منى فاروق: كل الناس في الشغلانة خايفين يشغلوني

قالت الفنانة منى فاروق، إن جميع المنتجين والمخرجين وزملائها من الفنانين يرفضون انضمامها في أي أعمال، قائلة: "كل الناس في الشغلانة خايف يشغلوني وبيعاملوني كأني نكرة".


تصريحات منى فاروق في برنامج خط أحمر:


تابعت الفنانة منى فاروق في مداخلة هاتفية لبرنامج "خط أحمر" الذي يقدمه الإعلامي محمد موسى على قناة الحدث اليوم، "كلمت كل المنتجين والمخرجين بلا استثناء عشان أشتغل، فمن كان منكم بلا خطيئة فليرجمني بحجر، وتركت شقتي وبعت عربيتي ومعنديش فلوس، وفكرت في الانتحار بعد البوست الأخير".


أضافت "حاسة إننا تقيلة على المجتمع، عايزة أروح كوكب تاني، الناس والسوشيال ميديا اللي وصلتني لكده، واتكلموا في عرضي كتير واتسجنت 4 أشهر ونصف ومش عليا أي حاجة والقضية اتحفظت".


منى فاروق تعلن إعتزالها الفن:


وفي سياق آخر أعلنت الفنانة منى فاروق عبر حساباتها الشخصية فيسبوك وإنستجرام اعتزالها الفن والسوشيال ميديا بسبب عدم اهتمام المخرجين بها وقالت منى فاروق عبر استوري: تعبت وأشعر بعدم التقدير لشخصي لموهبتي ولم اعتد البقاء في مكان ومع أشخاص لا تقدرني تعبت لذلك "أعتزل"


منى فاروق على إنستجرام:


وكتبت عبر حسابها الشخصي على موقع تبادل الصور والفيديوهات إنستجرام" مساء الخير الكلام اللي بقوله ده خارج خالص عن فكرة إني آخد تريند واعمل زي اي حد انا قولت أعتزل الفن لسبب واحد هو بس مصدر رزقي الوحيد اللي أنا بحبه وعايزه اشتغله لكن لم أوصل لمرحلة اني مش عارفة ادفع إيجار بيتي حاجه تتعب أنا محتاج اشتغل عشان أعيش زي أي بني أدمه طبيعيه


وأضافت الفنانة منى فاروق "اجازه مفتوحه من السوشيال ميديا،مش هكون موجودة مش عاوزة حاجة من حد ولا حد يعوز مني حاجه واللى زمان انا عشته لغيرى انا دلوقتى هعيشه لنفسى محتاجه أكون نفسى محتاجه سلام نفسي اللي بيحبوني شكرا وكتر خيركم واللي مبيحبونيش شيلوني من حساباتكم لحد ما أقدر أواجه الحياة الظالمة دي تاني"


وتابعت:" أنا غلطت وربنا بيسامح ليه البني أدمين مش عايزين يسامحه انا بسمع بودني لا بلاش مني علشان الفيلم والدعاية ميضرش الفيلم أو المسلسل ليه ياربي انا بقيت منبوذه من كل الناس أنا مش طالبة غير أشتغل في الحاجه اللي بحبه عشان أعرف أعيش المجتمع حطتني في مكان الوحش بس مش يمكن عايزه ابقى كويسه زي اي واحدة ليه بيقفلوه قدامي في أي حاجه"


ثم اختتمت:"عشان كدا انا بناشد الدكتور "أشرف زكي" والأستاذ "أشرف عبد الباقي" شركات الإنتاج محتاج الشغل عاوز أعرف أعيش ولما قولت قرار الاعتزال من أجل لو حد شافني بشتغل في محل لبس أو أي شغل ميقولش اي ده والله مش طالبة غير أشتغل ابوس ايديكم عايزة اشتغل


"أخر أعمال الفنانة منى فاروق"


يذكر أن أخر أعمال الفنانة منى فاروق هو مسلسل "أيام" بطولة الفنانة حورية فرغلي،أحمد صفوت، ومحمود حجازي المسلسل من تأليف سماح الحريري وأخرج محمد أسامة وتدور أحداث مسلسل أيام في 45 حلقة