محرج أقول لها مش بحبك

مساء الخير أستاذة نيفين محتاج رأيك من فضلك .. انا عادة بعمل شات كل يوم مع معظم أصدقائي فترة بالليل وكان فيه بنت من حوالي 6 شهور اتعرفت عليها وضفتها ضمن اصحابي على الفيس بوك ,
المهم ابتديت احس منها الفترة الأخيرة بنوع من التلميحات للدخول معايا في علاقة حب واكيد جواز وانا بصراحة الموضوع مش في دماغي اصلا ومحرج جدا منها لأنها برضه بنت ناس وكويسة بس معنديش استعداد تبقى هية عايشة الخيال في حتة وانا دماغي في حتة تانية ومش عارف اعمل ايه وخايف الموضوع يتطور معاها وتكون هية فاكرة اني مستجيب مع اني والله مفيش حاجة بتكلم معاها فيها ليها علاقة بكدة . ياريت لو تقوليلي الرد المناسب وشكرا .
فضفضة
حاول في وسط حديثكما بأي موضوع ان تختلق موقف يتيح لك الفرصة بأن توضح لها انك غير مؤهل للزواج بشكل عام وانه امامك خطة بعيدة تحتاج لوقتا طويلا لتنفيذها على المستوى المهني , أو تستعين بقصة صديق لك وانه اقبل على الزواج مثلا .. وان من رأيك انه قد تعجل في هذه الخطوة من وجهة نظرك لأسباب كذا وكذا .. .. وبالطبع ستبدأ الفتاة في طرح بعض الأسئلة عليك مثل .. هل انت غير راغب في الزواج الآن ؟ .. وبالإجابة عليها بكل وضوح ستتفهم موقفك بدون ان تضعها في موقف محرج وسينتهي الأمر بشكل لائق جدا .
نيفين حجازي