الرئيس السيسى خلال إطلاق المشروع القومى لتنمية الأسرة المصرية: الناس خرجت فى 2011 عشان مفيش رضا مجتمعى.. زدنا 14 مليون نسمة فى آخر 7 سنين وما عندناش أرقام دخل تكفى.. محتاجين نضاعف المستشفيات وعاوزين 500 مستشفى

تحدث الرئيس عبد الفتاح السيسي، خلال فعاليات إطلاق المشروع القومي لتنمية الأسرة المصرية، قائلا: "فى بلجيكا التقيت بالناس وكلمت الدنيا.. أول ملف كنت بتكلم عنه ملف حقوق الإنسان لأننا معندناش حاجة مخبينها.. عندنا قضية مش معروفة وغير معلومة إلا لبعضنا.. من ضمن الحاجات اللى كنت بتكلم مع المسؤول قلتله ليه مسألتنيش عن الناتج المحلى بتاعك كام ؟ استغرب .. وقلتله الناتج المحلى عندك كام قالى 500 مليار والسكان قال 10 ملايين نسمة، قلتله يبقا أنا عاوز دخلى 5 تريليون دولار علشان عندي 100 مليون نسمة، وعلشان انا معنديش المبلغ ده الناس في مصر مش بتاكل كويس ومبتتعلمش كويس ومبتتعالجش كويس.. أدى حقوق الإنسان اللى انا اعرفها ".

وأضاف الرئيس السيسي، خلال كلمته في إطلاق المشروع القومي لتنمية الأسرة المصرية: "الناس في مصر مظلومة ومبتتعلمش كويس ومبتتعالجش كويس..انا مش مانع أنه يتكلم انا عاوزه يتكلم.. بس يعرف قضية البلد كويس قبل ما يتكلم ويسمع الناس وينكد عليها في بيوتها بدون كلام أقل ما فيه مش مستكمل معرفته، ودي كلمة مؤدبة عن الجهل وعدم ادراك وعدم تقدير الواقع اللى احنا فيه".

وتابع الرئيس السيسي قائلا: "الناس خرجت ليه في 2011.. لأن حالة الرضا المجتمعي مش موجودة.. الناس مش راضية.. مفيش حاجة مكفية.. ومفيش تعليم كويس.. وبدل ما نقول أن أداء المواطن بقينا في مواجهة الدولة.. نعمل دراما.. ومش باخدكم بعيد عن الهدف.. بنتكلم عن الحفاظ على الدولة المصرية وعدم الانزلاق للخراب والدمار.. الناس تعبانة وعاوزه تغيير صحيح.. بس اتغير ازاي.. اللى بنتكلم فيه.. بنغير أسباب التردى"، متابعا: تحدث مع أحد المسئولين في بلجيكا عن الناتج المحلي، قائلا: "قولتله عاوز جامعة تدي تعليم كويس.. وعاوز مدرسة تعمل تعليم كويس.. ومش الناس تتخانق علشان تغشش ولادها.. علشان تقولى أن ابنى معايا شهادة شغله بقى".

وقال الرئيس عبد الفتاح السيسي: "الكلام ده من سنة 50 وسنة 60.. هو الواقع اللى سبب تردى الدولة.. انا عايش معاكم الحكاية.. وفى 2014 قولت الكلام ده.. السبع السنين، زدنا 14 مليون نسمة.. جالي أرقام دخل تكفى هذ النمو ال 14 مليونا.. طبعا لا.. ده عجز من الدولة لا.. قدرة الدولة مش متمشية مع قدرة نمو الدولة.. الاثنين مش زي بعض.. لو عندى مصروف ألف جنيه.. دخلي مش ألف جنيه.. يبق فيه عجز.. انا مش بتكلم في موازنة.. عجز القدرة والأداء.، متابعا: "انا عاوز اقولكم على حاجة.. احنا بنتكلم من كام شهر.. علشان عايزين مستوى متقدم اوى في النظم.. علشان بس بقولكم بيتخرج من عندنا 700 ألف طالب جامعي.. انا كلامى كاشف ولا مألوم.. هقولكم حاجة.. قولت الكلام ده من 3 سنين.. من أيام الدكتور ياسر وزير الاتصالات السابق وبنكلمه حاليا.. بنبى فرصة عمل مبنية على النظم.. بقول للمصريين.. المهتمين بالمواطنين ولادكم ومستقبلهم.. الكلام ده والله أن كل الكلام الإصرار والقتال والعمل من أجلك يا مصر.. قسما بالله.. قسما بالله".

وأكمل الرئيس السيسي: "سوق العمل اللى بتكلم عليه.. فيه دولة في مستوي العالم عاوزه مليون وظيفة.. فيه مليون وظيفة.. انا عندى شباب كبير.. 30 ألف دولار للدارس.. انا جاهز.. من أجل دعم هذه الوظائف".

وواصل الرئيس السيسي قائلا: "لولا فضل الله على مصر لكانت البلد ذهبت مع الدول التى تهدمت، مضيفا: "بدل ما تجيب فيلم الإرهاب والكباب وتجيب المواطن بيشتكى خلى البلد خصم، مخلاش السلبية خصم، انت المفروض تخلى السلبية خصم، متابعا: "المواطن اللى مبيشتغلش هو اللى خصم، لما حولت البلد لخصم هدوها، ولولا فضل االله علينا وكرمه لكانت البلد دى زى باقى البلاد اللى انتوا شايفنها ما قامتش تاني ولا رجعت تاني خلاص، واللى يروح.. يروح ميرجعش، لكن هو افاض علينا، طيب بعد أن افاض علينا هنفضل زى ما احنا كده، اقابل ناس في الشارع تقولى انا زعلانة منك، اقولها ليه تقولى عندي 6 عيال اقولها اعمل ايه؟ بس هما ساعات ميجبوش الحاجات دي في التليفزيون، علشان ميزعلوش يعني، اقولها انتي عندك 6 اقولها انا عندي 100 مليون".

وتحدث الرئيس السيسي: "البلد دى بلدنا كلنا.. مش بتاعتى أنا بس.. وانا دائما أقول الأمن القومي والأمن القومي والأمن القومي في كل حاجة.. الرعاية الصحية أمن قومي.. التعليم أمن القومي.. والدكتور طارق شوقى وزير التعليم خد على دماغه لما مات لما جيه يطور التعليم.. انتوا عاوزين تعليم ولا مش عاوزين.. لقاءاتنا دي توعية حقيقية لواقعنا.. واحنا مش بنكسف.. انتوا قولتوا كلام مرتب هيفهموا ناس كتير.. وفيه ناس كتير تانيين ممكن مش يفهموا الكلام.. زى معدل النمو وغيره"، وتابع الرئيس قائلا: "الدول اللى بتقول مبتدوش حقوق للناس، حقوق ايه؟ انا مش لاقى أكل.. مش لاقى أشغل.. مش عارف أسكن روحوا المرج والمطرية والخصوص، لما بمنشى في الشوارع الاقى إيه؟، هي دي بلادنا اللى في رقابتنا يا كل المسؤولين والإعلام والصحة والتعليم والجامع والكنيسة انزلوا شوفوا البلد عاملة إزاى؟.. علشان افتح شارع بشيل بالألف بيت وعمارة علشان الناس تمشى فى حتت ما مبيتمشيش فيها.. انت جاى تعمل إيه؟.. ايه حكايتك النهاردة .. لا والله انا بقولكوا علشان البلد دي بلدنا".

وأكد الرئيس السيسي، أن الدولة تحتاج إلى مضاعفة عدد المستشفيات، قائلا: "عاوزين نضاعف المستشفيات.. عندنا 500 مستشفي.. عاوزين ألف مستشفي.. طب بكام.. انت كده عملت المكان بس.. فين التشغيل والأطباء.. الناس تسبلنا فرصة عمل في حتة تانية.. الطبيب هو أنا بديلو مرتب كويس؟.. هو انا مش عاوز اديلو مرتب كويس.. انا مش قادر اديلوا مرتب كويس.. المدرس.. الدولة انا مش قادر.. وبالتالي التعليم اللى بيخرج.. جامعات حاسبات وكلية هندسة حاسبات.. وعاء فيه 10 الآلآف من الطلاب.. ونقول نعمل الاختبارات الإلكترونية.. وبنك معلومات ونظم معلومات.. علشان تتطور ايه البنية التحتية".

وأضاف الرئيس السيسي: "هتفضل في دائرة كاملة لطيفة.. أن المستوى بتاعك هيفضل كده.. دائما في سوق العمل في مصر بس.. النموذج ده.. وعدد أقل منه.. احنا بنجيب الحد الأقصى.. بنقول في الموارد بتاعتنا هندفع بس هاتوا الناس للوظائف الجديدة.. انا جيبت مثال واحد.. لكن الكلام ده.. لو خرجت ألاف الطلبة.. من خريجي كلية الأداب جغرافيا وتايخ.. سوق العمل فيه كده.. الناس عاوزه كده.. الناس عاوزه تدخل ولادها الجامعة... وأنت كمواطن تغسل ايدك وتقوله عملتك.. ليسانس آداب قسم كذا.. العدد اللى بيخرج ملوش مكان".

وقال الرئيس السيسي: "لما اعمل اختبار ل 200 أو 300 ألف هلاقى المعايير تنطبق على 50 % مش كده؟ بتظلم شبابنا وتعليمنا.. لقيت 111 شابا فقط، علشان تعليمي تعبان".. كنت مستعد لو فيه 100 ألف طالب قسما بالله قلت هدفعلهم 30 ألف دولار لكل طالب"، متابعا: "يا مصريين اصحوا إذا كنتم خايفين على بلدكم انتبهوا القضية كبيرة جدا قضية بناء مواطن، موجها حديثه للمواطن، انت بتجرى على انك تدخلوا كلية وخلاص وبتحطوا جوه المدرسة وخلاص، وفاكر انك بتجهز ابنك، وفيه كلمة النبي محمد صلى الله عليه وسلم قال اعقلها وتوكل".

وقال الرئيس السيسي: "حد قال لبنته لما تيجي تتجوز انتظرى سنة أو اتنين وخدى نفسك وعيشى وتتعودى على الحياة الجديدة، مبتكلمش على تنظيم أسرة خالص، انا قلت لبنتي كده.. قلت استنى سنتين تلاتة على الأقل.. الرسالة اللى عاوز اوصلها أن القضية مشتركة وليست قضية سلطة.. مفيش نظام في مصر.. انا زيكم ومعاكم ومنكم.. ولو مش قادر والله والله والله هديكم التحية وامشى.. هنعملها مظبوط كلنا.. اللى مش قادر يواجه ويجابه ده.. دى أمانة قدام ربنا.. مستقبل ولادنا.. القضية كبيرة اوي.. عاوزين تعليم كويس سواء قبل الجامعة أو بعد التخرج من الجامعة.. ويكون عندنا مستوي كويس.. بشرط المساعدة.

وأكمل الرئيس السيسي: "فيه أم عندها طفل ولا طفلين.. تقدر تقعد كل يوم ساعتين للرعاية.. احنا اختزنا العلاقة.. بخليها تشتغل تساعدني علشان أكل.. الوظيفة المرتبات في مصر مرتبات دنيا.. هو حد يقول الكلام ده في الموقع اللى انا فيه.. ايوه مرتبات دنيا ومنخفضة... هو انا السبب.. عاوز ادي المواطن 30 ألف جنيه.. طب ازاى تعملوها ازاى"، متابعا: "لما قولنا كشف طبي قبل الزواج.. طب من غشنا فليس منا.. قسيمة الزواج الكشف الطبي ده اى كلام.. والطفل يطلع اى كلام.. انت مشارك في القضية.. انت السبب.. أنت ظالم.. وقصرت معاه.. لازم تعمل الفحص الطبي.. وتقف الأسر عليه.. في النهاية الطفل خدنا بالأسباب في علم الدنيا والتطور.. نعمل الفحص ده.. ياتري بنعمل كده.. ولو راجل عنده 12 سنة وعاوز يجوزها.. هو احنا كده بنعرف ربنا.. هو كده حلال.. احنا شعب متدين بالفطرة.. هو كده حلال.. بنتي عندها 14-15 سنة اخليها تواجه الكلام.. عاوز ترتاح منها ومن أكلها.. ده صعب اوي.. ده انا مش أكل ولا أكل ولادى ولا اعمل فيهم كده.. وسن الزواج لازم يكون له مدة.. اوفر للشاب والفتاة مدي.. أنا مش بنضيق عليك.. احنا شايفين وخايفين.. والشوف بيخليك تفهم.. اللى بيفهم أكثر بيتعذب أكثر واللى مش بيفهم مرتاح".

وفى نهاية الفعاليات توجه الرئيس السيسي بالشكر والتقدير للقائمين على مشروع تنمية الأسرة المصرية، داعيًا إلى تضافر جميع الجهود من أجل تنفيذ المشروع.

وقال الرئيس السيسي خلال تدشين مشروع تنمية الأسرة المصرية:"نتحرك في المشروع كلنا ومع بعض الجمعيات الأهلية والجامعات والإعلام وكل المحاور اللى ممكن تشارك.. الموضوع اللى بنتكلم فيه تنمية الدولة المصرية ومحاربة الجهل والتخلف والفقر محتاجين نحط أيدينا في ايد بعض ونتحرك لعكس الكلام ده ، وهذا لن يتحقق الا لما نحط المشروع ده ركيزة للتحرك من اجل تغيير واقعنا للأفضل الى كل شيء.

وتابع الرئيس السيسي: "المشروع خطوة وبعد كده نشوف كل شهرين تلاتة معدلات النمو السكاني ونتكلم ونيجي نقعد كده، وكنت بتكلم عن الاستقرار الحقيقي وأسباب الاستقرار الحقيقى هو رضا المجتمع ، مش أجهزة الدولة مسؤولة عنه فقط ، ولكن كلنا محتاجين نتحرك في ده علشان نوصله للناس ونقولهم خالوا بالكم ان العدد ده الزراعة والطريق والتعليم ميكفوش ، ملوش شغل ، انتوا جايبينهم ليه ؟، علشان تعذبوهم ؟.، ولا علشان يعيشوا وينبسطوا".

وفى ختام كلمته قال الرئيس السيسي: "أشكركم ونشتغل مش بس في ده في التنمية وأعمل في كل المجالات بلا نوم ولا راحة اذا كنتم عاوزين تحققوا لبلدكم مكان حقيقى على خارطة العالم".