جوزي بيحط روج

السلام عليكم ورحمة الله ,
مشكلتي هي جوزي ,, انا متزوجة من فترة قصيرة شهور .. المصيبة اني لاحظت بعض التصرفات والسلوكيات لجوزي تخليني اترعب من معاشرته ,, ابتديت الاحظ انه مهتم بدرجة كبيرة بالماكياج اقصد كل ما آجي احط ماكياج قدام المرايا الاقيه ملازمني ومصر على معرفة كل الخطوات والتفاصيل والأغرب من ده مش السؤال ! الأغرب انه بدأ يقوللي هاتي الروج كدة اما اجرب اشوف انتوا بتحسوا بإيه .. طبعا استغربت وبصتله بقرف فلما شاف رد فعلي راح صحح كلامه وقال : انا قصدي اشوف انا كمان شكلي هيطلع إزاي .. بصراحة سبتو ومشيت وقعدت لواحدي حوالي ساعة وهوة سابني لانه حس اني اخدت بالي ,,, بكل الطرق انا مش لاقياله مبرر .. ليه ؟ .. لأن جوزي مش مهتم بالماكياج وبس ده ابتدا كمان يهتم بالأسئلة عن ملابسي الداخلية ووظيفة بعضها .. ده بيتفرج عليها بشغف ست مش راجل صدقوني .. .. حاجة تانية …. طريقة قعدته وهوة بيحط رجل على رجل …. لا لا لا لا لا الموضوع فيه غلط او خطر بمعنى اصح .. من الآخر انا شاكة انه شاذ .. مشيته .. مش ماشية راجل ابدا وكل ده مكنش على فكرة ظاهر قبل الجواز خاااالص .. كان شخص عادي او على الأقل مجتش فرصة قدامي اشوف منه كل ده ولما اتجوزنا وعشنا في بيت واحد واخد راحته ظهر كل اللي حكيته …. يا بشر اتصرف ازاي واحكي لأهلي ولا لأ ؟؟؟؟ ارجو الرد بسرعة وشكرا
أ . ع

فضفضة
محررة الصفحة .. نيفين حجازي
سيديتي الفاضلة .. مبدئيا أجلي إخبار والديك الى ان تذهبي بزوجك إلى طبيب كي يقطع عندك الشك باليقين فإن أكد الطبيب ظنك بزوجك .. الحل معروف بينما إن أكد الطبيب على سلامة زوجك وما يصدر منه مجرد سوء نشأة أو أسباب أخرى مقبولة مؤقتا .. فالامر يستدعي منك قليلا من الصبر لإخضاعة تحت علاج نفسي يعيد زوجك الى طبيعة أي رجل .. لكن إن كنت بكل الأحوال تشعرين بعدم إرتياح فالقرار أيضا بيدك .