تامر عاشور يخرج عن صمته برد صادم على عمرو مصطفى.. اعرف التفاصيل

رد الفنان والملحن تامر عاشور، على الفنان عمرو مصطفى بشأن أخذ منه لحن وإعطائه لفنان آخر دون حفظ حقوقه، من خلال حسابه بموقع التواصل الاجتماعي "فيس بوك".
كتب تامر، ""رداً على عمرو مصطفى" اغنيه "الرك على النيه " الحان عمرو مصطفى وف اي حفله ومكان بقول كده والملحن اللي باعهالي " المُقتَبِس الحقيقي" . عمرو مصطفى مجبش سيرته نهائي مش عارف ازاي مع انه عارفه من 8 سنين لما قفلنا الموضوع ده "انا وهو " في مكالمتنا مباشره – وبعدين انا مالي ده صِراع مُبدعين ويقدر ياخد حقه قانوني ويوقفها محدش منعه أنا أداه على كلامه ده غير إن الاستعانه بعمرو مش صعبه واشتغلنا مع بعض اغنيه "انطق".
أضاف، " كل الحكايه انه معرفش يجاوب على السؤال "الصناعه انهارت ازاي وانت عمود من عمدان الصناعه ؟ السؤال اللي مش هتلاقي له إجابه مهما توّهت الناس اللي كلهم قالولك أنك مجاوبتش بمنتهى الوعي .. وانا الحقيقه كنت مُنتظر إجابتك علشان اقولك الصناعه فيها كام عمود غيرك وكام مُطرب عمل تاريخ وعلامات من غيرك ومنهم انا وكام مُلحن وشاعر وموزع اشترك في نجاح مطربين واعلانات وتترات وكل حاجه حصلت عادي بدونك-".
تابع، "أني احترمتك أو على حد قولك ان تامر وهو بيكلمني "كان واقف كدهو " طبعا احترمك واقدّرك انت استاذ كبير بس قلّيت في نَظر تلميذك لما اتكلمت في التلفزيون عن ان فيه حد عموما احترمك وكأنه حدث جلل لأستاذ كبير زيك في النهايه انت مُلحن كبير مقاما وفنّا". أردف، "وإضافه لأي مُطرب غيري – هي الظروف حكمت كده ولا تاريخي فيه عمرو والعكس صحيح –
ومش هفوت الفُرصه دي إلا وأشكر كل الفنانين الكِبار المصريين المبدعين شعراء ملحنين موزعين اللي اتشرفت بالعمل معاهم على مدار 20 سنه وحطوني في مكانه انا مكنتش احلم بيها وسط الجمهور العربي كله اللي بنحاول نقدمه ابداع حقيقي مهما ذادت بنّا المناواشات الوارده التي لا تتخطى حاجز الأدب والصداقه والمحبه والود ولمصلحه نجاحنا واستمراريته بفضل الله ثُم فضلكم".
أكمل، "اشكر اعظم فرقه موسيقيه بشتغل معاها جوه وبره مصر اللي بيخلوني قادر على "التصدير الدائم والمختلف " للفن المصري الرائع بحضوري كفرد من تلاميذ لأساتذه كبار حقيقيين".
أوضح، "اشكر "مَصر" حبيبتي فعلا بدون إدّعاء ولا مُذايده ولا حتى اغاني – جمهورها اللي على كل الاذواق اللي بيسمعوا كل حاجه وكل لون وكل خَبط ورزع وفي الآخر ياخدوا الحلو ويعيش معاهم ويصدروه – ويرموا الوحش وباب النجاح لأي فنان عربي".
واختتم حديثه قائلا: "اشكر بلدي السعوديه وجمهورها اللي ضاف لتاريخي واسمي وتشكيل كيان محترم لحفلات عالميه حرفيا ومش من مره واحده بدأت هناك خطوات ومجهود وتعب ومُسانده وهكذا .. إلى أن تمت النجاحات الكبيره الحمد لله ومنها الى كل الدول العربيه اللي اعشق جماهيرهم وحبهم للفن المصري عموما الموضوع كبير قوي يا استاذ عمرو تيجي حضرتك يا استاذ في الآخر تقول عليا اني مثل حي لإستباحه جُمل لحنيه لناس عايشه بالباطل وعايز بعيونك الحلوه دي تشوف خير في الصناعه ؟".
ونقدم لكم من خلال المستقبل تغطية شاملة لكل أخبار الطقس والأرصاد الجوية وأسعار الذهب وأخبار مصر وأخبار السعودية والأخبار المحلية وأخبار الاقتصاد وأسعار العملات وسعر الدولار و أسعار الدواجن اليوم وأسعار اللحوم وأسعار مواد البناء والحديد ومواعيد القطارات وأخبار الفن ، يقوم فريق المستقبل بتغطية كافة الأحداث الرياضية مثل الدوري المصري والدوري الإنجليزي والدوري السعودي والدوري الإسباني وكافة البطولات الأوروبية والعالمية ودوري أبطال أفريقيا