نص شهادة مرتضى منصور على مبارك وأيمن نور والبرادعي وأمير قطر

شاهدت المحكمة اليوم في قضية موقعة الجمل سي دي يظهر فيه صوت فقط للمتهم العاشر مرتضي منصور وسط انصاره بميدان مصطفي محمود وهو يقول فيه " احنا مش جاييين عشان نقول مبارك أحنا جايين عشان مصر احنا مش زي الماجورين البرادعي اللي دمر العراق و المزور ايمن نور ده انت لو عندك عامل او شغال و بيخدمك 30 سنة مينفعش تقول له اطلع بره و العيال اللي بيقولوا كده مش محترمين دول سفلة و مش متربيين " وبعدها يقوم انصاره بالتهليل له
ويستكمل منصور حديثه فى التسجيل قائلا " البنت اللى كاتبة يافطة وبتقول ارحل يا خنزير ابوكي هو اللي خنزير لأنه لو رباكي مش هتقولي كده علي واحد في سن ابوكي " واضاف التسجيل ان مبارك حرر مصر من اسرائيل ، و انا عايز اسأل البرادعي و ايمن نور انتوا كنتوا فين."
ويقول منصور فى التسجيل الذى تم عرضه " اللى ميقدرش يحكم بيته قاصدا أيمن نور ميحكمش مصر" واتهم منصو قناة الجزيرة بالعمالة "
وقال منصور فى التسجيل لامير قطر " انت احتليت البلد من ابوك و معندوش وفاء لابوه طلع اليهود اللي في بلدك الاول و بعدين اتكلم عن اسيادك في مصر، و الراجل مش هيمشي و يالا نروح علي ميدان التحرير لان مبارك لن يرحل."
و ردد قائلا : يسقط ايمن نور الخائن يسقط امير قطر الخائن تسقط قناة الجزيرة الارهابية تحيا مصر"
وقامت المحكمة بعرض صور لبعض الأشخاص اثناء ركوب الخيول و الجمال فى طريقهم لميدان التحرير و اخرين يقولون لهم " انتوا رجالة في اللي عملتوه و دة اللي كان لازم يتعمل من الاول"