حمزة نمرة يتصدر تريند "يوتيوب" ب رياح الحياة ورايق وغروب

يواصل الفنان حمزة نمرة، نجاحاته الفنية بتصدر أغنيته الجديدة "رياح الحياة"، تريند موقع الفيديوهات الشهير منذ طرحها حتى الآن، وتصدر أيضًا التريند بأغنية "غروب" وأغنية "رايق"،واستطاع أن يحقق بالثلاث أغاني نجاحًا كبيرًا، حيث احتلت أغنية "رياح الحياة" المرتبة الأولى، بينما أغنية "غروب" احتلت المرتبة السادسة، وأغنية "رايق" المرتبة الرابعة عشر.
وحققت أغنية "رياح الحياة" للفنان حمزة نمرة 2 مليون و400 ألف مشاهدة عبر موقع الفيديوهات الشهير "يوتيوب"، وهي من ألحانه وكلمات الشاعر محمود فاروق، وتوزيع وميكساج كريم عبد الوهاب، وتعد رابع محطات رحلة ألبومه الجديد "رايق".
ما هي كلمات أغنية رياح الحياة؟

تهبي يا رياح الحياة دايما.. بما لا اشتهيه
واللي السنين مقدماه غير.. اللي قولت نفسي فيه
يلاقي قلبي فين دواه.. واللي اذاه اقرب ما ليه دة جرح بيعلم
وصعب تسكن الالام واخرج من اللي فات سليم.. وصعب لما اروح انام مفضلش اراجع القديم
طلع مكلف العلام.. وخدت درس في الصميم ولسة بتعلم
ركز يا قلبي في اللي جاي والف شكر للي باع.. ما صانش حتى بوق شاي سلام يا 300 وداع
واللي لقانا مايساعوش ف خانة الوداع تساع.. مشاعرنا مش لعبة

تفاصيل أغنية غروب

بينما حققت أغنية غروب التي طرحها حمزة نمرة منذ 12 يوم ال مليون و300 ألف مشاهدة.
من هم صناع أغنية غروب؟

أغنية غروب من كلمات محمود فاروق وألحان حمزة نمرة وتوزيع وميكساچ أندريه مينا وتنفيذ وتريات أحمد عاطف، تسجيل م/ ياسر حسين وستوديو الرسالة وإنتاج نمرة بروديكشن.

كلمات أغنية غروب

خدني طريقي لقيتني ماشي قصاد البحر والموجة تضحكلي وتقول لي والله زمان
والشمس ليا بتبتسم وبتسيب المكان
وانا ليه في توهة الدروب
بشوفك في الغروب وكل شيء جميل
واشتاق لصوتك كل يوم واكلم النجوم وافضفضلك يا ليل
خدني حنيني لقيتني في خيالي بفتكرك واشتاق
وكلامنا ولقانا واللهفة والأشواق
والحب من أول لقى ودموع آخر فراق
وانا ليه في توهة الدروب
بشوفك في الغروب وكل شيء جميل واشتاق لصوتك كل يوم
واكلم النجوم وافضفضلك يا ليل
جوايا ليكي اللي لسه ما قلتهوش
علشان كلام الحب كله ما يوصفوش
ولو قلوب الناس تغيرها الحياة
أنا حبي ليكي الزمن ما يغيروش.
أغنية رايق

بينما حققت أغنية رايق 3 مليون و800 ألف وذلك عقب طرحها ب أسبوعين.
تعد أغنية رايق الأغنية الترويجية ل ألبوم حمزة نمرة الجديد وهو ألبوم موسم الصيف ويضم الألبوم 13 أغنية، وطرح منهم 4 أغاني وسيتم طرح بقيتهم بشكل منفصل كل أسبوع.

ما هي كلمات أغنية رايق؟

فارق مين عليا
ولا فارق مين معايا ولا فارق مين سابقني ولا فارق مين اللي ورايا
كان صاحب ولا عشرة كان أصلي ولا قشرة
كات أوضة ولا فيلا كان شايب ولا بصرة
رايق رايق رايق رايق وتقيل وراسي وعايشلي دور مقاسي
رايق رايق رايق لحبايبي بس وناسي ولا بتعب في الغياب
ولا بفرح بالمدد ولا بادخل في اكتئاب
ولا بقلق م الحسد مش هفتح باب يدايق
ولإن مزاجي رايق لا هشارك في المسابقة
ولا عايز حتى اسابق باضحك على قد سني
وسني يسمحلي أغني والخدمة الحلوة منكم
لما تفكوكوا مني كله عارف تمامه
لا هنزل أو هعلي كله ياخد مقامه
مايخدش زيادة نص ملي.