العيب فيه ولا في السوستة ؟

تحياتي وسلامي
مشكلتي اني ابتديت احس ان فيه نحس بيحوم حواليا بقالي يومين تلاتة كدة اصحى من النوم مش شايف قدامي طبعا اصلي بصحى لشغلي بدري .. وانا داخل الحمام ارشق في سيف الباب بوشي .. اوطي أغسل وشي اخبط في الحنفية ادخل البانيو اتزحلق وكنت هتكسر اطلع من مايتين ام البانيو أخد هدر على السيراميك .. ادخل اوضتي اتكعبل في السجادة الف ناحية الدولاب اطلع هدومي ادخل في حرف السرير بقصبة رجلي أبدا البس أقفل السوستة علية .. اقول يا فتاح يا عليم يا رزاق يا كريم وانزل شغلي ماسك أعصابي على قد ما اقدر ،، أوصل الشغل اكل واشرب فطار يعني ... شاي في قهوة في شاي في تليو .. طبعا احس اني عايز ادخل الحمام ،، ويتكرر نفس المشهد اللعين بتاع ام السوستة بنت الكلب اقعد اتوجع شوية واسب وألعن لغاية ما اهدأ شوية ارجع تاني زي كل البني أدمين اخش الحمام تاني وتالت ونفس المأساة تتكرر .. نفسي اعرف هوة مفيش غيري ؟؟؟؟ هية المشكلة في السوستة ولا المشكلة فية ولا المشكلة فين بالظبط ؟! لا بجد انا ابتديت اشك في الموضوع ده !! حاجة غريبة فعلا ... ده يا جدعان ابتديت افكر اشتري بنطلون باستيك زي بتاع الحوامل والأطفال هههههههه يخرب بيت كدة .. ولا يمكن انا اللي مسطول ومش مركز ؟ حد يقول لي يا رجالة أحسن كام مرة من دول هخلص خالص
خليها الإمضاء سوستة طالما هوة ده النظام
باسم يوسف لو عرف هيعمل علية حلقة لواحدي هههههههههه