رامى إمام : بعد ماسمعت الألبوم الجديد لعمرو دياب تأكدت أن لقب الهضبة مش من فراغ

كتب المخرج رامي عادل إمام، عن ذكرياته مع حفلات وأغانى الهضبة عمرو دياب، وعن لقب الهضبة الذى يستحقه وبجدارة .
ونشر "رامي"، صورة للهضبة عبر حسابه الشخصي، على موقع الصور والفيديوهات إنستجرام وعلق قائلا: "في أواخر الثمانينيات، كان نفسي أحضر له حفلة وأول ما سمعت أنه حيعمل حفلة في نادي الجزيرة، جريت وجبت تذكرة بالعافية علشان أكون موجود.
وتابع : "وبعدين في العجمي، عمل حفلة على البحر وكنت أول واحد موجود فيها وفي التسعينيات، كنت بجري وراه في حفلات الكريسماس ورأس السنة علشان بس أسمع الألبوم الجديد بتاعه وفي الألفية الجديدة، وبالذات بعد تملي معاك، كنت بلفلف في الشوارع علشان أسمع أغانيه وأشوف أخد المزيكا لفين وكان من أحلامي إني أقابله وأتصور معاه وفعلا حصل".
وأضاف : "والنهاردة بعد ما سمعت الألبوم الجديد "كل حياتي"، تأكدت أن لقب "الهضبة"، ده مش من فراغ ده نتيجة تعب وشقي سنين وكفاح وصبر وحب للموسيقي غير عادي وأهم حاجة التطور صديقي عمرو دياب الكبير كبير."
https://www.instagram.com/p/BohnRKflw7N/?utm_source=ig_share_sheet&igshid=10rfq0o485t53