أمنك على الطريق فى سطور .. رسالة المرور المركزى لقائدى السيارات

أصدرت الإدارة العامة للمرور المركزى بقيادة اللواء عصمت الأشقر مساعد الوزير للمرور المركزى تنويهات لسلامة وأمن قائدى السيارات بعنوان " أمنك على الطريق فى سطور " جاء بها
وإنت سايق" (إحتفظ بمسافة مناسبة بينك وبين اللى قدامك "4متر لكل 10 كم سرعة".وخد بالك إنه 30% من الحوادث بسبب عدم ترك مسافة الأمان.
وإنت سايق" (إجعل إستخدامك للهاتف المحمول للضرورة).وخد بالك إنه نسبة كبيرة من الحوادث سببها إستخدام الهاتف المحمول.
لما تلاقى عربية طوارئ (إسعاف شرطة أو مطافى)"وإنت سايق" وسعلها الطريق وخد بالك إنها رايحة تنقذ مصاب أو تطفى حريق).
خد بالك " إنه السير بدون لوحات معدنية "مخالفة جسيمة" تضعك تحت طائلة القانون.
وإنت سايق داخل المدينة متستخدمش الأنوار العالية وخد بالك ( إنه دة بيمنع قائد السيارة فى الإتجاه المعاكس من الرؤية تماماً لمدة 7 ثوانى).
خد بالك إنه إجراء الصيانات الدورية لعربيتك (هيحميك من حدوث أعطال مفاجئة،تكلفة تصليحها بيبقى أضعاف تكلفة الصيانة الدورية،دة غير إنك بتعطل الطريق).
خد بالك (لازم تزبط وضع المرايات الجانبية قبل ما تتحرك).
وإنت سايق..لو عاوز تتخطى العربية اللى قدامك، إتأكد أنه شمالك فاضىوخد بالك إنه التجاوز الخاطئ سبب أساسى فى حوادث كثير.
وإنت سايق إستخدم الإشارات الضوئية الجانبية قبل ما تدخل بالعربية يمين أو شمال (وخدبالك إنه دة لازم يبقى بوقت كافى لتنبيه العربية اللى وراك).
خد بالك وإنت سايق فى أوقات "سوء الأحوال الجوية" ( هدى السرعة – حافظ عالتهوية داخل العربية عشان الشبورة- إتأكد من كفاءة مساحة الزجاج إستخدم أضواء العربية للتنبيه وقت الضباب).
وإنت سايق إتأكد دايماً من ضبط مستوى الهوا داخل إطارات السيارة..وخد بالك إنه الإطار الإحتياطى لازم يبقى جاهز لأى عُطل مفاجئ.