الكلام في المواضيع دي عيب

مساء الخير .. الكل عارف ان معظم المشاكل الزوجية تبدأ من غرفة النوم بسبب جهل الزوجة بالحد الأدنى عن الثقافة الجنسية أو العكس .. او ان الاتنين فاشلين في الوصول لإسعاد الآخر , دة غير ان ثقافة الشعوب العربية عموما بتحتم عليهم انه من العيب انهم يتكلموا في مواضيع زي دي اكنهم أغراب أو أكن الموضوع من الأول عيب كبير أو محرج ودة الجهل بعينه , عشان الأسباب دي وأكتر منها بكتير الزيجات كتير منها بيفشل او بيتعثر او تفضل الزيجة طول عمرها ناقصها كتير قوي .. انا انهاردة باعت الموضوع دة علشان خطر في بالي حاجة صحيح انها حرام ولا تليق بالعادات الشرقية لكني فكرت فيها من خوفي ان زواجي يبوظ خصوصا اني مقبل على الزواج بعد شهور قليلة جدا , والفكرة او الخاطر اللي جالي هوة ليه ما ينفعش ان كل حد مقبل على الزواج يجرب التاني علشان يتأكد من إمكانياته وطريقته هل هي هتسعده ولا لأ ! عارف اني هتهاجم او اتشتم وعارف برضه ان انا نفسي صعب اعرض على خطيبتي كدة لان وبكل بساطة ممكن الجوازة تبوظ لأي ظرف ومش بسبب الموضوع دة .. لكن حقيقي من خلال الكلام مع معظم المتزوجين اصدقائي لقيت عندهم نفس المشكلة وهي الفشل في التواصل اثناء العلاقة الخاصة ودة مسبب لهم كتير من المتاعب .. طيب هل عند حد من قراء فضفضة بديل عن اننا ندخل في تجربة تغضب ربنا وفي نفس الوقت نتأكد منها من مستوى شريك الحياة ؟؟ .. انا آسف طبعا للجميع اني بفكر بشكل متحرر شوية لكني برضه ملتزم بالآداب العامة والحرام والحلال لكن د ما منعنيش من التفكير ولو بشكل خرافي .. شكرا للجميع وآسف على الإطالة وأرجو من اصدقائنا في فضفضة يدوني مقترحات لاني متأكد ان دي مش مشكلتي لواحدي .. شكرا جزيلا .. عصام الحديدي
فضفضة
محررة الصفحة .. نيفين حجازي
استاذ عصام , لم يخلق الله ما يضر بالبشرية , بالنسبة للرد على وجهة نظرك تحديدا .. أود أن أقول لك أن الله غير مسؤول عن رضاء الإنسان بجهله فهو حلل الزواج وحلل كل ما يحدث بين الزوجين ما عدا ما حرمه , إذن أنت المقصر في تثقيف نفسك بالشكل الصحيح .. لم يحرمك الله من الحديث مع زوجتك في كل أموركما المزعجة .. العادات المكتسبة والموروثة هي المتهمة في هذا فهي صاحبة مقولة ( الكلام في المواضيع دي عيب ) .. وانت وغيرك سرتم على نهج مجموعة من العادات والتقاليد التي حرمتك والآخرين من حلال الله إذن من المسؤول هنا .. وكيف يخطر ببالك البديل الحرام وعقلك مازال داخل رأسك والذي انعم الله عليك به لتتدبر ليس لتبرر الخطأ كمثال أو تسئ لنفسك والآخرين , تخلص من الموروثات المزعجة وعش حياتك طبيعي بعد زواجك وتعلم كيف تدير الحوار مع زوجتك كي تنعموا في سعادة أبدية دون التطرق لما يغضب الله عز وجل .. هذا رأيي ولعلي لم أخطئ فيه .
[email protected]