حمزة نمرة يطرح خامس أغنية من ألبوم "رايق" بعنوان "أنا الطيب" (فيديو)

طرح المطرب حمزة نمرة خامس أغنيات ألبومه الجديد «رايق» بعنوان «أنا الطيب»، وذلك عبر موقع الفيديوهات الشهير يوتيوب ومنصات الموسيقي المختلفة.
ويقدم حمزة موسيقي مختلفة فى ألبوم «رايق»، حيث تتنوع إيقاعات الأغاني بين الموسيقى الشرقية والفيوجن والشعبي مع الفلامنكو والأفروبيت.

وجاءت أغنية «أنا الطيب» من كلمات محمود فاروق، ألحان حمزة نمرة، توزيع وميكساج عمرو الخضري، جيتار مصطفي نصر، أكورديون وربابة محمود شاهي، ناي محمد عاطف.

وتقول كلمات أغنية «أنا الطيب»:-
أنا الطيب وعامل فيها مش طيب
علشان الناس بقت بتدوس على الطيب
ومين كان حس بينا يا دمعي يا قريب
بمثل اني مش طيب علشان انتو
ديابة ولازم انتش لقمتي منكم
وليه يا زمن بقى الطيب بتعيب
عامل قاسي وجواية مفيش قسوة
مليش غير قسوتي عزوة
بتدو الحق للأقوى
وبتيجو تملي على الطيب
وشراني لكن من جوة وحداني
وياما صرخت أه ياني
ودوستوا على الجراح تاني
مشفتش حد بطيب
عامل جامد لكني ورا الحيطان عيل
ولما الدنيا بتليل بشيل وشي اللي بمثل
وأروح أنام ع الجانب الطيب
يا ناس يا ناس واقف مبلم
يارب حوش يارب سلم
دانا اتجرحت جرح علم
ماشي يا دنيا
ما جبش حقي غير دراعي
يا ريتني حاوي دول أفاعي
ما فيش لطيبتي أي داعي
لا لا لا لا
أنا البعبع وشايل بين ضلوعي ملاك
ولو نزلت دموعي هلاك
يا قاسي القلب ايه قساك
وخلاط تيجي ع الطيب
أنا المأذي ومش عايز أكون مؤذي
لكن لو حتإذي هأذي
وده مش بكيفي ده حظي
ونفسي في يوم أعود طيب
ومش خواف ولو قلتكوا اني بخاف
أخاف لتقرقشوني حاف
وياما منكو قلبي شاف
عالم وحوش مبترحموش طيب
يا ناس يا ناس واقف مبلم
يارب حوش يارب سلم
دانا اتجرحت جرح علم
ماشي يا دنيا
ما جابش حقي غير دراعي
ياريتني حاوي دول أفاعي
مفيش لطيبتي أي داعي
لا لا لا لا
تفاصيل عن ألبوم رايق

يتضمن ألبوم «رايق» 13 أغنية يتم إطلاقها بشكل فردى بواقع أغنية جديدة في الأربعاء من كل أسبوع عبر المنصات الإلكترونية المختلفة على مدار موسم الصيف الحالي، وسيتم إصدار الأغاني بشكل كليبات مصورة أسبوعيًا، حيث يختتم أغنيات الألبوم في 6 سبتمبر القادم بأغنيتي «يا سفينة»، و«رجعنا لوجع القلب».

ألبوم رايق
ويخوض نمرة فى هذا الألبوم مغامرة فنية جديدة، حيث يعتبر أول ألبومات مسيرته الغنائية الذي يتم إطلاقها خلال موسم الصيف، وتتنوع موضوعات أغاني الألبوم بين العاطفية والواقعية والشجن وجرعة مركزة من البهجة والتفاؤل التي تتلائم مع الأجواء الصيفية.
وكان أطلق حمزة نمرة الأغنية الرئيسية للألبوم بعنوان «رايق»، وحققت الأغنية نجاحًا كبيرًا واحتلت قائمة الأغاني الأكثر استماعًا على اليوتيوب ومنصات الموسيقي، وتم تصوير فيديو كليب أغنية «رايق» في اليونان تحت إدارة المخرج مصطفى الصولي، والأغنية من كلمات الشاعر محمود فاروق، ألحان أندريه مينا وحمزة نمرة، وتوزيع وميكساج أندريه مينا.

المطرب حمزة نمرة
وفى سياق متصل، طرح حمزة نمرة فى الأيام الماضية ثاني وثالث أغنيات ألبومه الغنائي الجديد «رايق»، بعنوان «غروب، إسكندرية»، وجاءت أغنية «إسكندرية» من كلمات محمود فاروق ومحمد السيد، وألحان حمزة نمرة وأندريه مينا، بينما أغنية «غروب» من كلمات الشاعر محمود فاروق، ألحان حمزة نمرة، توزيع وميكساج أندريه مينا، تنفيذ وتريات أحمد عاطف.
وحقق نمرة نجاحًا كبيرًا برابع أغنيات الألبوم «رياح الحياة»، وتصدرت الأغنية التريند رقم 1 على يوتيوب الموسيقي، واحتلت قائمة الأغاني الأكثر استماعًا وتداولًا في مصر والوطن العربي، ووصلت الأغنية ل 3 مليون مشاهدة في أسبوع فقط من طرحها عبر موقع الفيديوهات الشهير «يوتيوب»، وهى من كلمات محمود فاروق، ألحان حمزة نمرة، توزيع وميكساج كريم عبد الوهاب، جيتار مصطفي أصلان، باص جيتار أحمد رجب، تنفيذ وتريات أحمد عاطف.