شائعات اختفاء آمال ماهر

شاركت الفنانة آمال ماهر متابعيها بعدد صور لها، عبر حسابها الشخصي على موقع التدوين "تويتر"، في أول أيام عيد الأضحى.
ونشرت آمال ماهر 3 صور لها من جلسة تصوير خضعت لها، وظهرت فيها وهي ترتدي اللون الأسود.

شائعات اختفاء آمال ماهر
وأثارت آمال ماهر جدلًا خلال الأيام الماضية بسبب شائعات اختفائها على مواقع التواصل الاجتماعي، وتساءل الجمهور عن سبب غيابها، وخرجت آمال ماهر لتطمئن الجمهور عليها من خلال مداخلة أجرتها مع الإعلامي رامي رضوان.

سسر غياب آمال ماهر
وقالت آمال ماهر، "مش قادرة اتكلم والله والله أنا، أنا بعتذر للجمهور أنا كنت في حالة سيئة، الكوفيد تاعبني بشكل فظيع هو يختلف من شخص إلى الثاني وكان عندي بكل أعراضه ضيق تنفس وصداع وتعب في العظم وسخونة مفيش أي حاجة مش موجودة عندي".
وأضافت: "أنا الحمد لله دلوقتي كنت فين وبقيت فين. بقينا أنا والكورونا صحاب أول مرة جاتلي لما مكنش فيه حد عارف ايه ده. وجتلي قبل 6 أشهر وجتلي دلوقتي، أنا كنت عايزة اطمنهم والصور دي كانت قبل ما اتعب بيومين مش صور قديمة خالص. أنا مكنتش بتابع بشكل دائم ولكن لما لقيت الموضوع بدأ يكبر طلعت ولو كنت طلعت قبل كده كنت هتقلقوا اكتر لإني كنت تعبانة أكثر".
وتابعت: "والله أنا لو خفيت فهذا بدعاويهم وحبهم أنا اتخضيت والواحد دمع من كتر ما بتشوف الحب الحمد لله رب العالمين. صوتي مبحوح إن شاء الله اخف واطلع لكوا لايف، أنا وشي تعبان ولما أخف شوية هطلع معاك. وفيه حفلة تواصل معايا شركة تذكرتي وهنعلن كمان كان يوم عن التفاصيل".