هاني عادي يوجه رسالة لطليقته في عيد الأم

بمناسبة عيد الأم وجه الفنان هانى عادل،رسالتين بمناسبة الاحتفال بعيد الأم إحداهما لوالدتها والأخرى لزوجته السابقة.

وكتب عبر صفحته بموقع التواصل الاجتماعي "فيس بوك": "امي: وحشتيني اوي بس انا متأكد انك في مكان احسن أكيد كان نفسي تكوني موجودة وأشوف فرحتك في كل حاجة صح بعملها او نصيحتك ليا في اي حاجة عملتها غلط بس طول الوقت فاكرك ومش ببطل ادعيلك كل ما اصلي وبتمني تكوني راضية عني واعرفي اني لما بغلط ان لِسَّه عندي ضمير اقوّم بيه نفسي ومتشكر على تربيتك ليا وتعبك معايا.. بحبك وربنا يجمعني بيكي علي خير".

وأضاف "ام أولادي: زوجتي السابقة والصديقه الغالية حاليا أنا فخور بأنك ام أولادي ومتشكر على تحملك لكل ظروفهم وظروف الحياة الصعبة لوحدك وتحملك ظروفي انا شخصيا وعدم تواجدي بشكل دائم لاني عايش في بلد تانية الا ان ده عمره ما منعك انك تربي اولادنا علي حب واحترام الناس والطبيعة والفن والقراءة.. فضلك عليهم كبير وانا متأكد انهم عارفين ده وفضلك عليا في الوقت اللي قضيناه مع بعض عمري ما هنساه.. متشكر".