"من كان منكم بلا خطييئة"| رسالة قاسية من منى فاروق للمنتجين

وجهت الفنانة منى فاروق، رسالة للمنتجين بعد عزوفهم عن عرض عليها أعمال فنية قائلة: "من كان منكم بلا خطيئة فليرجمني بحجر".
أضافت منى، خلال مداخلة هاتفية بأحد البرامج التلفزيونية، "حاسة إني بقيت تقيلة على المجتمع بسبب السوشيال ميديا واهانتها ليا وكلمت كل المنتجين بلا استثناء عشان أشتغل ومحدش راضي".
تابعت، "والله فكرت في الانتحار أنا اتسجنت 4 شهور في سجن القناطر وكانوا أصعب فترة، والناس لسة بتتكلم في عرضي والقضية اتحفظت وأنا مش عليا حاجة".
أكملت، "بعد ماخرجت من السجن روحت لدكتورة نفسية قالتلي مش هتخرجي من اللي انتي فيه إلا لما تشتغلي ولما خرجت من السجن اتعرض عليا حاجات وحشة بفلوس وأنا رفضت أنا بعت عربيتي ومش معايا فلوس".
واختتمت حديثها قائلة: "أنا سافرت دبي واتصورت مع السبكي وقلتله عاوزة أشتغل قالي مش هينفع أنا بتهاجم بسببك".
تراجع منى فاروق عن اعتزال الفن:
وكانت أعلنت منى فاروق، اعتزالها للفن ثم تراجعها عن هذا القرار من خلال حسابها بموقع التواصل الاجتماعي "انستجرام".
كتبت منى، "مساء الخير.. الكلام اللي بقوله دا خارج خالص عن فكرة أني أخد التريند، واعمل زي أي حد.. أنا قولت اعتزلت الفن لسبب واحد.. دا مصدر رزقي الوحيد اللي أنا بحبه وعاوزة اشتغله، لكن لما أوصل لمرحلة أني مش عارفة ادفع إيجار بيتي.. حاجة تتعب.. أنا محتاجة اشتغل عشان أعيش زي أي بني آدمة طبيعية".
أضافت، "أنا غلطت وربنا بيسامح ليه البني آدمين مش عاوزين يسامحه.. أنا بسمع بودني لا بلاش منى عشان الفيلم والمسلسل ميتضرش، ليه ياربي أنا بقيت منبوذة من كل الناس، أنا مش طالبة غير أني اشتغل في الحاجة اللي بحبها عشان أعرف أعيش.. المجتمع حططني في المكان الوحش بس مش يمكن عاوزة أبقى كويسة زي أي واحدة، ليه بتقفلوها قدامي".
واختتمت حديثها قائلة: "عشان كدا أنا بناشد دكتور أشرف زكي، الأستاذ أشرف عبد الباقي، شركات الإنتاج، محتاجة شغل، عاوزة أعرف أعيش، ولما قولت قرار اعتزل من أجل لو حد شافني بشتغل في محل لبس أو أي شغل ميقولش ايه دا، مش طالبة غير اشتغل أبوس ايديكم عاوزة اشتغل".
ونقدم لكم من خلال المستقبل تغطية شاملة لكل أخبار الطقس والأرصاد الجوية وأسعار الذهب وأخبار مصر وأخبار السعودية والأخبار المحلية وأخبار الاقتصاد وأسعار العملات وسعر الدولار و أسعار الدواجن اليوم وأسعار اللحوم وأسعار مواد البناء والحديد ومواعيد القطارات وأخبار الفن ، يقوم فريق المستقبل بتغطية كافة الأحداث الرياضية مثل الدوري المصري والدوري الإنجليزي والدوري السعودي والدوري الإسباني وكافة البطولات الأوروبية والعالمية ودوري أبطال أفريقيا