تفاصيل حضور الرئيس السيسي فعالية المشروع القومي لتنمية الأسرة المصرية | فيديو

شهد الرئيس عبد الفتاح السيسي اليوم الإثنين، فعالية المشروع القومي لتنمية الأسرة المصرية بمركز المؤتمرات الدولية "الماسة" بالعاصمة الإدارية الجديدة.
وأكد الرئيس عبد الفتاح السيسي أن مبادرة القضاء على قوائم الانتظار تمكنت من علاج مليون و60 ألف حالة.
وقال الرئيس السيسي إن الزيادة السكانية غير متماشية مع قدرة نمو الدولة.
وأضاف الرئيس السيسي إن التحديات التي تواجهنا تزيدني إصرارا على العمل والبناء.
وأشار الرئيس السيسي، إلى أن ملف حقوق الإنسان على رأس أولويات الدولة المصرية، مضيفا: أنا مش مانع حد يتكلم.. لكن لازم يكون فاهم مش ينكد على الناس في بيوتها لازم يعرف القضية كويس".
وتابع: أحافظ على الدولة المصرية من الإنزلاق والخراب والدمار
وقال الرئيس السيسي: بدل ما نقول إن أداء المواطن بقينا في مواجهة الدولة.. نعمل دراما.. ومش باخدكم بعيد عن الهدف بنتكلم عن الحفاظ على الدولة المصرية وعدم الانزلاق للخراب والدمار الناس تعبانة وعاوزة تغيير صحيح بس تغير إزاي اللي بنتكلم فيه بنغير أسباب التردي.
وأضاف الرئيس السيسي: أنه عندما تم العمل على تطوير المنظومة التعليمية الدكتور طارق شوقي "خد على دماغه كتير".
وقال الرئيس السيسي: الناس خرجت ليه في 2011 لأن حالة الرضا المجتمعي مش موجودة والناس مش راضية ومفيش حاجة مكفية ولا تعليم كويس.
وأكد الرئيس السيسي أن الشخص الذي يدرك الأمور يعيش في عذاب قائلا: اللى بيفهم أكتر بيتعذب اكتر.. واللى مش بيفهم مرتاح.
كما حذر الرئيس السيسي من الزيادة السكانية وتأثيرها على كافة مناحي الحياة قائلا: عاوز أدى المواطن 30 ألف جنيه في الشهر.
وأكد الرئيس السيسي، أن الدولة المصرية تبذل جهودا في مختلف المجالات، مشيرا إلى أن الدولة تعمل بكل طاقتها وقال: "والله أنا لو مش قادر.. أدي التحية وأمشي".
وقال الرئيس السيسي إنه خلال حوار مع أحد المسؤولين في بلجيكا التقيت بالناس وأول ملف كنت بتكلم عنه هو ملف حقوق الإنسان لأننا معندناش حاجة مخبينها ومن ضمن الحاجات اللى كنت بتكلم مع المسؤول قلتله ليه مسألتنيش عن الناتج المحلى بتاعك كام.. استغرب يعني وقلتله الناتج المحلي عندك كام قالي 500 مليار والسكان قال 10 ملايين نسمة.
وأضاف الرئيس: أخبرته أنا عاوز دخلي 5 تريليون دولار علشان عندي 100 مليون نسمة، وعلشان انا معنديش المبلغ ده الناس في مصر مش بتاكل كويس ومبتتعلمش كويس ومبتتعالجش كويس.. دي حقوق الإنسان اللي أنا اعرفها.
وأضاف الرئيس: "أنا عايش معاكم الحكاية وفى 2014 قولت الكلام ده.. وخلال السبع السنين زدنا 14 مليون نسمة.. جالي أرقام دخل تكفى هذا النمو ال 14 مليون.. طبعا لأ.. ده عجز من الدولة.. لأ.. قدرة الدولة مش متمشية مع قدرة نمو الدولة.. والاثنين مش زي بعض".
وأضاف الرئيس: لو عندي مصروف ألف جنيه ودخلي مش ألف جنيه يبقا فيه عجز.. أنا مش بتكلم في موازنة عجز القدرة والأداء.
كما كشف الرئيس السيسي عن الوظائف الجديدة التي تسعى الدولة إلى العمل عليها قائلا: "انا عاوز اقولكم على حاجة.. احنا بنتكلم من كام شهر علشان عايزين مستوى متقدم اوى في النظم وعلشان بس بقولكم بيتخرج من عندنا 700 ألف طالب جامعي انا كلامي كاشف ولا مألوم.
وأضاف: هقولكم حاجة قولت الكلام ده من 3 سنين من أيام الدكتور ياسر وزير الاتصالات السابق.. وبنكلمه حاليا بنبى فرصة عمل مبنية على النظم.. وبقول للمصريين المهتمين بالمواطنين ولادكم ومستقبلهم الكلام ده والله أن كل الكلام الإصرار والقتال والعمل من أجلك يا مصر قسما بالله قسما بالله.
وتابع: سوق العمل اللي بتكلم عليه.. فيه دولة في مستوي العالم عاوزه مليون وظيفة.. فيه مليون وظيفة!.. انا عندي شباب كبير.. 30 ألف دولار للدارس انا جاهز من أجل دعم هذه الوظائف.
وقال الرئيس السيسي أنه لولا فضل الله على مصر لكان هذا البلد ذهب مع الدول التي تهدمت.
وأضاف الرئيس السيسي: "بدل ما تجيب فيلم الإرهاب والكباب وتجيب المواطن بيشتكي وتخلى البلد خصم.. خلي السلبية خصم".
وقال الرئيس المواطن:" اللي مبيشتغلش هو اللي خصم.. لما حولت البلد لخصم هدوها.. ولولا فضل الله علينا وكرمه لكانت البلد دى زى باقى البلاد اللى انتوا شايفنها ما قامتش تاني ولا رجعت تاني.. خلاص اللى يروح يروح مبيرجعش.. لكن الله افاض علينا.. طيب بعد أن افاض علينا هنفضل زى ما احنا كده؟ اقابل ناس في الشارع تقولى انا زعلانة منك! اقولها ليه؟ تقولى عندي 6 عيال.. اقولها اعمل ايه بس؟ هما ساعات ميجبوش الحاجات دي في التليفزيون علشان ميزعلوش يعني.. اقولها انتي عندك 6 عيال.. انا عندي 100 مليون".
وقال الرئيس السيسي: "البلد دي بلدنا كلنا.. مش بتاعتي أنا بس.. وانا دائما أقول الأمن القومي في كل حاجة.. الرعاية الصحية أمن قومي.. التعليم أمن القومي.. والدكتور طارق شوقى وزير التعليم خد على دماغه لما مات لما جه يطور التعليم".
وأضاف الرئيس: "انتوا عاوزين تعليم ولا مش عاوزين؟ لقاءاتنا دي توعية حقيقية لواقعنا.. واحنا مش بنتكسف.. انتوا قولتوا كلام مرتب هيفهموا ناس كتير وفيه ناس كتير تانيين ممكن مش يفهموا الكلام زي معدل النمو وغيره".
كما كشف الرئيس السيسي، عن حاجة الدولة المصرية في المستشفيات لتحقيق الخدمة الصحية المطلوبة قائلا: عاوزين نضاعف المستشفيات عندنا 500 مستشفي وعاوزين ألف مستشفي طب بكام انت كده عملت المكان.. بس فين التشغيل والأطباء.. الناس تسبلنا فرصة عمل في حتة تانية .
وأضاف الرئيس السيسي: الطبيب هو أنا بديلو مرتب كويس.. هو انا مش عاوز اديلو مرتب كويس.. انا مش قادر اديلوا مرتب كويس.. المدرس الدولة انا مش قادر.. وبالتالي التعليم اللى بيخرج جامعات حاسبات وكلية هندسة حاسبات ووعاء فيه عشرات الآلاف من الطلاب.. ونقول نعمل الاختبارات الإلكترونية وبنك معلومات ونظم معلومات علشان تتطور البنية التحتية.
وقال الرئيس السيسي: هتفضل في دائرة كاملة لطيفة أن المستوى بتاعك هيفضل كده دائما في سوق العمل في مصر بس النموذج دا وعدد أقل منه احنا بنجيب الحد الأقصى بنقول.. في الموارد بتاعتنا هندفع بس هاتوا الناس للوظائف الجديدة.. انا جيبت مثال واحد لكن الكلام ده لو خرجت ألاف الطلبة من خريجي كلية الأداب جغرافيا وتاريخ سوق العمل فيه كده.. الناس عاوزه كده الناس.. عاوزه تدخل ولادها الجامعة ... وأنت كمواطن تغسل ايدك وتقوله عملتك ليسانس آداب قسم كذا.. العدد اللى بيخرج ملوش مكان.
وقال الرئيس السيسي: روحوا المرج والمطرية والخصوص.. لما بمنشى في الشوارع الاقى إيه.. هي دي بلادنا اللي في رقابنا يا كل المسؤولين والإعلام والصحة والتعليم والجامع والكنيسة؟ انزلوا شوفوا البلد عاملة إزاى".
كما كشف الرئيس السيسي عن مزاعم الدول التي تدعى عدم حصول المواطنين على حقوقهم في مصر قائلا: "الدول اللي بتقول مبتدوش حقوق للناس.. حقوق ايه؟ انا مش لاقى آكل.. مش لاقى أشتغل.. مش عارف أسكن".
وأضاف: "أقولك روحوا المرج والمطرية والخصوص.. لما بمنشي في الشوارع الاقى إيه.. هي دي بلادنا اللي في رقابتنا يا كل المسؤولين والإعلام والصحة والتعليم والجامع والكنيسة؟ انزلوا شوفوا البلد عاملة إزاى".
وتابع الرئيس:" علشان افتح شارع بشيل بالألف بيت وعمارة علشان الناس تمشى فى حتت ما مبتمشيش فيها.. انت جاى تعمل إيه؟ ايه حكايتك النهاردة؟ لا والله انا بقولكوا علشان البلد دي بلدنا".
وقال الرئيس السيسي: إحنا عاوزين معدل النمو في مصر 60 % علشان نوفر 5 تريليون دولار ناتج محلي، وعلشان نوفر الخدمات اللى بتتقدم في أوروبا والتعليم اللي في أوروبا واخلي فيه وعي وتوعية زي اللي في أوروبا.. أنا مش بقدر اعمل ده.. كنا بنتكلم في مبادرة قوائم انتظار العمليات الجراحية عن 20-30 ألفا، ودلوقتي بنتكلم عن مليون ولسه شغالين ومش هيخلصوا وهيزيدوا".
وأضاف الرئيس السيسي: "الحاجة غالية وبتغلى وعارفين ده.. إحنا مش عايشين جوه بلدنا بس.. إن حصل غلاء بيغلي علينا.. العملية مركبة.. معدل النمو الاقتصادي لا يساوي معدل النمو السكاني.. عندنا عجز متراكم على مدار 50 سنة".
وأكد الرئيس السيسي، أهمية إجراء الفحص الطبي للشاب والفتاة قبل عقد الزواج.
وحذر الرئيس السيسي من ظاهرة الزواج المبكر للفتيات والشباب، مؤكدا أن الزواج في سن صغيرة للفتيات والشباب يؤثر على تنمية الأسرة والمجتمع، مستنكرا زواج الفتيات في سن صغير قائلا:"إزاي نرمي بناتنا للزواج في سن مبكرة. عاوز نتخلص منها"
وقال الرئيس السيسي حد قال لبنته لما تيجي تتجوز انتظرى سنة أو اتنين وخدى نفسك وعيشى واتعودى على الحياة الجديدة.. مبتكلمش على تنظيم أسرة خالص.. انا قلت لبنتي كده.. قلت استنى سنتين تلاتة على الأقل".
وقال الرئيس السيسي إن المشروع القومي لتنمية الأسرة المصرية هو مشروع تنمية الدولة المصرية ومحاربة الأمية والجهل والفقر.
ووجه الرئيس السيسي التحية للقائمين علي المشروع القومي لتنمية الأسرة المصرية مطالبا الجميع بالعمل قائلا: نشتغل. نشتغل بلا نوم ولا راحة..علشان الدولة ده تنهض.
وأضاف الرئيس: يا مصريين اصحوا إذا كنتم خايفين على بلدكم انتبهوا القضية كبيرة جدا قضية بناء مواطن موجها حديثه للمواطن انت بتجرى على أنك تدخله كلية وخلاص وبتحطوا جوه المدرسة وخلاص وفاكر إنك بتجهز ابنك.
وقال الرئيس السيسي إن عدد الطلبة الذين انطبقت عليهم شروط الحصول على تدريب على نفقة الدولة بقيمة 30 ألف دولار لكل طالب: لما اعمل اختبار ل 200 أو 300 ألف هلاقى المعايير تنطبق على 50 % مش كده بتظلم شبابنا وتعليمنا لقيت 111 شابا فقط علشان تعليمي تعبان كنت مستعد لو فيه 100 ألف طالب قسما بالله قلت هدفعلهم 30 ألف دولار لكل طالب.