أسخف مرحلة في حياة الرجال

السلام عليكم .. الحمد لله على كل شئ , انا ست بيت وعندي 43 سنة وجوزي عنده 52 سنة و الظاهر كدة ان جوزي دخل في مرحلة المراهقة المتأخرة , مكدبش عليكو انا اتجننت اول ما إتأكدت من الموضوع لكن مع الوقت اكتشفت انها تركيبة الراجل كدة بدليل اني بسمع نفس القصة دي من سنين طويلة
.. معرفش الموضوع ده مرتبط بإيه عند الراجل لكن الغريب ان كل الرجال يتفقوا على سلوك واحد في سن واحد .. سؤال .. المفروض على الست ايه في الظروف اللي زي دي ؟ رد الفعل الأول يكون عامل ازاي ؟ هل في فرصة لإعادة الزوج لعقله مرة تانية ولا خلاص هوة بيبدأ يتلذذ من الوضع الجديد مع الزوجة التانية ؟ طيب لو مفيش أمل منه أو حتى هصبر وهوة هيرجع لوحده لية ولبيته المفروض في التوقيت ده انا اتصرف مع نفسي ازاي أو ادرب نفسي على ايه عشان انا كمان اقدر اعدي المرحلة السخيفة دي ؟ خدوا بالكم الأسئلة دي دليل وتأكيد على ان نيتي خير ونفسي اصلح ومش سهل أبدا على اي ست تبدأ تقتنع باللي انا بقوله ده .. سؤال أخير .. إذا جوزي مرجعش لية تاني هيكون شكل حياتي ايه وهعيش بمشاعر عاملة ازاي ؟.. الأسئلة دي كلها موجهة للرجالة من القراء لعلي أجد لديهم المفيد .. أشكر الجميع وأدعو الله للجميع بالهداية .