ابنة سامى العدل بعد عزائه: الناس كانت جاية تتصور كأنهم فى نادى

انتقدت رشا، ابنة الفنان سامى العدل، الأفعال الغريبة التى نتجت من بعض الأشخاص الذين حضروا لتقديم واجب العزاء فى والدها، أمس الأحد بمسجد آل رشدان، ومن بينها أنهم انشغلوا فى الظهور أمام الكاميرات للتصوير، والبعض كان يضحك ولم يحترم طبيعة الموقف الحزين.

وكتبت رشا"، عبر حسابها الخاص بموقع التواصل الاجتماعى "فيسبوك": "سبحان الله ... من ساعات كنت واقفة أخد عزاء والدى رحمه الله بعد ما روحت افتكرت بوست تم تداوله على الفيسبوك كتير عن الأفراح و ليه نعمل فرح علشان الناس تيجى تتريق على العروسة و العريس و بعضهم و ينتقضوا الكل و كمان ياكلوا و ينتفوا فى ريش الكل ... بس ماكنتش اتخيل ان الموت كمان فيه كدة".

وأضافت: "بعيداً عن الناس المحترمة اللى أنا عارفاهم كويس اوى و عارفة حبهم لبابا و صدقهم شوفت العجب شوفت ناس هارية نفسها عياط من اول ما دخلت لحد ما مشيت من غير دمعة واحدة بتنزل من عيونهم !!!شوفت ناس قاعدة بتضحك و عادى يعنى و اول ما ناس تدخل عليهم يعملوا نفسهم بيعيطوا و شوفت همزات و لمزات و ضحك و حوارات جانبية و تريقة و رفع حواجب و حاجات عجيبة و الأعجب الناس اللى جاية علشان تتصور و بس !!! محسسنى انهم فى النادى !".

وختمت حديثها قالئة: "هى الناس خلاص مابقاش عندهم دم !؟؟؟ حسبى الله و نعم الوكيل فوضت أمرى ليك يا رب".