بالفيديو.. ملوك "الإفيهات" وأشهر التعليقات

لكل معلق رياضي "إفيه" نذكرة علي مر العصور ويبقي عالقًا في الأذهان ليقلده جيل بعد جيل، ويستعرض "الفجر الرياضى" الأشهر والأبرز كالتالي :
ميمي الشربيني
هو ملك الإفيهات الحقيقي في تاريخ الكرة المصرية وكان يعلق على مباراة للأهلى وقال :" ماشي بيها مجدي عبدالغني 26 سنه ليسانس آداب وعازب"
أشهر ما قاله
حط يا طارق
- آخر عنقود الموهوبين
اكسترا مهارات.. اكسترا حواس
- من مواليد منطقة الجزاء اللي اخرج الكورة من مستودع مهاراته لينافس مصممي الأزياء في اناقة موهبته
- التاريخ ياحازم يرفع يده للموهبين وينسى فيما ذلك الصغار أنصاف اللاعبين
أحمد شوبير
الإعلامى الكبير حفر باسمه بأحرف من نور بين المعلقين بما لديه من كاريزما
أشهر ما قاله
- الله يا حازم .. يا سلام يا حسام.. في بطولة أمم 1998
- مصر هي امي نيلها هو دمي شمسها في سماري شكلها في ملامحي حتي لوني قمحي لون خيرك يا مصر.. فرحًا بفوز مصر بأمم 98
- بيمينه مفيش مانع بشماله مفيش مانع
أشهر ما قاله
عصام الشوالى
يرتبط المعلق التونسى بعلاقة حب مع جماهير الكرة المصرية من خلال تعليقاته المميزة على مباريات الكرة سواء المحلية أو العالمية.

أشهر ما قاله
- يا تريكة يا ميسى
- مش ممكن.. مش ممكن.. مش ممكن.. مش ممكن.. مش ممكن
- خلينا نحكى.. خلينا نعبر.. خلينا نريح ونرتاح
- ريحلك علي الأريكة واستمع لأبوتريكة
- الأوتوجراف عادي اعتيادي للاعب استثنائى
- فى نهائى كأس العالم وتلعب الكرة هكذا ومع من جان لويجي بوفون كم أنت كبير يا ابن الصحراء يقصد هدف زين الدين زيدان
محمود بكر
"ونزلت عدالة السماء علي ستاد باليرمو" جملة شهيرة خالدة قالها محمود بكر عقب حصول منتخب مصر على ضربة جزاء وتسجيل هدف التعادل أمام هولندا فى مباراة كأس العالم 1990، كانت شهادة ميلاد حقيقية وبوابة الشهرة الفعلية للاعب الأوليمبى السكندرى فى جيله الذهبى والضابط السابق بالقوات المسلحة محمود بكر.

أشهر ما قاله
- واحد يقولى.. أقوله.. الجملة الأشهر والأكثر تكراراً من المعلق الكبير رغم أنه لا أحد يقول له شيئًا
- صاحب نظرية السيجارة وكوباية الشاى فى البلكونة
- وحامل الرايه اسمه "حشيش" يوووه انت فين ياراجل السوق محتاجك
- عذرا للتأخر فى نقل المباراة بسبب فاصل الإعلانات.. فالإعلانات هى من تدفع رواتبنا"،
- حدوتة محطة رمسيس وتأخر القطار، والشيشة فى مقاهى الإسكندرية
- مينفعش كده يا محافظ الإسكندرية
- هاهاها بعد إحراز الأهداف
على زايور
على زايور كان دائمًا يقول ونازل الأهلى بلباسه التقليدي وكانت له واقعة طريفة أثناء تعليقه على إحدى المباريات لم ينسها الجمهور، حيث حكى زيوار قائلا: "مرة واحد كان بيعلق على ماتش نسائى قال الفاول ده بقى هتلعبه سارة وسارة بالمناسبة شايلة مادتين فى ثانوية عامة إن شاء الله ربنا ينجحه.
أشهر ما قاله
- إيه الطعامة دى
– أنا مش متكيف من الماتش ده
– إحنا بقى بتوع اللغات
– إيه الحلاوة دى
– ياولد يا ولد يا ولد
- كنت حاسس أن مجدي عبدالغني قلب الماتش فيلم كوميدي .. و الله الماتش مكانش جامد .. بس أنا ضعت من مجدي عبدالغني و تعليقه اللي تحس أنه بيتكلم من ع القهوة اللي قدام التليفزيون من ناحية رمسيس هيلتون .. مش ممكن يكون قاعد في ستوديو و كده يعني ..!
- هقولكم موقفين فاكرهم من الماتش ده .. "و ادي كافو بيعدي بواحدة حلوة .. واحدة من بتوع احمد عبدالباقي " .... يعني كافو بتاع البرازييييل بيقلد أحمد عبدالباقي!
- ايوة ضربة جزاء مصر في كأس العالم 90 .. عارفين مين اللي جابها جون؟ .. هااااه؟ .. مييييين؟ .. أنا! .."
عبد السلام الحمامصى
اشتهر بتعليقاته الساخرة خلال المباريات وأشهرها فى لقاء لإنبى وتليفونات بنى سويف عندما قال "شوطة حلووووووووووووة بس وحشة
أشهر ما قاله
- واحدة عرضية بالطول
- أي فريق لازم يتمز بأربعة f
- واحد يقولي يعني ايه ساموراي يا كابتن حمامصي اقوله يعني مقاتل باللغة الصينية
مدحت شلبى
خطف الأضواء بقوة بخفة دمه المعهودة وخطفت إفيهاته قلوب الجماهير رغم عدم رضا البعض عنها
أشهر ما قاله
- بيبو وبشير.. بيبو والجول
- الله عليك يا حبيب والديك.. يا مجرم
- ملكيش حق يا عارضة
- الجهاز الفنى لمنتخبنا الوطنى بيثبت يوم بعد يوم إن مفيش أحلى من السمنة البلدى
- ا دبيح يا دبوح يا دباح بعد هدف شهاب في الاتحاد الليبي
محمد لطيف
له واقعة طريقة فى فى مباراة للمقاولون العرب في بطولة أفريقيا عندما قال "جول جول جول جوووووووووووووووووول" ثم التفت لمن بجواره وسأله "هو مين جاب الجول"

أشهر ما قاله
- الكورة إجوان
- الجايات أكتر من الرايحات
الجون بييجي في ثانية