أسامة كمال: المسلم أو المسيحي الحق هو الشخص الصالح في أفعاله وأقواله

قال الإعلامى أسامة كمال: "من أقوال قاسم أمين المأثورة إن الوطنية الصحيحة لا تتكلم كثيرا ولا تعلن عن نفسها.. يعني اللي ماشيين يطنططوا بكلمة الوطنية ليل ونهار مابتنطبقش عليه المقولة دي.. وفي اعتقادي المسلم الحقيقي مش محتاج يرفع شعار عن اسلامه ولا المسيحي عن مسيحييته لأن معتقداتك وايمانك راسخين جوة قلبك بتعامل بيهم الناس وقبلهم بتعامل بيهم ربنا، نظرًا لان المسلم الحق أو المسيحي الحق.. يعني الشخص الصالح في أفعاله وأقواله بلا تكبر ولا تجبر هو النموذج للوطنية وهو النموذج للتدين وهو النموذج للانسانية.. راجع نفسك بقى وقول لي.. انت وطني ولا مش فارقة.. متدين ولا منظر.. انسان وللا حاجة تانية؟".
وتسائل كمال خلال برنامجه "القاهرة 360" المذاع عبر شاشة "القاهرة والناس":"يعنى ايه وطني؟ والتاني مين هو الوطني؟ أسئلة لو حاولنا نفسرها بمفهومنا النهاردة عدد الوطنيين هيتراجع جدا ويبقوا الوطنيين يتعدوا على صوابع الإيد الواحدة.. هل الوطني اللي بيخاف على وطنه من الأعداء؟ طب واللي بيخاف على وطنه من غير ما يعمل حاجة يققى برضه وطني؟ حتى بالمقارنة باللي بيعمل حاجة عشان خايف على وطنه"؟