يارا السكري تكشف حقيقة ارتباطها ب أحمد العوضي | فيديو

ردت النجمة الشابة يارا السكري على أخبار ارتباطها بالفنان أحمد العوضي بعد تعاونهما العام الماضي في مسلسل "فهد البطل"، واستمرار التعاون هذا العام في "علي كلاي"، كاشفةً عن تفاصيل شخصيتها في المسلسل الأخير.
وقالت يارا السكري في تصريحات على هامش تواجدها بحفل منصة «شاهد»: "ده شرف كبير ليا طبعا .. انا وأحمد العوضي زملا وبحبو جدا وبعزو جدا وهو غالي عليا جدا.. وهو اكتر انسان ساندني وساعدني وانا ممتنالو قوي".
وعن شائعات ارتباطها أوضحت يارا السكري بأسلوب ساخر: "الإشاعات ورانا دايماً، ومش بتزعجني، معنديش مشكلة فيها، بقول إنها مش حقيقية بس الناس مش عايزة تسمع، فخلاص معنديش مانع، الإشاعات ورانا رمضان ده والجاي، والعوضي له جمهوره".
وأضافت يارا السكري: "أحمد العوضي يحظى بجماهيرية كبيرة، قائلةً: "العوضي ليه جمهور كبير بيحبه، وشوفت ده بعيني، وكان أول عمل أمثّل فيه في مسلسل معاه واتشافت".
وأوضحت يارا السكري: "أوعدكم إن مسلسل علي كلاي هيكون حاجة مختلفة وفي ليفل تاني، أنا قلقانة شوية بس إن شاء الله العمل هيكسّر الدنيا".
View this post on Instagram
A post shared by ArabWood (@arabwoodtv)
ويشارك أحمد العوضي في بطولة مسلسل "علي كلاي" عدد من نجوم الفن، بينهم: درة، يارا السكري، عصام السقا، رحمة محسن، سارة بركه، محمود البزاوي، طارق الدسوقي، انتصار، محمد ثروت، أحمد عبد الله محمود، ميدو ماهر، ضياء عبد الخالق، ريم سامي، عمر رزيق، الشحات مبروك، وهو من تأليف محمود حمدان وإخراج محمد عبد السلام.