سمك بورى مشوى

سمك بورى بأى كميه،رده.
التتبيله:
جزر مبشور،طماطم مقطعه قطع صغيره،فلفل رومى او حامى،بابريكا او شطه،فلفل اسود،بصل مقطع،توم مفروم،ليمون،خل،ملح،كمون.
أول حاجه طبعا هتنضفى السمك كويس من جوه وتشيلى احشاءه والعين واى قشور علىه من بره،وتدعكيه كويس قوى من جوه بالملح ومن بره،هتجمعى التتبيله كلها فى طبق ومعاها التوابل،وتتبلى وتحشى بيها السمك،وتغطيه وتسيبيه من بليل بالتلاجه.
صخنى الشوايه كويس جدا،وادهنى السمك من بره بأيديكى بالزيت بس مش كتير وقلبيها فى الرده،ولما الشوايه تسخن خالص،حطى السمكه فيها وخلى النار عاليه واقفلى الشوايه،ولما تتشوى من الجهتين وطى النار عليها وسيبيها لحد ما قلبها من جوه يستوى،وهى مش بتاخد وقت،وبيطلع زى بتاع المطاعم بالظبط،بس ابقى افتحى الشبابيك والشفاط،عشان بيطلع دخان شويه فى الاول،بس لما النار بتهدى الدخان بيقل.
فه