تامر حسنى يوجه رسالة لشاب تركته حبيبته

وجه الفنان تامر حسنى، رسالة لشاب إلتقى به فى أحد الأفراح الذى أحياها مؤخرا بأحد الفنادق الكبرى بالقاهرة .
ونشر حسنى ، صورة تجمعه بهذا الشاب وعلق قائلاً " الشاب الجميل دا شافني داخل أغني في فرح وقفني وقالي انا بشتغل تقريباً ويتر هنا في الفندق و حبيبتي سابتني النهارده وأنا زعلان أوى بس أول ماشفتك فرحت عشان بحبك جداً و طلب مني نتصور بموبايلي وأنا اللي انزل صورته عندي عشان يفرح".
وتابع :"و قالي انا اسمي محمود كان نفسي اتكلم معاه بس كنت داخل اغني المهم يا محمود يا جميل بما إنى معرفش إيه الأسباب اللي بعدتكوا عن بعض وبما إني مش ناسي الحزن اللي كان في عنيك هكلمك هنا، أكيد الدنيا مش هتقف بيك أهم حاجة تفضل تشتغل زي ما أنت كدا راجل و سيد الرجالة وربنا إن شاء الله يصلحلك الحال وممكن ترجعوا أو هيكرمك بإنسانه مناسبة ليك أكتر وخلي الخير بينكم حتى في الانفصال جايز قربكم مش خير لبعض ربنا يكتبلك الصالح و يكتبلها الصالح".
واختتم :"اهم حاجه هوصيك بيها اشتغل و إكبر و إنجح و طور من نفسك، مين عارف جايز بعد سنين ربنا يجمعني بيك تاني وأشوفك صاحب الفندق اوعى تضحك و تقول مستحيل شغلانتك وأنا صغير اشتغلتها بس طبعاً مش في فندق شيك زي دا،كانت في مطعم أقل من بسيط و عشان راجل مايئستش فضلت ورا حلمي لحد ما وصلتله يارب توصل لحلمك انت و كل الناس و أدي صورتك يا عم منوره عندي اهي متأكد ان كلامي إشارة ليك مهمة خليك شاطر وأفهم الإشارة".