أكرم محمود البزاوي عن والده: "كتب أعمال كتير من الباطن ونجاحه نتيجة اجتهاده"

أشاد المخرج الشاب أكرم محمود البزاوي، بنجاح والده الفنان محمود البزاوي، بعد تقديم شخصية "زكريا"، في مسلسل " أهو ده اللي صار"، المذاع حاليًا عبر قنوات onE، مؤكدًا أن النجاح تكليل لاجتهاده، مشيرًا إلى أنه سبق وكتب أعمال من الباطن طمعًا في أن يوصله الاجتهاد لشيء في المستقبل.

ونشر "البزاوي" صورة لوالده من المسلسل عبر موقع "فيسبوك"، وكتب: "زمان كان بابا بيكتب اعمال كتير من الباطن و كان بيبقى موافق ان اسمه ماينزلش و كنت انا ببقى زعلان و امشي اقول لكل الناس ان ابويا اللي كاتب الفيلم او المسلسل ده و يقولولي انت اهبل هو فين اسمه .. و كنت اقوله طب ما انت كده عمرك ما هاتنجح ماحدش يعرف ان انت اللي بتعمل ده ؟ و كان هو يقولي مش مهم بس اكيد الاجتهاد ده هايوصلني لحاجه .. وكانت حتى عدد أعماله في التمثيل مش كتير .. و بعد فتره يعمل دور الريس صديق و يضرب و انا قبلها قولتله مساحة الدور دي هاتوديك في داهيه و انا طلعت حمار كالعاده الحمدلله .. و طبعا المفاجأة الكبرى في رمضان قبل اللي فات و اللي فات صلاح الطوخي .. و بعدها دوره في سابع جار مجدي الصافوري النصاب الحبوب .. و حاليا بقى دور زكريا اللي انا حبيته اكتر من ابويا شخصيا و حبيت نظرات خوفه على بنته و هدوئه حتى و هو منفعل .. مبروك يا بابا لأنك مجتهد".