"القرموطي" يعترض على بيع "أون تي في".. ويوجه رسالة ل"ساويرس"

علق الإعلامي جابر القرموطي، على شراء رجل الأعمال أحمد أبو هشيمة، لقناة أون تي في، قائلا: "انا معنديش مشكلة ومبروك للبائع والمشتري ولكن انا عندي اعتراض بسيط".
وأضاف "القرموطي"، خلال تقديمه برنامج "مانشيت"، المذاع على فضائية "اون تي في لايف"، الأحد: "لازم نخلي بالنا انه فيه ناس عايشة في القناة ومفروض يكون ليهم نظرة"، متابعا: "احنا في جنة اون تي في مش في جنة ساويرس علشان نطرد من جنة ابوهشيمة لما يشتريها زي ما بتقول جريدة التحرير لو صح كلامها اني من أول الناس المطرودين ومعايا ليليان داوود وخالد تليمة ومفيش كلام صحيح حتى الآن"، مؤكدًا: "ساويرس عمره ما تدخل في شغلي وعمره ما قالي امشي او اقعد.. وانا مش عارف نجيب ساويرس باعها ليه بس انا عاتب عليه انه باعها وانا بعتب عليه لانه الاخ الاكبر ليا".
وتابع: "انا فيه ناس اول ما سمعت اني ممكن امشي من اون تي في كلموني على طول علشان اروح قناتهم وهي شبكة متصلة وفيه ناس شايفين اني بقدم شغل كويس وفيه ناس شايفة اني مش بفهم".