رانيا فريد شوقي تتذكر والدها وتنشر صورة نادرة تجمعهم

نعت الفنانة رانيا فريد شوقي والدها في ذكراه السادسة عشر، وتذكرت رانيا لوالدها كثير من الذكريات، حيث كتبت رانيا عبر حسابها الخاص على موقع التواصل الإجتماعي فيس بوك قائلة:
حبيبي الغالي و روح قلبي و احلي سنين عمري و حبي و حياتي كلها وحشتني اوي دايما بدعيلك و بكلمك و صورتك في خيالي و بحكي لبناني فريدة و ملك انا حتي سمتهم علي اسمك و ماما كمان بتقولهم عنك علي حنيتك و طيبتك و دلعك و حبك لينا و حبكم لبعض و قد ايه جدهم راجل عظيم فنان اخد لقب الملك من جمهورة اللي حبة و مازال فاكروه و بيترحم عليه جدهم اللي كان مؤمن أن الفن رسالة و من خلال فنه قدر يعمل قوانين تخدم الناس جدهم اللي اخد اوسمه من الرئيس عبد الناصر و السادات جدهم اللي اخد جوايز لا تعد عن اعمالة و اتكرم من كل الوطن العربي جدهم اللي متعنا في خيرة و دلعنا و زرع جوانا الانسانية و ربنا أنعم عليه اني أكون بنتة مش بس لأنه نجم كبير لا لأنه انسان بكل مافي الكلمة من معنى للإنسانية عارف يا بابا كتير بسرح مع خيالي و أحس انك شايفنا و حاسيس بينا و لو بنضحك بتضحك معانا و لو بنعيط بتعيط معانا و طبطب علينا يارب يا بابا تكون راضي عني و اتمني أكون قدرت احافظ علي اسمك اللي لي الشرف والفخر اني مرتبطة بيه
فعلا السنين بتجري مش قدرة أصدق أن فات 16 سنة علي فراقك بس أمر الله الله يرحمك و يجعل مثواك الجنة يارب
بحبك و بوسة و حض كبير لحد ماجيلك