بلال فضل: مهمتنا مع الإخوان صعبة ..لكن مع شفيق مستحيلة

أكد الكاتب والسيناريست بلال فضل أنه سيدعم الدكتور "محمد مرسى" مرشح جماعة الإخوان المسلمين خلال جولة الإعادة فى الانتخابات الرئاسية. وكتب "فضل" على صفحته الشخصية على موقع التواصل الاجتماعى "الفيس بوك" قائلا: "كل المعارك فى التاريخ بتحتمل إنك تتحالف مع خصم سياسى، مهمتنا مع الإخوان صعبة لكن مع شفيق مستحيلة". وأضاف: "لما بسمع حد بيقول إن الإخوان هيغيروا شكل الدولة نفسى أسأله ألا هو إيه شكل دولة المحاسيب والوسايط والبزنس؟ وانت هتكون فين هتنتخب وتروح تنام؟". وأكمل: "فى المرحلة الأولى كان لدينا رفاهية أن نتحمس لمرشح ما، الآن نحن أمام اختبار ضمير هل أنحاز لشريك ثورة ارتكب خطايا سياسية أم لعدو صريح للثورة؟". وأكد فضل أنه رغم خلافه مع الإخوان والسلفيين وهجومهم عليه، إلا إنهم أقرب له من مبارك ورجاله. واختتم تدوينته قائلا: "ماتخليش حد يخوفك من ناس كانوا معاك في الميدان وتقدر تواجههم، مش هقولك مين اللى بتدعمه إسرائيل ولا مين اللى معاه أجهزة القمع ببساطة مين شارك فى الثورة ومين كان ضدها ومين جاى من شرعيتها وإن اختلفت معاه؟".