كريم الشناوي لموقع الفجر الفني: أفلامنا مش للمنصات وعايزين صناعة حقيقية

في تصريحات نارية على هامش حفل ختام الدورة الحادية والعشرين لجائزة ساويرس الثقافية، كشف المخرج الشاب كريم الشناوي عن فلسفته السينمائية الجريئة، مؤكدًا أن هدفه الأساسي هو إحياء تجربة السينما في مصر.
وقال الشناوي لموقع الفجر الفني:
"نفسي الجمهور يشوف فيلم 'السادة الأفاضل' على شاشة السينما، إحنا بنعمل أفلام للسينما مش للمنصات، وبنحاول نفضل البلد دي فيها سينما طول ما الناس بتحضر الفيلم."
وعن الجدل الدائر حول عرض الأفلام على المنصات الرقمية، أضاف كريم الشناوي بصراحة مطلقة: "مفيش حاجة اسمها إني بضايق من عرض الأفلام على المنصات، دا مش قراري أصلًا، دا قرار المنتج. حتى لو أنا شريك في الإنتاج، كل واحد ليه اختصاصه، واللي أقدر أقوله إن لو الشباك في مصر بقى أقوى، الأفلام هتقعد في السينما أكتر."

وأوضح المخرج أن الوضع في مصر يختلف تمامًا عن دول الخليج، حيث أن عدد التذاكر المباع قليل جدًا مقارنة بعدد السكان: "بلد زي مصر فيها 120 مليون نسمة، وبنبيع أقل من 10 مليون تذكرة في السعودية عندهم 17 مليون تذكرة، وفي الإمارات 16 مليون، والناس عندنا بنديهم تذكرة ب300 جنيه، مع إن سعر التذكرة ممكن يكون 40 جنيه فقط."
واختتم الشناوي حديثه برسالة واضحة لكل عشاق السينما: "لو المشاهد راح السينما، ممكن العرض يتأخر شويه، لكن ده أضعف الإيمان علشان نفضل عندنا صناعة سينما حقيقية."