرحله الثانية بقالنا سنة واحدة بس فانا بقول إن في السنة الاولي ويجتها مرضيه ومازال امامنا‏4‏ او‏5‏ سنوات لنصل إلي المستوي العالمي للاقراض
‏-‏ احنا طبعا عندنا عوامل مساعدة كالصندوق الاجتماعي للتنمية بيقرض برضه المشروعات الصغيره‏?‏ بنك ناصر‏?‏ الاسر المنتجة كل دي موضوعات مهمة جدا في عملية الاقراض لكن لتمويل المشروعات الكبيرة تحتاج الي جذب استثمارات من الخارج‏-‏ بالضبط فالاستثمار الاجنبي مطلوب ليكمل علي هذه‏.‏
‏-‏ الاستثمار الوطني موجود وعندنا شركات كثيرة في الاتصالات ومواد البناء لكن محتاجين الي استثمارات اكثر من الخارج عشان كده احنا عندنا لائحة طويلة من المشروعات الكبيره التي تجذب الاستثمارت من الخارج خاصة المنطقة العربية ويساعدنا في ذلك المناخ العام في العالم ولكن اخواننا العرب احنا اجتمعنا بيهم حدث لهم هزة قوية ويجه للأزمة العالمية وفلوس كتير راحت في امريكا في مجال العقارات وعشان كده هما موجودين عندنا وبيوسعوا استثماراتهم التي وصلت الي‏13‏ مليار دولار منها‏5‏ مليارات في مجال البترول والباقي في مجالات اخري مقابل‏400‏ مليون عام‏2004‏
‏-‏ اذن نقدر نقول ان مصر مؤهلة‏.‏
‏-‏ لكن يجب ان يكون هناك شروط‏.‏
‏-‏ اولا اخدنا الخطوات اللي الحكومة تقدر تنفذها خطوات الإصلاح التي اخذناها لتحسين مناخ الاستثمار من داخل المجتمع ومازلنا نقوم بعدد من الإجراءات ومنها إصدار قوانين جديدة للتجارة الداخليه احدا الحاجات الرئيسية التي تتناول تفعيل السوق المصري واحنا عندنا قوانين للتجاره الداخلية في مصر قديمه جدا مننساش اننا بلد عريقه والعراقه دي احيانا بتسبب مشكلات‏.‏
‏-‏ هناك قوانين قديمه ممكن تلاقي قانون في التجاره عقوبه علي تاجر‏50‏ جنيه علي حاجة ممكن يكون بيكسب منها ملايين بنراجع ده النهارده دي حاجة هندخلها لكن الرساله واضحة‏.‏
‏-‏ الشرط الثاني تطوير الجانب التشريعي‏.‏
‏-‏ بالضبط