علق المخرج بيتر ميمي علي منشور أكرم محمود البزاوي، والذي أثار به الجدل علي مواقع التواصل الاجتماعي بسبب البوستر الدعائي لفيلم "كازابلانكا"، والذي تعجب فيه من عدم وضع والده في الأفيش، رغم أنه يقدم دور مهم في العمل حسبما قال . ورد علي منشوره قال بيتر : " يا أكرم عيب الكلام ده ، أبوك أهم من بوستر و أهم من الفيلم كله علشان تقول كلام زى ده تصغره ، مش بوستر مبدئى يخليك تحس بكده ، ده محمود البزاوى صلاح بيه الطوخى و البوسترات بتختفى بعد شهور و بيفضل الفيلم " . الأمر الذي جعل أكرم يرد علي قائلا : " حبيبي يا أستاذ بيتر أنا مش قصدي أصغر ولا أكبر و يمكن أنا مع اللي بحبهم مش بس أبويا كده .. أنا مشكلتي مش مع البوستر والله خالص.. أنا بالضبط زي اللي بيجيبوا أبويا في برنامج مثلا و يقولوا في البداية مساء الخير أستاذ محمد البزاوي .. طالما عايز محمد جبت محمود ليه " . يذكر أن أكرم محمود البزاوي أثار الجدل علي مواقع التواصل الاجتماعي، بعد تعليقه علي البوستر الدعائي لفيلم "كازابلانكا" بطولة النجم أمير كرارة. وذلك بعدما نشر المخرج بيتر ميمي البوستر الدعائي عبر صفحته علي موقع التواصل الاجتماعي "انستجرام "، ولم يكن بها صورة محمود البزاوي. وعلق أكرم علي البوستر قائلا: " مبدأيا أبويا ماعندوش اي فكره عن البوست ده" . وتابع " أنا أبويا طيب و يمكن طيبته دي هي اللي كانت سبب في تأخير نجاحه و أنه كتب من الباطن كتير مثلا زي ما قولت قبل كده و كان دايما بيعمل حاجات و تنجح و مفيش حد يعرف أنه لي دور في نجاح العمل ده بس اللي كان بيصبره أن ربنا هيعوض .. و بعد ما قدر يوصل بدراعه للي هو فيه لسه في ناس مش مقتنعه بي .. بس ده حقهم لأن مفيش حد عليه اجماع بس طالما مش مقتنع بحد يبقى ماتحرجوش و أبعد عنه احسن لأنه في نظرك مش الشخص اللي يفيد .. في رأي الشخصي ناس كتير بتعرف تتصور بس مش الكل بيعرف يمثل .. و اسف لو كنت منحاز اوي في كلامي لابويا بس زي ما قولت ده أبويا اللي نجاحه بيسعدني أكتر ما بيسعدني نجاحي". وتابع : " ملحوظة : أبويا قالي انه عامل دور مهم في الفيلم ده .. و يمكن بيكدب عليا و طالع كومبارس .. ساعتها هاتأسف على البوست " . فيلم "كازابلانكا" بطولة أميرة كرارة وغادة عادل وإياد نصار وعمرو عبد الجليل ولبلبة ومحمود البزاوي وأحمد داش والتركي هاليت أرجنش، ومن تأليف هشام هلال، وإخراج بيتر ميمي، وإنتاج وليد منصور، ومنتج فني فتحي إسماعيل وعادل سالم، ومدير تصوير حسين عسر، ومخرج منفذ خيري سالم، ومكساج طارق علوش، وتصميم ملابس مي جلال، وموسيقي تصويرية أمين بوحافة، ومونتاج أحمد حمدي، ومهندس صوت محمد الدالي، وإشراف فني وديكور أحمد فايز.