مبروك عليك المزة الجديدة

أستاذة نيفين من كتر ما بغير على جوزي قررت اعمل كذا عملية تجميل يمكن يهتم بية شوية والحمد لله العمليات جابت نتيجة وانا والحمد لله على قدر كبير من الجمال من الاول بس قلت زيادة الخير خيرين لكن الفكرة دي جت على دماغي وبدل ما اصيده صادني بقيت وانا ماشية جنبه اتعاكس اكتر من الأول وخناقات في الشارع بسبب الموضوع ده ومؤخراً بدا يشك فية لان فيه واحد جارنا شاب ساكن في الشقة اللي جنبنا على طول .. الشاب ده مليش علاقة بيه لكن انا صاحبة أخته وفي مرة قابل جوزي على السلم وقاله مبروك عليك المزة الجديدة .. الحقيقة الشاب ده كان قليل الأدب انه يقول لفظ كدة لكن اللي عارفاه عنه من أخته انه متطاول بطبعه ، ولما بشوف أخته هية اللي بتجيلي مش انا اللي بروح لها علشان أتجنب وجودي معاه في بيت واحد لكن طبعا بنتقابل كتير لو انا نازلة في نفس الوقت اللي هوة نازل فيه من البيت ، المهم انا دلوقتي في مشكلة كبيرة جداً ما بين شك جوزي فيه مع جارنا وانا اتاكدت من شكه ده بعد تلميحاته لية .. وما بين الخناقات المستمرة في الشارع بسبب النيو لوك .. اعمل إيه ؟ وشكرا

[email protected]