نفسي فيها !

لية زميلة في الجامعة جميلة لدرجة ملفتة للجميع حتى البنات بيبصوا عليها وانا معجب بيها وجاهز من دلوقتي للجواز انا في آخر سنة في الجامعة وهية في سنة تانية ، لكن لما فكرت بيني وبين نفسي بجدية خفت يكون إعجابي بيها لانها جميلة بس وده مش كفاية في جواز ، ومش عارف أعمل ايه هل لما اخلص اطلب أيدها من والدها وبعدين اكتشف طباعها في فترة الخطوبة ولا اكلم البنت نفسها من دلوقتي ولما يبقى فيه كلام بينا هفهم طباعها واهو ابقى ما دخلتش بيتها على الفاضي لو اكتشفت أنها مش مناسبة لية ؟؟
احمد عبد الغفور
فضفضة
محررة الصفحة .. نيفين حجازي
يا احمد .. قول لي الله يخليك .. هوة دخول البيوت من أبوابها ماله ؟ ماهو جميل وبرضه هتوصل لنفس النتيجة اللي هية هتعرف طباع البنت بس بالأصول الله يخليك .
[email protected]