أكرم محمود البزاوي: "والدي اتظلم ومكانته عظيمة"

انتقد المخرج الشاب أكرم محمود البزاوي، عبر حسابه الخاص بموقع التواصل الاجتماعي "فيس بوك" عدم تقدير البعض لموهبة والده الفنان محمود البزاوي، مؤكدا أن والده تعرض لظلم كبير ولم يحصل علي المكانة التي يستحقها حتى الآن ليس فقط لأنه والده لكن لجمعه بين التأليف والتمثيل في عدد كبير من الأعمال الفنية المهمة.
وكتب أكرم: "معلش يا جماعة بس أنا حابب أتكلم في حكاية الاحترام والتقدير لأي فنان أو كاتب وبصراحة أنا هتكلم عن أبويا اللي بيجمع ما بين الاتنين.. أنا شايف إنه اتظلم وإن مكانته كبيرة وعظيمة وده مش عشان أبويا ده عشان هو كده فعلا وشغله بيقول كدة يعني لما تروح للكتابة تقول في المسلسلات التليفزيونية "الشارع الجديد، الريان، الأدهم، ومكان في القصر" في البرامج حسين في الأستوديو ، حكايات السعدني وتاكسي في الأفلام كلاشينكوف ومسلسلات الإذاعة عيد في ريال مدريد، قلقسه في وكالة ناسا، برازيل يا هوا، مصباح علاء الدين و حب من طرف تالت وفي حاجات تانية كتير بس للأسف ماتحسبتش عشان اتنسبت لناس تانية.. أما في التمثيل حدث ولا حرج طه قناوي، العربي سيطرة ، الريس صديق، البرنس، صلاح الطوخي، أبو نورا، شيكو مدريد وكتير وكتير .. ف الآخر أحب أشكر جدا كل اللي مش بيقدر".