«موسي»: «70% من اللي موجودين بالبرلمان أصدقاء وهانعرف منهم الأسرار»

انتقد الإعلامي أحمد موسي، دعوات بعض نواب البرلمان لإسقاط قانون التظاهر، مضيفًا: «أحد النواب طلب تعديل القانون، ولم يقرا القانون ويطالب بتعديله، ومش شايف إن القانون عنوانه تنظيم الاجتماعات العامة والمواكب والتظاهرات السلمية».
ووجه «موسي»، كلمة لاذعة للنواب، خلال برنامج «على مسؤوليتى» عبر فضائية «صدى البلد»، اليوم الأربعاء: «محتاجين نواب تقرا القوانين، أنا بحذر النواب أوعوا تفتكروا أنكم بقيتوا سيد الشعب وتعملوا حاجه الشعب مش عايزها، أوعوا تكونوا داخلين عشان تشتغلوا تبع فصيل معين هتخسروا كتير وهتخسروا الشعب»، مطالبًا النواب بأخذ رأى الدائرة قبل التحدث عن أى موضوع.
وتابع: «لا أسرار فى البرلمان، وعندنا أصدقاء فى البرلمان يصل نسبتهم ل 70 %، وأى حاجه تتعمل هنعرفها».