أكدت الفنانة رجاء الجداوى، أن والداتها كانت ترغب فى تزويجها ومشاهدتها عروسة بأقصى سرعة، نظرا لمرضها الشديد. وأضافت خلال لقائها فى برنامج "معكم" مع الإعلامية منى الشاذلى على قناة cbc قائلة: "أمى كنت أقولها صباح الخير، كانت تقولى مش هتجوزى، أرجع من الشغل أقولها مساء الخير يا أمى، تقولى محدش قالك ياختى عايز أتجوزك، الناس فى البلد كلت وشى، وفى يوم تانى أقولها رايحة فرح يا ماما، تقولى أشمعنى إنتى ياختى، ولما قولت لها صاحبتى إطلقت، قالت لى أهى اسمها معاها ورقة". وتابعت قائلة: "ربنا كرمنى بكابتن حسن مختار زوجى هو لاعب كرة قدم فى الاسماعيلى، وكان أسرع جواز فى التاريخ وخصوصا إن الجواز تم فى ستة أيام فقط". وأشارت قائلة: "كنت معترضة على شغل زوجى قبل الزواج بسبب ضعف راتبه، كان بياخد 55 جنيه، وكل تدريب 50 قرش، ولما بيصد كرة بيزيد، وقولت له هفضل طول عمرى أقول يارب يصد كورة عشان تذيد، لكن والدتى كانت متحمسة لزواجنا جدا وخصوصا لأنها بتحب الكرة جدا، وهى كانت من الإسماعيلية وهو إسماعيلى كمان".