عاجل.. الرئيس السيسي: "إصلاح التعليم يتكلف 250 مليار.. بتدي المدرس ألفين ومستني منه إيه؟"

قال الرئيس عبدالفتاح السيسي، إن تكلفة إصلاح التعليم على الأقل 250 مليار جنيه، معربًا عن عدم رضاه عن الوضع الحالي، موضحًا: "بتدي المدرس ألفين و3 آلاف بتاخد منه إيه.. تقنعه إزاي إنه يشقى معاك علشان يطلع ابنك وبنتك كويس؟"
وقال الرئيس السيسي، خلال مداخلة هاتفية ببرنامج "التاسعة"، المذاع عبر القناة الأولى المصرية: "أنا بكلم اللي بيقول إنه صعبان عليه الناس الغلابة.. أنا بتكلم على الغلابة، مش كلام دغدغة للمشاعر، إذا كان بعد كل الإخلاص ده يكون ده مستوى الكلام اللي شايفينه ده؟.. ده يبقى خطر جدًا على البلد دي لأن التحديات كتير".
ووجه الرئيس حديثه لبعض فئات المعارضة، قائلًا: "أنت عايز تمارس دور وأنا هفرح، واللي عايز يدخل يشتغل يتفضل، مش هقول نتكلم زي بعضنا، لكن نتكلم بلغة تحمل فهم مشترك".
وتابع الرئيس: "محدش هيقول جديد لأن التشخيص واحد، وهو ده الفرق بين الدول الفقيرة والغنية والمتقدمة"، مضيفًا: "النهاردة المواطنين لما بنقول نعمل مشاريع كتير علشان يشتغل فيها 5 ملايين إنسان، ويجي واحد يقولك وزع علينا ونحسن حياتنا".
a href="/4542491" title=" عاجل.. السيسي: " اللي حصل في 2011 و2013 يجيب أي دولة الأرض" (فيديو)"
عاجل.. السيسي: "اللي حصل في 2011 و2013 يجيب أي دولة الأرض" (فيديو)
السيسي عن الإخوان: "عارف تاريخهم كويس ومفيش فايدة"
وقال الرئيس: "الناس بتتعامل وكأنه محصلش حاجة، اللي حصل في 2011 و2013 يجيب أي دولة الأرض"، مضيفًا: "إحنا محتاجين نبذل جهد كلنا أكتر من كده، ومش كل الناس هتبقى زي بعض، وفي الوقت اللي إحنا فيه ده مش محتاجين كل الكلام ده، ظروف البلد متتحملش الكلام ده".
وأكد الرئيس: "مصر مش هتضيع، ومش هتنهض إلا لو كلنا تناسينا رغباتنا وأهوائنا لغاية لما البلد دي تعبر وحسب تضحياتنا اللي كلنا بنقدمها، الدولة محتاجة تضحيات من كل شعبها"، مشددًا على أن هناك شعب عدده "100 مليون والتجربة اللي مارسناها وعيشناها كانت قاسية جدا".