نجوم الفن يردون الاعتبار لمحمود البزاوي بعد تجاهله على أفيش «كازبلانكا»

نجله أكرم بدأ حملة الهجوم على السوشيال ميديا.. والمخرج مدافعا: "أبوك أهم من الفيلم كله"
عدد كبير من الفنانين تفاعلوا مع الهجوم الذي شنه "أكرم" نجل الفنان محمود البزاوى، عبر حسابه بموقع فيس بوك، ضد صناع فيلم "كازبلانكا"، بعد تجاهلهم والده في البوستر المبدئي للفيلم، الذي تم الإعلان عنه أمس، وتصدره بطل الفيلم أمير كراره بالإضافة إلى غادة عادل، وإياد نصار، وعمرو عبد الجليل، وأحمد داش، وخالد أرغنش.
مخرج الفيلم بيتر ميمي، على ما كتبه نجل البزاوي قائلا: "يا أكرم عيب الكلام ده. أبوك أهم من بوستر، وأهم من الفيلم كله علشان تقول كلام زى ده تصغره. مش بوستر مبدئى يخليك تحس بكده، ده محمود البزاوى صلاح بيه الطوخى. البوسترات بتختفى بعد شهور وبيفضل الفيلم".
على الفور تفاعل أكرم محمود البزاوي، مع تعليق بيتر ميمي، ورد عليه قائلا: " أنا مش قصدي أصغر ولا أكبر. المشكلة زي بالضبط اللي بيجيبوا ابويا في برنامج مثلا ويقولوا في البدايه مساء الخير استاذ محمد البزاوي، طالما عايز محمد جبت محمود ليه".
الفنان صلاح عبد الله تدخل في تعليق قائلا: "تعرف ياواد يا أكرم أنا بحب حبك لأبوك قوي قوي ومعجب بيه لأقصى درجة وبدعيلك وبدعيله، وأبوك استحمل كتير، وربنا كبير، والحمد لله في الفترة الأخيرة كل الناس بتشاور بكل التقدير والاحترام والإجلال لمحمود البزاوي، واللي جاي أحلى وأعظم بإذن الله بغض النظر عن الأفيش".
كما علق الفنان صبري فواز: "يا أكرم أبوك فنان كبير، حقك تفرح وتفخر بيه، واحنا زملاؤه بنفخر بيه وبشغله"، الفنان أحمد السعدني قال أيضا :"مش بالأفيشات يا ابني، أبوك ممثل وأب وإنسان عظيم".
الفنانة مي كساب كتبت كلام قريب مما كتبه بيتر ميمي، فأكدت: "الأفيش بيترمي في الآخر، الفيلم هو اللي بيفضل".
أما الفنانة إيمان العاصي فكتبت لأكرم البزاوي: "بحب أبوك أوي وش خير عليا وعلي ناس كتير".
البزاوي الصغير كان قد كتب على حسابه بموقع "فيسبوك": " مبدأيا أبويا ماعندوش أي فكره عن البوست ده. أنا أبويا طيب ويمكن طيبته دي هي اللي كانت سبب في تأخير نجاحه وأنه كتب من الباطن كتير مثلا زي ما قولت قبل كده وكان دايما بيعمل حاجات وتنجح، ومكانش حد بيعرف إن ليه دور في نجاح العمل بس اللي كان بيصبره أن ربنا هيعوض".
وتابع قائلا:" وبعد ما قدر يوصل بدراعه للي هو فيه لسه في ناس مش مقتنعه بيه، بس ده حقهم لأن مفيش حد عليه اجماع، بس طالما مش مقتنع بحد يبقى ماتحرجوش، وابعد عنه أحسن لأنه في نظرك مش الشخص اللي يفيد".
وأضاف أكرم البزاوي: "في رأيي الشخصي ناس كتير بتعرف تتصور بس مش الكل بيعرف يمثل، وآسف لو كنت منحاز اوي في كلامي لابويا بس زي ما قولت ده أبويا اللي نجاحه بيسعدني أكتر ما بيسعدني نجاحي".
وختم كلامه قائلا: "ملحوظة.. أبويا قالي انه عامل دور مهم في الفيلم ده، ويمكن بيكدب عليا وطالع كومبارس، ساعتها هاتأسف على البوست".