أزمة علي فراش الزوجية

مساء الخير استاذة نيفين كل عام وحضرتك بخير
انا متزوج من شهر ونص وعندي مشكلة في علاقتي الخاصة بزوجتي وهي ان بعض سلوكياتها مش هية اللي بتبسطني وف نفس الوقت اختيارها للبسها برضه مش بيعجبني وردود افعالها مش هية اللي انا منتظرها وغيره كتير من التفاصيل .. الصراحة انا اتكسفت اني اقول لها علي التفاصيل دي علشان ما اعملش تشويه لعلاقتنا او تأثر بالسلب علي معاملتنا مع بعض حتي في الحياة العادية وبرضه دة حل مش مرضي بالنسبالي لاني انا المضرور وحاسس اني لواحدي بستقبل سلبيات العلاقة دي .. وعشان كدة انا باعت المشكلة انا مش عارف اتصرف ازاي وهل لو سبت الموضوع لتقديرها هل ممكن تاخد بالها ولا مفيش فايدة ؟ محتار وزهقت من كتر ما باجي علي نفسي والمفروض ان العلاقة الخاصة بين الزوجين دي من الحاجات اللي بتساعد في نظري علي تخطي بعض المشكلات لانها بتعمل نوع من الود بين الزوجين فلو دي باظت يبقي فاضل ايه عشان يخفف من مشكلات الحياة او المشكلات الزوجية ؟ فهل ممكن سيادتك يا استاذة تفيديني برأيك ممكن يحل مشكلتي من غير ما اجرح زوجتي خصوصا اننا متجوزين عن قصة حب طوييييلة ؟؟ وشاكر افضالك وتحياتي
م . مسلمي
فضفضة
محررة الصفحة نيفين حجازي
استاذي الفاضل وصديق باب فضفضة الكريم .. العلاقة الزوجية كما تفضلت وذكرت يعتبرها البعض المذيب للمشكلات والحالة التي تساهم في ازالة معرقلات الحياة الزوجية .. فإن اخذت هذه العلاقة الشكل غير المرغوب فيه ربما تسقط العلاقة بأكملها لأنها فقدت محفز الصبر علي صعوبات الحياة او المشكلات الزوجية .. لذلك الصراحة تصبح انسب الحلول لكشف ما يفقدك المتعة او استكمال علاقتك بسلام امام شريكة حياتك .. هذا لا يعني ابدا انك ستجرح زوجتك او تسيء لها .. فاختيار وسائل التعبير البسيطة والخفيفة تكون بديلا للنصح بشكل حاد او به لكنة لوم .. فيمكنك مثلا ان تذهب معها للتسوق اثناء شرائها ملابس غرفة النوم والبيت ..وتشارك في اختيار ما سترتديه لك .. وفيما يخص ردود افعالها التي تصيبك بالانزعاج يمكنك ان تفتح معها حوار لطيف بابتسامة حقيقية كما لو انك تعيد معها ذكريات ليلة مضت .. اقصد ان تكون حجة لفتح الموضوع .. واذكر لها كم هي كانت جميلة ورقيقة وانك تحب معاشرتها .. وفي وسط الحديث ستذكر ما ما تفضله لكن بشرط ان تعرض ما تفضله دون ان يكون الكلام موجه لها .. بمعني انك ستتكلم في هذهالنقطة في العموم .. بهذه الطريقة سيعمل عقلها علي تدعيم فكرة إرضاءك دون ما يحدث خلاف او جرح مشاعر .
[email protected]