وجه المطرب تامر حسني، رسالة إلى أحد معجبيه التقط معه صورة قبل أحيائه حفلا غنائيا بأحد الفنادق الشهيرة. ونشر "تامر" صورة له مع الشا عبر "فيسبوك"، معلّقا: "الشاب الجميل ده شافني داخل أغني في فرح وقفني وقالي أنا بشتغل ويتر هنا في الفندق وحبيبتي سابتني النهارده وأنا زعلان أوي بس أول ما شفتك فرحت عشان بحبك جدا، وطلب مني نتصور بموبايلي وأنا اللي أنزل صورته عندي عشان يفرح، وقالي أنا اسمي محمود، كان نفسي اتكلم معاه بس كنت داخل أغني، المهم يا محمود يا جميل بما إني معرفش الأسباب اللي بعدتكوا عن بعض، وبما إني مش ناسي الحزن اللي كان في عينيك هكلمك هنا". أضاف تامر حسني: "أكيد الدنيا مش هتقف بيك، أهم حاجة تفضل تشتغل زي ما أنت كده، راجل وسيد الرجالة، وربنا إن شاء الله يصلحلك الحال وممكن ترجعوا، أو هيكرمك بإنسانة مناسبة ليك أكتر، وخلي الخير بينكم حتى في الانفصال، جايز قربكم مش خير لبعض، ربنا يكتبلك الصالح ويكتبلها الصالح".تابع: "أهم حاجة هوصيك بيها، اشتغل أضاف تامر حسني: "أكيد الدنيا مش هتقف بيك، أهم حاجة تفضل تشتغل زي ما أنت كده، راجل وسيد الرجالة، وربنا إن شاء الله يصلحلك الحال وممكن ترجعوا، أو هيكرمك بإنسانة مناسبة ليك أكتر، وخلي الخير بينكم حتى في الانفصال، جايز قربكم مش خير لبعض، ربنا يكتبلك الصالح ويكتبلها الصالح". تابع: "أهم حاجة هوصيك بيها، اشتغل واكبر وانجح وطور من نفسك، مين عارف جايز بعد سنين ربنا يجمعني بيك تاني وأشوفك صاحب الفندق، اوعى تضحك وتقول مستحيل، شغلانتك وأنا صغير اشتغلتها، بس طبعا مش في فندق شيك زي ده، كانت في مطعم أقل من بسيط، وعشان راجل مايئستش فضلت ورا حلمي لحد ما وصلتله، يا رب توصل لحلمك أنت وكل الناس، وآدي صورتك يا عم منوره عندي أهي، متأكد أن كلامي إشارة ليك مهمة، خليك شاطر وافهم الإشارة".