منى فاروق :"عايزة أبقى شريفة واشتغل بالحلال"

تحدثت الفنانة منى فاروق عن سبب قرارها اعتزال الفن، مشيرة لأمنيتها للعمل الشريف الحر ولكن الفرصة لم تتح أمامها، وذلك خلال مداخلة هاتفية لها ببرنامج "خط أحمر" على شاشة تلفزيون قناة الحدث اليوم.
تصريحات منى فاروق الأخيرة
وخلال مداخلتها، قالت منى :"أنا تواصلت مع كل المخرجين، وكلمت أشرف زكي قالي أنتي مش نقابية، ومحدش راضي يديني كارنيه النقابة ومش بيتقال ليه، ومحمد السبكي لما قابلته في دبي واتصورت صورة، قالي مش هقدر اشغلك عشان أنا بتهاجم بسببك".
كما واصلت حديثها :"أنا مش متجوزة وبصرف على بيتي وأهلي، وعايزة أبقى شريفة واشتغل بالحلال، ومش عايزة أعمل أي حاجة وحشة ولا أي حاجة حرام، وفيه ناس على السوشيال ميديا بتهاجمني، وفيه ناس بتقولي اشتغلي حاجة تانية، هاتهالي بس اضمنلي أن مدير الحاجة التانية ميطلبش مني حاجة قلة أدب، ودا اتعرض عليا وسيبت الشغل".
كذلك أضافت :"أنا اتسجنت 4 شهور ونص في سجن القناطر وكانت مرحلة بشعة، وروحت لدكتورة نفسية قالتلي مستحيل تتخطي اللي حصلك من غير ما تشتغلي، واتعرض عليا حاجات وحشة وحرام بعد الأزمة بمقابل مادي وأنا رفضت، أنا سيبت شقتي وبيعت عربيتي ومش معايا فلوس، وفكرت في الانتحار أول امبارح".
جاء هذا بعد أيام من اعتزلها الفن والسوشيال ميديا بسبب الإحباط، إذ كتبت عبر حسابها بموقع "إنستجرام" :"
جاء ذلك بعد يومان من إعلانها اعتزال الفن بسبب عدم شعورها بالتقدير لها و لموهبتها، إذ كتبت :"تعبت وأشعر بعدم التقدير لشخصي ولموهبتي.. ولم أعتد البقاء في مكان ومع أشخاص لا تقدرني.. تعبت.. لذلك اعتزل".
كما تابعت :"إجازة مفتوحة من السوشيال ميديا.. مش هكون موجودة.. مش عاوزة حاجة من حد.. ولا حد يعوز مني حاجة.. واللي زمان أنا عيشته لغيري أنا دلوقتي هعيشه لنفسي.. محتاجة أكون نفسي.. محتاجة سلام نفسي.. اللي بيحبوني شكرا وكتر خيركم، واللي مبيحبونيش شيلوني من حساباتكم، لحد ما أقدر أواجه الحياة الظالمة دي تاني.. سلام".
ونقدم لكم من خلال المستقبل تغطية شاملة لكل أخبار الطقس والأرصاد الجوية وأسعار الذهب وأخبار مصر وأخبار السعودية والأخبار المحلية وأخبار الاقتصاد وأسعار العملات وسعر الدولار و أسعار الدواجن اليوم وأسعار اللحوم وأسعار مواد البناء والحديد ومواعيد القطارات وأخبار الفن ، يقوم فريق المستقبل بتغطية كافة الأحداث الرياضية مثل الدوري المصري والدوري الإنجليزي والدوري السعودي والدوري الإسباني وكافة البطولات الأوروبية والعالمية ودوري أبطال أفريقيا