التانية حليت في عيني

مساء الخير أستاذة نيفين يارب تكوني في احسن صحة ,
عندي مشكلة كبيرة ومحتاج فيها حل أرجوكي , انا كنت خاطب بنت من حوالي 6 شهور ومش عارف ليه ابتديت أحس ناحيتها بفتور كبير وأتأكدت إنها صعب تكون شريكة حياتي وفي الوقت دة نفسه قابلت صدفة بنت تانية أعجبت بيها قوي وبالعكس حسيت كمان إنها هية دي اللي تلائمني , مشكلتي دلوقتي إني جاريت البنت التانية وأنا لسة ما فسختش خطوبتي مع الأولى ومش عارف أواجهها إزاي وقلقان من رد فعل أهلي برضه علشان همة معجبين بيها جدا , وبالنسبة لي من جوايا مقرر فسخ الخطبة دي بس مش محدد إمتى .. هل ممكن تشوري علية بحل ؟ والإخوة أصدقاء فضفضة ياريت برضه يشاركونا لأن موقفي محرج جدا .
محمد بهي

فضفضة
محررة الصفحة .. نيفين حجازي
من المفترض أن تنهي علاقتك بالأولى مبكرا قبل أن يصل الأمر إلى درجة يزيد فيها صعوبة التراجع ويزيد الحرج .. الصراحة مطلوبة في مثل هذه المواقف ولا داع للمماطلة أبدا فما ذنب خطيبتك في تقلباتك !! .. وبالنسبة للأهل ستتخذ نفس الموقف لأنك في كل الأحوال ستقف هذا الموقف والتأخير سيزيد من صعوبة المواجهة وليس العكس .. أسرع في إخبار خطيبتك برغبتك وبصراحة وبرفق فهي لا ذنب لها وأخبر أسرتك فورا وتناقش معهم بحكمة ومنطق .
[email protected]