تحدثت الفنانة آمال ماهر، عن حقيقة إحيائها حفلا غنائيا خلال الأيام المقبلة. وقالت آمال، في مداخلة هاتفية ببرنامج "مساء DMC " مع الإعلامي رامي رضوان: "إن شاء الله فيه حفلة قريب جدا، وده مش كلام وخلاص، وإن شاء الله هعلن عن تفاصيلها في أقرب وقت". وأضافت: "إن شاء الله هطلع لايف للناس، لما أخف من كورونا، وبقول لجمهوري بحبكم جدا من كل قلبي". وكانت آمال ماهر، قالت أيضا خلال المداخلة الهاتفية: "عايزة أطمن جمهوري وأقولهم إني أنا بخير، وأنا تعبانة مكنتش بتابع، لأني كنت تعبانة جدا بسبب كورونا". وتابعت: "وشي تعبان.. وأنا لو خفيت يبقى بدعوات الناس وجمهوري، وأنا اتخضيت من كتر ما شفت حب الجمهور ده". يذكر أن آمال ماهر، قالت أيضا إنها مازالت تعاني من أزمتها الصحية، بعد إصابتها بفيروس كورونا، وذلك خلال مداخلة تليفونية أجرتها مع برنامج مساء dmc مع المذيع رامي رضوان مساء الخميس 30 يونيو. وأضافت آمال "مش قادرة أتكلم"، وردًا على المشككين في ظهورها الأخير بفيديو انتشر قبل يومين على مواقع التواصل الاجتماعي ظهرت فيه لطمأنة الجمهور على حالتها الصحية، قالت "أنا والله، وبعتذر للجمهور كنت في حالة سيئة جدا، تعبانة جدا، الكوفيد تعبني بشكل فظيع، زي ما أنتم عارفين يختلف من شخص للتاني، عندي: ضيق نفس، صداع، وعضمي مفيش حاجة مكانتش مش موجودة، الحمد لله كنت فين وبقيت فين". وأشارت آمال إلى أنها أصيبت أكثر من مرة بكورونا، موضحة "انا وكورونا صحاب مش أول مرة، أول مرة مكانش حد عارف دي ايه ولسه من ست شهور وبعدين دلوقتي، جربت كل المتحورات، بقينا صحبة انا وهي".
