بالفيديو| قصة مايسترو مصري صفق له جمهور أوبرا براج 5 دقائق

نشر الملحن والموزع نادر حمدي عضو فريق "واما"، تجربة جعلته يشعر بالفخر، وكان بطلها الموسيقار المصري أحمد الصعيدي قائد أروكسترا القاهرة السيمفوني.
وكتب حمدي، عبر صفحته على موقع "فيس بوك": "إمبارح وأنا ماشى فى الشارع فى ‫براج‬ فى دولة ‫التشيك‬، كنت عايز أحضر حفلة فى الأوبرا، فلقيت بوستر قولت حلو هحضرها بس كانت الساعة 7:30 ساعتها والحفلة الساعة 8، فقولت طيب أشوف هيعزفوا إيه ممكن ماروحش لو مش حاجة أنا بحبها، فلقيتهم هيعزفوا حاجات أنا بحبها قوي، جيت أشوف مين المايسترو، لقيت مكتوب أحمد الصعيدى، وطبعا أنا عارف كويس مين المايسترو أحمد الصعيدى لأنه هو القائد الأساسى لأوركسترا القاهرة السيمفونى لسنين طويلة".
وتابع حمدي "المهم قررت أروح وجريت على الأوتيل أغير هدومى، وروحت وبجد اتشرفت قوى وأنا بشوفه بيقود الأوركسترا بشكل أكثر من رائع وصوت القاعة كان جميل قوى كأنى فى حلم، بعد الحفلة أصريت إنى أدخله وأسلم عليه وأباركله على الحفلة، وبجد الناس قعدت تصفق له حوالى 5 دقائق، وأنا أكتر واحد كنت فخور ساعتها مع إنى معرفوش شخصيا".

لمشاهدة الفيديو اضغط هنا