مقاس صدري عامل له أزمة

السلام عليكم ورحمة الله
انا متزوجة من 7 شهور ومشكلتي في جوزي بيتريق علية على طول بسبب نحافة اجزاء محددة ومعينة في جسمي وخصوصا الصدر ويفضل يتفرج على البنات في التلفزيون ويقول لي هية دي الستات ولا بلاش .. الكلام ده بيجرحني جدا ونبهته كتير وقلتله انا مليش ذنب في شكلي او تفاصيل جسمي .. انت حاسبني او عاتبني على طباعي معاك او سلوكي .. لكن بيفضل يتريق برضه واذا استمر الموضوع على كدة انا بفكر اطلب الطلاق فعلا لأني مش هقدر أتعامل مع راجل كل همه جسم الستات وسيرة الستات وشكل الستات .. جابلي عقدة بصراحة ومش عارفة أتصرف ازاي ؟ هل اروح اعمل جراحة ؟! حتى الحل ده صعب لانها غير انها عمليات مكلفة انا أخاف من عواقبها ومش ضامنة النتيجة من الناحية الصحية
ارجو الإفادة وشكرا جزيلا
ح. ا
فضفضة
محررة الصفحة .. نيفين حجازي
سيدي الفاضلة هناك أطباء تغذية يقومون بعمل ما يسمى بإعادة نحت الجسم عن طريق النظام الغذائي الذي يناسب طبيعة كل شخص .. أنصحك بالذهاب .. ليس لإرضاء زوجك فقط بل لتشعرين أيضاً بنوع من الرضاء على نفسك .. وابتعدي عن فكرة الطلاق لان تصلي الى النتيجة المرضية ان شاء الله .. مشكلتك تبدو سخيفة لكن مازال هناك حلول .. ومن ناحية اخرى لا تفرطي في الابتعاد عن الثقة بنفسك مما يزيد من إحساس زوجك بما تشكين منه .. وللعلم .. ان جمال المرأة في أشياء كثيرة وغير قاصر على شكلها فقط